ਨਵੀਂ ਦਿੱਲੀ: ਯਮੁਨਾ ਐਕਸਪ੍ਰੈਸ ਘੋਟਾਲੇ ਮਾਮਲੇ ਦੀ ਜਾਂਚ ਦੀ ਜ਼ਿਮੇਵਾਰੀ ਹੁਣ ਸੀਬੀਆਈ ਨੇ ਲਈ ਹੈ। ਅਧਿਕਾਰੀਆਂ ਨੇ ਬੁੱਧਵਾਰ ਨੂੰ ਦੱਸਿਆ ਕਿ ਏਜੰਸੀ ਨੇ ਆਪਣੀ ਐਫ.ਆਈ.ਆਰ. ਵਿੱਚ ਸਾਬਕਾ ਸੀਈਓ ਪੀਸੀ ਗੁਪਤਾ ਅਤੇ 20 ਹੋਰ ਵਿਅਕਤੀਆਂ ਨੂੰ ਨਾਮਜ਼ਦ ਕੀਤਾ ਹੈ।
ਅਧਿਕਾਰੀਆਂ ਨੇ ਦੱਸਿਆ ਕਿ ਏਜੰਸੀ ਨੇ ਉਤਰ ਪ੍ਰਦੇਸ਼ ਸਰਕਾਰ ਦੀ ਸਿਫਾਰਿਸ਼ ਦੇ ਤਹਿਤ ਇਹ ਕਦਮ ਚੱਕਿਆ ਹੈ। ਸਰਕਾਰ ਨੇ ਯਮੁਨਾ ਐਕਸਪ੍ਰੈਸ ਯੋਜਨਾ ਦੇ ਲਈ ਮਥੂਰਾ ਵਿੱਚ ਬਹੁਤ ਜ਼ਮੀਨਾਂ ਦੀ ਖਰੀਦ ਵਿੱਚ 126 ਕਰੋੜ ਰੁਪਏ ਦੀ ਕਥਿਤ ਬੇਨਿਯਮੀਆਂ ਦੀ ਜਾਂਚ ਕਰਨ ਲਈ ਕਿਹਾ ਹੈ।
ਅਧਿਕਾਰੀਆਂ ਨੇ ਦੱਸਿਆ ਕਿ ਰਾਜ ਸਰਕਾਰ ਦਾ ਆਰੋਪ ਹੈ ਕਿ ਤੱਤਕਾਲੀਨ ਯਮੁਨਾ ਐਕਸਪ੍ਰੈਸ ਉਦਯੋਗਿਕ ਵਿਕਾਸ ਅਥਾਰਟੀ ਨੇ ਯਮੁਨਾ ਐਕਸਪ੍ਰੈਸ ਦੇ ਲਈ ਮਥੂਰਾ ਦੇ ਸੱਤ ਪਿੰਡਾਂ ਵਿੱਚ 85 ਕਰੋੜ ਰੁਪਏ ਵਿੱਚ ਜ਼ਮੀਨ ਖਰੀਦੀ ਸੀ ਜਿਸ ਵਿੱਚ ਰਾਜ ਸਰਕਾਰ ਨੂੰ 126 ਕਰੋੜ ਰੁਪਏ ਨੁਕਸਾਨ ਹੋਇਆ ਸੀ।
