ਹੈਦਰਾਬਾਦ: ਕੇਂਦਰੀ ਸਿਹਤ ਅਤੇ ਪਰਿਵਾਰ ਭਲਾਈ ਮੰਤਰਾਲੇ ਨੇ ਕੋਰੋਨਾ ਦੇ ਮਰੀਜ਼ਾਂ ਬਾਰੇ ਨਵੀਂ ਨੀਤੀ ਜਾਰੀ ਕੀਤੀ ਹੈ। ਇਹ ਨੀਤੀ ਹਸਪਤਾਲ ਤੋਂ ਸੰਕਰਮਿਤ ਮਰੀਜ਼ਾਂ ਦੇ ਡਿਸਚਾਰਜ ਬਾਰੇ ਹੈ।
ਨਵੀਆਂ ਤਬਦੀਲੀਆਂ ਦੇ ਤਹਿਤ, ਹਲਕੇ ਮਾਮਲਿਆਂ ਵਿੱਚ ਡਿਸਚਾਰਜ ਤੋਂ ਪਹਿਲਾਂ ਟੈਸਟਿੰਗ ਖ਼ਤਮ ਕਰ ਦਿੱਤੀ ਗਈ ਹੈ। ਜੇ ਮਰੀਜ਼ ਵਿੱਚ ਕੋਈ ਲੱਛਣ ਨਹੀਂ ਵਿਖਾਈ ਦਿੰਦਾ ਅਤੇ ਸਥਿਤੀ ਸਧਾਰਣ ਪ੍ਰਤੀਤ ਹੁੰਦੀ ਹੈ ਤਾਂ ਮਰੀਜ਼ ਨੂੰ 10 ਦਿਨਾਂ ਵਿੱਚ ਹਸਪਤਾਲ ਤੋਂ ਛੁੱਟੀ ਦਿੱਤੀ ਜਾ ਸਕਦੀ ਹੈ।
ਡਿਸਚਾਰਜ ਤੋਂ ਬਾਅਦ, ਮਰੀਜ਼ ਨੂੰ ਹੁਣ 14 ਦੀ ਬਜਾਏ 7 ਦਿਨਾਂ ਲਈ ਘਰ ਵਿੱਚ ਕੁਆਰੰਟੀਨ ਰਹਿਣਾ ਹੋਵੇਗਾ। ਸਿਹਤ ਮੰਤਰਾਲੇ ਨੇ ਕੋਰੋਨਾ ਦੇ ਮਰੀਜ਼ਾਂ ਨੂੰ ਤਿੰਨ ਸ਼੍ਰੇਣੀਆਂ ਵਿਚ ਵੰਡਿਆ ਹੈ-
- ਹਲਕੇ ਜਾਂ ਬਹੁਤ ਹਲਕੇ ਮਾਮਲੇ
- ਥੋੜੇ ਗੰਭੀਰ ਮਾਮਲੇ
- ਗੰਭੀਰ ਮਾਮਲੇ
ਹਲਕੇ ਜਾਂ ਬਹੁਤ ਹੀ ਹਲਕੇ ਮਾਮਲੇ
ਲੱਛਣ ਦਿਖਾਈ ਦੇਣ ਦੇ 10 ਦਿਨਾਂ ਬਾਅਦ ਅਤੇ ਤਿੰਨ ਦਿਨਾਂ ਤੋਂ ਜੇ ਬੁਖਾਰ ਨਹੀਂ ਹੁੰਦਾ। ਕੋਈ ਆਰਟੀ ਪੀਸੀਆਰ (RT PCR) ਟੈਸਟ ਕੀਤੇ ਬਿਨਾਂ ਡਿਸਚਾਰਜ ਕੀਤਾ ਜਾਵੇਗਾ। ਕੋਰੋਨਾ ਦੇ ਹਲਕੇ ਲੱਛਣ ਵਾਲੇ ਮਰੀਜ਼ਾਂ ਨੂੰ ਕੋਵਿਡ ਕੇਅਰ ਸਹੂਲਤ ਵਿੱਚ ਰੱਖਿਆ ਜਾਵੇਗਾ, ਜਿੱਥੇ ਉਹ ਨਿਯਮਤ ਤਾਪਮਾਨ ਦੀ ਜਾਂਚ ਅਤੇ ਨਬਜ਼ ਦੇ ਆਕਸੀਮੀਟਰੀ ਨਿਗਰਾਨੀ ਵਿੱਚੋਂ ਲੰਘਣਗੇ।
ਜੇ ਬੁਖਾਰ ਤਿੰਨ ਦਿਨਾਂ ਤੱਕ ਮੌਜੂਦ ਨਹੀਂ ਆਇਆ, ਤਾਂ ਮਰੀਜ਼ ਨੂੰ 10 ਦਿਨਾਂ ਬਾਅਦ ਹਸਪਤਾਲ ਤੋਂ ਛੁੱਟੀ ਦਿੱਤੀ ਜਾ ਸਕਦੀ ਹੈ। ਉਸ ਤੋਂ ਪਹਿਲਾਂ ਜਾਂਚ ਕਰਨ ਦੀ ਜ਼ਰੂਰਤ ਨਹੀਂ ਪਵੇਗੀ। ਡਿਸਚਾਰਜ ਸਮੇਂ ਮਰੀਜ਼ ਨੂੰ ਘਰ ਵਿੱਚ ਹੀ ਕੁਆਰੰਟੀਨ 'ਚ ਰਹਿਣਾ ਹੋਵੇਗਾ।
