ਕੇਰਲ: ਦੁਨੀਆ ਦੀ ਸਭ ਤੋਂ ਵੱਡੀ ਕਿਸ਼ਤੀ-ਦੌੜ ਦਾ ਆਯੋਜਨ ਕੀਤਾ ਗਿਆ। 'ਨਹਿਰੂ ਟਰਾਫੀ ਕਿਸ਼ਤੀ-ਦੌੜ', ਕਿਸ਼ਤੀ ਦੌੜ ਮੁਕਾਬਲਿਆਂ ਵਿੱਚ ਸਭ ਤੋਂ ਪ੍ਰਸਿੱਧ ਅਤੇ ਪ੍ਰਤੀਯੋਗੀ ਮੁਕਾਬਲੇ ਵਿੱਚੋਂ ਇੱਕ ਮੰਨੀ ਜਾਂਦੀ ਹੈ। ਪੱਲਥੁਰਥੀ ਕਿਸ਼ਤੀ ਕਲੱਬ ਦੇ ਨਦੁਭਗਮ ਚੰਦਨ ਨੇ 67ਵੀਂ ਨਹਿਰੂ ਟਰਾਫੀ ਜਿੱਤ ਲਈ ਹੈ। ਪੁੰਨਮਦਾ ਝੀਲ ਵਿੱਚ ਹੋਈ ਇਸ ਦੌੜ ਵਿੱਚ ਨਦੁਭਾਗਮ ਨੇ ਯੂ ਬੀ ਸੀ ਕਿਸ਼ਤੀ ਕਲੱਬ ਦੀ ਚੰਬਕੂਲਮ ਕਿਸ਼ਤੀ ਨੂੰ ਹਰਾ ਕੇ ਖ਼ਿਤਾਬ ਜਿੱਤ ਕੇ ਆਪਣੇ ਨਾਂਅ ਕੀਤਾ ਹੈ।
ਸਮੁੱਚੀ ਕਿਸ਼ਤੀ ਦੌੜ ਦੇ ਇਤਿਹਾਸ ਵਿੱਚ ਨਦੂਭਗਮ ਨੇ ਦੂਜੀ ਵਾਰ ਨਹਿਰੂ ਟਰਾਫੀ ਜਿੱਤੀ ਹੈ। ਪੁਲਿਸ ਬੋਟ ਕਲੱਬ ਦੇ ਕਰਿਚਲ ਚੰਦਨ ਤੀਜੇ ਸਥਾਨ 'ਤੇ ਰਹੀ ਹੈ। ਸਨੇਕ ਕਿਸ਼ਤੀ ਦੀ ਦੌੜ ਸਨਿੱਚਰਵਾਰ ਨੂੰ ਸਵੇਰੇ 11 ਵਜੇ ਛੋਟੀਆਂ ਕਿਸ਼ਤੀਆਂ ਦੇ ਨਾਲ ਸ਼ੁਰੂ ਹੋਈ। ਇਸ ਤੋਂ ਇਲਾਵਾ ਹੀਟ ਆੱਫ ਚੰਦਨ ਕਿਸ਼ਤੀ ਅਤੇ ਛੋਟੀਆਂ ਕਿਸ਼ਤੀਆਂ ਦੇ ਫਾਈਨਲ ਮੁਕਾਬਲੇ ਵੀ ਕਰਵਾਏ ਗਏ। ਇਹ ਮੰਨਿਆ ਜਾਂਦਾ ਹੈ ਕਿ ਨਹਿਰੂ ਟਰਾਫੀ ਕਿਸ਼ਤੀ ਰੇਸ ਕੇਰਲ ਵਿੱਚ ਪ੍ਰਮੁੱਖ ਸਨੇਕ ਕਿਸ਼ਤੀ ਦੌੜ ਵਿੱਚੋਂ ਇੱਕ ਹੈ।
ਕੇਰਲ ਦੇ ਮੁੱਖ ਮੰਤਰੀ ਪਿਨਰਾਈ ਵਿਜੈਯਨ ਨੇ ਕ੍ਰਿਕਟ ਦੇ ਮਹਾਨ ਕਪਤਾਨ ਸਚਿਨ ਤੇਂਦੁਲਕਰ ਦੇ ਨਾਲ 2019 'ਨਹਿਰੂ ਟਰਾਫੀ ਕਿਸ਼ਤੀ ਦੌੜ ਦਾ ਉਦਘਾਟਨ ਕੀਤਾ। ਦੱਸਣਯੋਗ ਹੈ ਕਿ 'ਨਹਿਰੂ ਟਰਾਫੀ' ਵਿੱਚ ਕੁੱਲ 79 ਕਿਸ਼ਤੀਆਂ ਨੇ ਹਿੱਸਾ ਲਿਆ ਸੀ। ਜਿਸ ਵਿੱਚ 23 ਸਨੇਕ ਕਿਸ਼ਤੀਆਂ ਸਨ। ਹਰ ਕਿਸ਼ਤੀ ਵਿੱਚ 90 ਤੋਂ 110 ਕਿਸ਼ਤੀਆਂ ਚਲਾਣ ਵਾਲੇ ਸਨ, ਜੋ ਚੈਨਲਾਂ ਰਾਹੀਂ ਸੱਪਾਂ ਵਾਂਗ ਭੱਜਦੀਆਂ ਹਨ। ਲੋਕ ਲਗਭਗ 100 ਫੁੱਟ ਲੰਬੀ ਕਿਸ਼ਤੀਆਂ ਨੂੰ ਵੇਖਣ ਲਈ ਵੱਡੀ ਗਿਣਤੀ ਵਿੱਚ ਇਕੱਠੇ ਹੋਏ ਸਨ।
