ਨਵੀਂ ਦਿੱਲੀ: ਹਵਲਦਾਰ ਰਤਨ ਲਾਲ ਕਤਲ ਕਾਂਡ ਦੇ ਮਾਮਲੇ ਵਿੱਚ ਦਿੱਲੀ ਪੁਲਿਸ ਵੱਲੋਂ ਦਾਇਰ ਚਾਰਜਸ਼ੀਟ ਵਿੱਚ ਪਹਿਲੀ ਵਾਰ ਭਾਜਪਾ ਨੇਤਾ ਕਪਿਲ ਮਿਸ਼ਰਾ ਦੇ ਨਾਮ ਦਾ ਜ਼ਿਕਰ ਕੀਤਾ ਗਿਆ ਹੈ। ਇਸ ਵਿਚ ਇਕ ਗਵਾਹ ਨੇ ਕਿਹਾ ਹੈ ਕਿ ਉਸਨੇ ਸੁਣਿਆ ਸੀ ਕਿ ਕਪਿਲ ਮਿਸ਼ਰਾ ਦੇ ਲੋਕ ਪੰਡਾਲ ਨੂੰ ਅੱਗ ਲਾ ਰਹੇ ਸਨ। ਪਰ ਉਸਨੇ ਆਪਣੀਆਂ ਅੱਖਾਂ ਨਾਲ ਅਜਿਹਾ ਕੁਝ ਨਹੀਂ ਵੇਖਿਆ ਸੀ। ਇਹ ਬਿਆਨ ਚਾਰਜਸ਼ੀਟ ਦੇ ਨਾਲ ਦਿੱਤਾ ਗਿਆ ਹੈ।
ਜਾਣਕਾਰੀ ਦੇ ਅਨੁਸਾਰ ਚਾਰਜਸ਼ੀਟ ਦੇ ਨਾਲ ਕ੍ਰਾਈਮ ਬ੍ਰਾਂਚ ਨੇ ਨਜ਼ਮ ਉਲ ਹਸਨ ਨਾਮ ਦੇ ਵਿਅਕਤੀ ਦਾ ਦਰਜ ਕੀਤਾ ਬਿਆਨ ਅਦਾਲਤ ਵਿੱਚ ਪੇਸ਼ ਕੀਤਾ ਹੈ। ਇਸ ਵਿਚ ਉਸ ਨੇ ਕਿਹਾ ਹੈ ਕਿ ਵਿਰੋਧ ਪ੍ਰਦਰਸ਼ਨ ਸ਼ੁਰੂ ਹੋਣ ਤੋਂ ਪਹਿਲਾਂ ਅਯਾਜ਼ ਦੇ ਬੇਸਮੈਂਟ ਵਿਚ ਇਕ ਮੀਟਿੰਗ ਕੀਤੀ ਗਈ ਸੀ। ਡੀਐਚ ਬਿੰਦਰਾ, ਸਲਮਾਨ, ਸਿਦੀਕੀ, ਮੁੰਨਾ, ਸਲੀਮ, ਬਬਲੂ ਹਾਜੀ, ਤਾਜ ਮੁਹੰਮਦ, ਅਸ਼ਰਫ ਅਤੇ ਹੋਰਾਂ ਨੇ ਇਸ ਵਿੱਚ ਸ਼ਿਰਕਤ ਕੀਤੀ।
ਡੀਐਚ ਬਿੰਦਰਾ ਨੇ ਐਨਆਰਸੀ ਅਤੇ ਸੀਏਏ ਦਾ ਵਿਰੋਧ ਕਰਨ ਵਾਲਿਆਂ ਲਈ ਲੰਗਰ ਅਤੇ ਮੈਡੀਕਲ ਕੈਂਪ ਲਗਾਉਣ ਲਈ ਕਿਹਾ ਸੀ। ਉਸ ਨੇ ਕਿਹਾ ਸੀ ਕਿ ਜੇ ਤੁਸੀਂ ਹੁਣ ਨਹੀਂ ਜਾਗਦੇ, ਤਾਂ ਤੁਹਾਡੇ ਨਾਲ ਉਹੀ ਸਥਿਤੀ ਹੋਵੇਗੀ ਜੋ ਸਾਡੇ ਨਾਲ 1984 ਵਿੱਚ ਹੋਇਆ ਸੀ, ਇਸ ਤੋਂ ਬਾਅਦ ਪ੍ਰੋਟੈਸਟ ਸ਼ੁਰੂ ਹੋਇਆ ਜਿਸ ਵਿਚ ਭੜਕਾਊ ਭਾਸ਼ਣ ਦਿੱਤੇ ਗਏ ਸਨ।