ਥੋੜ੍ਹੇ ਗੰਭੀਰ ਮਾਮਲੇ
ਇਸ ਲੱਛਣ ਵਾਲੇ ਮਰੀਜ਼ਾਂ ਨੂੰ ਡੈਡੀਕੇਟੇਡ ਕੋਵਿਡ ਹੈਲਥ ਸੈਂਟਰ ਵਿੱਚ ਆਕਸੀਜ਼ਨ ਬੈਡਜ਼ 'ਤੇ ਰੱਖਇਆ ਜਾਵੇਗਾ। ਉਨ੍ਹਾਂ ਨੂੰ ਬੌਡੀ ਟੈਂਪਰੇਚਰ ਅਤੇ ਆਕਸੀਜ਼ਨ ਸੈਚੁਰੇਸ਼ਨ ਜਾਂਚ ਤੋਂ ਗੁਜ਼ਰਨਾ ਹੋਵੇਗਾ।ਜੇ ਤਿੰਨ ਦਿਨ ਵਿੱਚ ਬੁਖਾਰ ਉੱਤਰ ਜਾਂਦਾ ਹੈ ਅਤੇ ਮਰੀਜ਼ ਦਾ ਆਉਣ ਵਾਲੇ ਚਾਰ ਦਿਨਾਂ ਤੱਕ ਸੈਚੂਰੀਏਸ਼ਨ ਲੈਵਲ ਸਿਰਫ 95% ਤੋਂ ਜ਼ਿਆਦਾ ਰਹਿੰਦਾ ਹੈ ਤਾਂ 10 ਦਿਨਾਂ ਬਾਅਦ ਛੱਡਿਆ ਜਾ ਸਕਦਾ ਹੈ। ਪਰ ਬੁਖਾਰ, ਸਾਹ ਲੈਣ ਵਿੱਚ ਤਕਲੀਫ ਅਤੇ ਆਕਸੀਜ਼ਨ ਦੀ ਜ਼ਰੂਰਤ ਨਹੀਂ ਹੋਣੀ ਚਾਹੀਦੀ ਹੈ। ਅਜਿਹੇ ਮਰੀਜ਼ਾਂ ਦੀ ਡਿਸਚਾਰਜ ਤੋਂ ਪਹਿਲਾਂ ਜਾਂਚ ਨਹੀਂ ਹੋਵੇਗੀ।
ਗੰਭੀਰ ਮਰੀਜ਼
ਉਹ ਮਰੀਜ਼ ਜੋ ਆਕਸੀਜ਼ਨ ਸਪੋਰਟ ਉੱਤੇ ਹਨ ਉਨ੍ਹਾਂ ਨੂੰ ਕਲੀਨਿਕਲ ਪ੍ਰਣਾਲੀਆਂ ਨੂੰ ਹਟਾਏ ਜਾਣ ਤੋਂ ਬਾਅਦ ਹੀ ਛੁੱਟੀ ਦਿੱਤੀ ਜਾਏਗੀ। ਸਿਰਫ ਉਹ ਮਰੀਜ਼ ਜੋ ਲਗਾਤਾਰ ਤਿੰਨ ਦਿਨਾਂ ਤੱਕ ਆਕਸੀਜ਼ਨ ਸੰਤ੍ਰਿਪਤ ਬਣਾਈ ਰੱਖਦੇ ਹਨ ਉਨ੍ਹਾਂ ਨੂੰ ਹਸਪਤਾਲ ਤੋਂ ਛੁੱਟੀ ਦਿੱਤੀ ਜਾਏਗੀ। ਇਸ ਤੋਂ ਇਲਾਵਾ, ਐੱਚਆਈਵੀ ਜਾਂ ਹੋਰ ਗੰਭੀਰ ਬਿਮਾਰੀਆਂ ਵਾਲੇ ਮਰੀਜ਼ਾਂ ਨੂੰ ਕਲੀਨਿਕਲ ਰਿਕਵਰੀ ਅਤੇ ਆਰਟੀ-ਪੀਸੀਆਰ ਟੈਸਟ ਨੈਗੇਟਿਵ ਆਉਣ ਤੋਂ ਬਾਅਦ ਹੀ ਛੁੱਟੀ ਦਿੱਤੀ ਜਾਏਗੀ।
ਹਸਪਤਾਲ ਤੋਂ ਛੁੱਟੀ ਮਿਲਣ ਤੋਂ ਬਾਅਦ
ਇਕ ਵਾਰ ਜਦੋਂ ਮਰੀਜ਼ ਨੂੰ ਹਸਪਤਾਲ ਤੋਂ ਛੁੱਟੀ ਮਿਲ ਜਾਂਦੀ ਹੈ, ਤਾਂ ਉਸ ਨੂੰ ਸੱਤ ਦਿਨਾਂ ਲਈ ਘਰ ਵਿੱਚ ਕੁਆਰੰਟੀਨ ਰਹਿਣਾ ਪਏਗਾ। ਜੇ ਬੁਖਾਰ, ਖੰਘ ਅਤੇ ਸਾਹ ਲੈਣ ਵਿੱਚ ਮੁਸ਼ਕਲ ਵਰਗੇ ਲੱਛਣ ਵੇਖੇ ਜਾਂਦੇ ਹਨ, ਤਾਂ ਮਰੀਜ਼ ਨੂੰ ਕੋਵਿਡ ਕੇਅਰ ਸੈਂਟਰ ਜਾਂ ਸਟੇਟ ਹੈਲਪਲਾਈਨ ਜਾਂ 1075 ਨਾਲ ਸੰਪਰਕ ਕਰਨਾ ਚਾਹੀਦਾ ਹੈ।
