ਮੁੰਬਈ: ਸ਼ਹਿਰ ਦੇ ਵਿਲੇ ਪਾਰਲੇ ਵੈਸਟ ਖੇਤਰ ਵਿੱਚ ਇੱਕ ਰਿਹਾਇਸ਼ੀ ਇਮਾਰਤ ਵਿੱਚ ਭਿਆਨਕ ਅੱਗ ਲੱਗ ਗਈ। ਮੌਕੇ 'ਤੇ ਪੁੱਜੀ ਅੱਗ ਬੁਝਾਊ ਦਸਤੇ ਦੀਆਂ 8-10 ਗੱਡੀਆਂ ਨੇ ਵੱਡੀ ਮਸ਼ਕਤ ਤੋਂ ਬਾਅਦ ਅੱਗ 'ਤੇ ਕਾਬੂ ਪਾ ਲਿਆ ਹੈ। ਜਾਣਕਾਰੀ ਮੁਤਾਬਕ ਇਸ ਭਿਆਨਕ ਅੱਗ 'ਚ ਜਾਨੀ ਨੁਕਸਾਨ 'ਚ ਬਚਾਅ ਰਿਹਾ।
ਦੱਸਣਯੋਗ ਹੈ ਕਿ ਅੱਗ 13 ਮੰਜ਼ਿਲਾ ਇਮਾਰਤ ਦੀ 7ਵੀਂ ਅਤੇ 8ਵੀਂ ਮੰਜ਼ਿਲ ‘ਤੇ ਲੱਗੀ ਸੀ। ਹਾਲਾਂਕਿ ਅੱਗ ਲੱਗਣ ਕਾਰਨ ਕਿਸੇ ਦੇ ਜਾਨੀ ਨੁਕਸਾਨ ਦੀ ਖ਼ਬਰ ਨਹੀਂ ਮਿਲੀ ਹੈ।
ਜਾਣਕਾਰੀ ਮੁਤਾਬਕ ਐਤਵਾਰ ਸ਼ਾਮ 7.10 ਵਜੇ ਵਿਲੇ ਪਾਰਲੇ ਵੈਸਟ ਖੇਤਰ ਦੀ ਲਾਭ ਸ਼੍ਰੀਵੱਲੀ ਇਮਾਰਤ ਨੂੰ ਅੱਗ ਲੱਗੀ। ਥੋੜ੍ਹੀ ਦੇਰ ਬਾਅਦ ਹੀ ਫਾਇਰ ਬ੍ਰਿਗੇਡ ਦੀਆਂ ਗੱਡੀਆਂ ਮੌਕੇ 'ਤੇ ਪਹੁੰਚ ਗਈਆਂ ਅਤੇ ਅੱਗ ਬੁਝਾਉਣ ਦੀ ਕੋਸ਼ਿਸ਼ ਕੀਤੀ ਤੇ ਅੱਗ ਬੁਝਾਉਣ 'ਚ ਉਹ ਕਾਮਯਾਬ ਰਹੇ।