ਨਿਜ਼ਾਮ ਉਲ ਹਸਨ ਨੇ ਆਪਣੇ ਬਿਆਨ ਵਿੱਚ ਕਿਹਾ ਹੈ ਕਿ ਜਦੋਂ ਉਸ ਨੇ 24 ਫ਼ਰਵਰੀ ਨੂੰ ਸਵੇਰੇ 11 ਵਜੇ ਇਸ਼ਨਾਨ ਕੀਤਾ ਤਾਂ ਚਾਂਦ ਬਾਗ਼ ਖੇਤਰ ਵਿੱਚ ਬਹੁਤ ਸਾਰੇ ਲੋਕ ਇਕੱਠੇ ਹੋਏ ਸਨ। ਇੱਥੇ ਕੁਝ ਲੋਕਾਂ ਨੂੰ ਸੱਟ ਵੱਜੀ। ਜਦੋਂ ਉਸਨੂੰ ਪਤਾ ਲੱਗਿਆ ਤਾਂ ਲੋਕਾਂ ਨੇ ਦੱਸਿਆ ਕਿ ਪੁਲਿਸ ਨੇ ਲਾਠੀਚਾਰਜ ਕੀਤਾ ਸੀ, ਜਿਸ ਵਿੱਚ ਬਹੁਤ ਸਾਰੇ ਲੋਕ ਜ਼ਖਮੀ ਹੋ ਗਏ ਸਨ। ਇਹ ਗੱਲ ਸਾਰੇ ਖੇਤਰ ਵਿੱਚ ਫੈਲ ਗਈ ਅਤੇ ਲੋਕ ਚਾਂਦ ਬਾਗ਼ ਪਹੁੰਚਣੇ ਸ਼ੁਰੂ ਹੋ ਗਏ।
ਉਸ ਨੇ ਲੋਕਾਂ ਨੂੰ ਯਕੀਨ ਦਵਾਉਣ ਦੀ ਕੋਸ਼ਿਸ਼ ਕੀਤੀ। ਜਦੋਂ ਹੰਗਾਮਾ ਵੱਧਣਾ ਸ਼ੁਰੂ ਹੋਇਆ, ਤਾਂ ਉਹ ਵਾਪਸ ਆਪਣੇ ਘਰ ਚਲਾ ਗਿਆ। ਉਸ ਤੋਂ ਬਾਅਦ ਪੁਲਿਸ ਤੇ ਪੱਥਰਬਾਜ਼ੀ ਸ਼ੁਰੂ ਹੋ ਗੋਈ ਜਿਸ ਨਾਲ ਹਫੜਾ-ਦਫੜੀ ਮੱਚ ਗਈ ਸੀ।
ਇਸ ਸਮੇਂ ਦੌਰਾਨ ਉਸਨੇ ਸੁਣਿਆ ਕਿ ਕਪਿਲ ਮਿਸ਼ਰਾ ਦੇ ਕੁਝ ਲੋਕਾਂ ਨੇ ਪੰਡਾਲ ਨੂੰ ਅੱਗ ਲਗਾਈ ਹੈ। ਬਿਆਨ ਵਿੱਚ, ਉਸਨੇ ਕਿਹਾ ਹੈ ਕਿ ਉਸਨੇ ਇਸਨੂੰ ਨਹੀਂ ਵੇਖਿਆ ਪਰ ਲੋਕ ਅਜਿਹਾ ਸ਼ੋਰ ਸ਼ਰਾਬਾ ਕਰ ਰਹੇ ਸਨ।
ਚਾਰਜਸ਼ੀਟ ਦੇ ਨਾਲ ਪੁਲਿਸ ਦੁਆਰਾ ਦਿੱਤੇ ਬਿਆਨ ਵਿੱਚ ਇਹ ਸਪੱਸ਼ਟ ਨਹੀਂ ਕੀਤਾ ਗਿਆ ਹੈ ਕਿ ਪੀੜਤ ਨੇ ਜੋ ਸੁਣਿਆ ਉਹ ਇੱਕ ਅਫ਼ਵਾਹ ਸੀ ਜਾਂ ਨਹੀਂ। ਸੂਤਰ ਦੱਸਦੇ ਹਨ ਕਿ ਪੁਲਿਸ ਜਾਂਚ ਵਿੱਚ ਇਹ ਗੱਲ ਸਾਹਮਣੇ ਆਈ ਹੈ ਕਿ ਕੁਝ ਲੋਕਾਂ ਨੇ ਇਹ ਅਫਵਾਹ ਸ਼ੁਰੂ ਕੀਤੀ ਸੀ। ਪਰ ਅਜੇ ਤੱਕ ਪੁਲਿਸ ਵਲੋਂ ਕੁਝ ਸਪੱਸ਼ਟ ਨਹੀਂ ਕੀਤਾ ਗਿਆ ਹੈ। ਪੁਲਿਸ ਨੇ ਇਸ ਨਾਲ ਜੁੜੇ ਤੱਥਾਂ ਨੂੰ ਅਦਾਲਤ ਵਿੱਚ ਵੀ ਨਹੀਂ ਰੱਖਿਆ।
