ਭੁਵਨੇਸ਼ਵਰ: ਦੇਸ਼ ਨੇ ਮੰਗਲਵਾਰ ਨੂੰ ਓਡੀਸ਼ਾ ਦੇ ਕੰਢੇ ਤੋਂ ਬ੍ਰਹਮੋਸ ਸੁਪਰਸੋਨਿਕ ਕਰੂਜ਼ ਮਿਜ਼ਾਈਲ ਸਫ਼ਲਤਾਪੂਰਵਕ ਲਾਂਚ ਕੀਤੀ। ਰੱਖਿਆ ਸੂਤਰਾਂ ਨੇ ਕਿਹਾ ਕਿ ਜ਼ਮੀਨ 'ਤੇ ਮਾਰ ਕਰਨ ਦੀ ਸਮਰੱਥਾ ਨੂੰ ਬਾਲਾਸੋਰ ਦੇ ਚਾਂਦੀਪੁਰ ਦੇ ਆਈਟੀਆਰ ਦੇ ਲਾਂਚ ਕਾਂਪਲੈਂਕਸ-3 ਤੋਂ ਦਾਗਿਆ ਗਿਆ।
ਸੂਤਰਾਂ ਨੇ ਕਿਹਾ ਕਿ ਜ਼ਮੀਨ ਤੋਂ ਜ਼ਮੀਨ ਤੱਕ ਮਾਰ ਕਰਨ ਵਾਲੀ ਮਿਜ਼ਾਈਲ ਦੀ ਪ੍ਰੀਖਿਆ ਸਫ਼ਲ ਰਹੀ, ਕਿਉਂਕਿ ਇਸ ਨੇ ਨਿਰਧਾਰਿਤ ਟੀਚੇ ਨੂੰ ਪਾ ਲਿਆ ਹੈ। ਸੂਤਰਾਂ ਨੇ ਕਿਹਾ ਕਿ ਸਭ ਤੋਂ ਤੇਜ਼ ਸੁਪਰਸੋਨਿਕ ਕਰੂਜ਼ ਮਿਜ਼ਾਈਲ ਪਣਡੁੱਬੀਆਂ, ਜਹਾਜ਼ਾਂ, ਲੜਾਕੂ ਜਹਾਜ਼ਾਂ ਜਾਂ ਧਰਤੀ ਤੋਂ ਲਾਂਚ ਕਰਨ ਦੇ ਸਮਰੱਥ ਹੈ।
ਬ੍ਰਹਮੋਸ ਭਾਰਤ ਦੀ ਰੱਖਿਆ ਖੋਜ ਅਤੇ ਵਿਕਾਸ ਸੰਗਠਨ (ਡੀਆਰਡੀਓ) ਅਤੇ ਰੂਸ ਦੀ ਫੈਡਰਲ ਸਟੇਟ ਏਨਟਰੀ ਐਂਟਰਪ੍ਰਾਈਜ਼ ਐਨਪੀਓ ਮਸ਼ੀਨੋਸਟ੍ਰੋਈਨੀਆ (ਐਨਪੀਓਐਮ) ਵਿਚਕਾਰ ਇੱਕ ਸਾਂਝਾ ਉੱਦਮ ਹੈ।
