ਮੱਧ ਪ੍ਰਦੇਸ਼: ਗਵਾਲੀਆਰ ਦੇ ਉਪਨਗਰ ਮੁਰਾਰ ਸਥਿਤ ਫੌਜ ਛਾਉਣੀ ਖੇਤਰ ਵਿੱਚੋਂ ਦੋ ਸ਼ੱਕੀ ਨੌਜਵਾਨ ਫੌਜ ਦੀ ਮਦਦ ਨਾਲ ਫੜੇ ਗਏ ਹਨ। ਪੰਜਾਬ ਦੇ ਰਹਿਣ ਵਾਲੇ ਦੋਨਾਂ ਨੌਜਵਾਨ ਫੌਜੀਆਂ ਦੇ ਡਰਾਈਵਿੰਗ ਲਾਇਸੈਂਸ ਬਣਾਉਣ ਦੀ ਕੋਸ਼ਿਸ਼ ਕਰ ਰਹੇ ਸੀ। ਇਨ੍ਹਾਂ ਨੌਜਵਾਨਾਂ ਦਾ ਅਸਲ ਮਕਸਦ ਕੀ ਸੀ ਇਸਦੇ ਬਾਰੇ ਜਾਂਚ ਕੀਤੀ ਜਾ ਰਹੀ ਹੈ।
ਦਰਅਸਲ ਉਪਨਗਰ ਸਥਿਤ ਕੁਮਾਉਂ ਛਾਉਣੀ ਇਲਾਕੇ ਵਿੱਚ ਦੋ ਸ਼ੱਕੀ ਨੌਜਵਾਨ ਜਵਾਨਾਂ ਦੇ ਡਰਾਈਵਿੰਗ ਲਾਇਸੈਂਸ ਬਣਾਉਣ ਦੀ ਕੋਸ਼ਿਸ਼ ਕਰ ਰਹੇ ਸੀ। ਨੌਜਵਾਨ ਕਿਉ ਫੌਜ ਦੇ ਜਵਾਨਾਂ ਦੇ ਡਰਾਈਵਿੰਗ ਲਾਇਸੈਂਸ ਬਣਾਉਣ ਦੀ ਕੋਸ਼ਿਸ਼ ਕਰ ਰਹੇ ਸੀ, ਇਸ ਦੀ ਜਾਣਕਾਰੀ ਜਦੋ ਅਫਸਰਾਂ ਨੂੰ ਲੱਗੀ ਤਾਂ ਫੌਜ ਦੇ ਅਧਿਕਾਰੀ ਬਾਬੂਲਾਲ ਨੇ ਮੁਰਾਰ ਪੁਲਿਸ ਨੂੰ ਇਤਲਾਹ ਦਿੱਤੀ ਅਤੇ ਦੋਨਾਂ ਨੌਜਵਾਨਾਂ ਨੂੰ ਫੜ ਕੇ ਪੁਲਿਸ ਦੇ ਹਵਾਲੇ ਕਰ ਦਿੱਤਾ।
ਇਹ ਵੀ ਪੜੋ: ਉੱਘੇ ਆਜ਼ਾਦੀ ਘੁਲਾਟੀਏ ਦਰਬਾਰਾ ਸਿੰਘ ਦਾ ਦੇਹਾਂਤ
ਫੜੇ ਗਏ ਦੋਨੋਂ ਨੌਜਵਾਨ ਪੰਜਾਬ ਦੇ ਪਠਾਨਕੋਟ ਦੇ ਰਹਿਣ ਵਾਲੇ ਹਨ। ਇਨ੍ਹਾਂ ਦੀ ਪਹਿਚਾਣ ਸੋਰਵ ਅਤੇ ਅਮਿਤ ਗੁਲੇਰੀਆ ਵਜੋਂ ਦੱਸੀ ਜਾ ਰਹੀ ਹੈ। ਫੜੇ ਗਏ ਨੌਜਵਾਨਾਂ ਤੋਂ ਦਸਤਾਵੇਜ਼ ਵੀ ਬਰਾਮਦ ਕੀਤੇ ਗਏ ਹਨ। ਪੁਲਿਸ ਇਨ੍ਹਾਂ ਦਸਤਾਵੇਜ਼ਾ ਦੀ ਜਾਂਚ ਕਰ ਰਹੀ ਹੈ। ਇਸ ਦੇ ਲਈ ਪੰਜਾਬ ਪੁਲਿਸ ਨਾਲ ਵੀ ਸੰਪਰਕ ਬਣਾਇਆ ਜਾ ਰਿਹਾ ਹੈ।