ਨਵੀਂ ਦਿੱਲੀ/ਗਾਜ਼ੀਆਬਾਦ: ਨਿਊਯਾਰਕ ਵਿੱਚ ਪੜ੍ਹ ਰਹੇ ਕੁੱਝ ਵਿਦਿਆਰਥੀ ਅੱਜ ਕਿਸਾਨ ਆਗੂ ਰਾਕੇਸ਼ ਟਿਕੈਤ ਨੂੰ ਮਿਲਣ ਗਾਜ਼ੀਪੁਰ ਸਰਹੱਦ 'ਤੇ ਪਹੁੰਚੇ। ਇਨ੍ਹਾਂ ਵਿਦਿਆਰਥੀਆਂ ਨੇ ਰਾਕੇਸ਼ ਟਿਕਟ ਤੋਂ ਅੰਦੋਲਨ ਬਾਰੇ ਜਾਣਕਾਰੀ ਲਈ। ਹੁਣ ਅਮਰੀਕਾ ਵਿੱਚ ਵਿਦਿਆਰਥੀ ਰਾਕੇਸ਼ ਟਿਕੈਤ ਦੇ ਨਾਂਅਦਾ ਇੱਕ ਬੂਟਾ ਵੀ ਲਗਾਉਣਗੇ।
ਵੀਡੀਓ ਕਾਲ ਰਾਹੀਂ ਅਮਰੀਕੀ ਵਿਦਿਆਰਥੀ ਨਾਲ ਟਿਕੈਤ ਨੇ ਕੀਤੀ ਗੱਲ
ਨਿਊਯਾਰਕ ਵਿੱਚ ਬੈਠੇ ਬਾਕੀ ਵਿਦਿਆਰਥੀਆਂ ਤੋਂ ਵੀਡਿਓ ਕਾਲ ਰਾਹੀਂ ਰਾਕੇਸ਼ ਟਿਕੈਤ ਦੀ ਇੰਟਰਵਿਊ ਲਈ ਗਈ ਸੀ। ਤਕਰੀਬਨ ਦੋ ਘੰਟੇ ਚੱਲੀ ਇਸ ਗੱਲਬਾਤ ਵਿੱਚ ਰਾਕੇਸ਼ ਟਿਕੈਤ ਨੇ ਵਿਦੇਸ਼ੀ ਵਿਦਿਆਰਥੀਆਂ ਨੂੰ ਖੁੱਲ੍ਹ ਕੇ ਕਿਸਾਨਾਂ ਦੀਆਂ ਮੁਸ਼ਕਲਾਂ ਬਾਰੇ ਦੱਸਿਆ। ਇੱਕ ਭਾਰਤੀ ਮੂਲ ਦੀ ਵਿਦਿਆਰਥੀ ਗਾਇਤਰੀ ਨੇ ਰਾਕੇਸ਼ ਟਿਕੈਤ ਦੇ ਕਹੇ ਸ਼ਬਦਾਂ ਦਾ ਅਨੁਵਾਦ ਕੀਤਾ।
ਗਾਇਤਰੀ ਖੁਦ ਨਿਊਯਾਰਕ ਵਿੱਚ ਵੀ ਪੜ੍ਹ ਰਹੀ ਹੈ। ਉਹ ਕਹਿੰਦੀ ਹੈ ਕਿ ਵਿਦੇਸ਼ੀ ਵਿਦਿਆਰਥੀਆਂ ਨੇ ਰਾਕੇਸ਼ ਟਿਕੈਤ ਨੂੰ ਪੁੱਛਿਆ ਕਿ ਉਹ ਕਿਸਾਨੀ ਅੰਦੋਲਨ ਵਿੱਚ ਕਿਵੇਂ ਮਦਦ ਕਰ ਸਕਦੇ ਹਨ। ਇਸ ‘ਤੇ ਰਾਕੇਸ਼ ਟਿਕਟ ਨੇ ਕਿਹਾ ਕਿ ਅਮਰੀਕਾ ਵਿੱਚ ਟ੍ਰੀ ਫੌਰ ਟਿਕੈਤ ਨਾਂਅ ਨਾਲ ਦਰੱਖਤ ਲਗਾਉਣ ਨਾਲ ਉੱਥੋਂ ਦੇ ਲੋਕ ਕਿਸਾਨ ਅੰਦੋਲਨ ਵਿੱਚ ਆਪਣੀ ਭੂਮਿਕਾ ਨਿਭਾ ਸਕਦੇ ਹਨ। ਰਾਕੇਸ਼ ਟਿਕੈਤ ਨੇ ਵਿਦਿਆਰਥੀਆਂ ਨੂੰ ਕਿਸੇ ਕਿਸਮ ਦਾ ਫੰਡ ਲੈਣ ਤੋਂ ਇਨਕਾਰ ਕਰ ਦਿੱਤਾ।
'ਅਮਰੀਕਾ ਜਾ ਕੇ ਕਰਨਗੇ ਜਾਗਰੂਕ'
ਵਿਦਿਆਰਥੀ ਗਾਇਤਰੀ ਅਤੇ ਹੋਰ ਵਿਦਿਆਰਥੀਆਂ ਜੋ ਰਾਕੇਸ਼ ਟਿਕੈਤ ਨੂੰ ਮਿਲੇ ਉਨ੍ਹਾਂ ਨੇ ਦੱਸਿਆ ਕਿ ਉਹ ਅਮਰੀਕਾ ਜਾਣਗੇ ਅਤੇ ਲੋਕਾਂ ਨੂੰ ਕਿਸਾਨੀ ਬਾਰੇ ਦੱਸਣਗੇ। ਇਸ ਲਈ, ਅਸੀਂ ਇਥੇ ਇਕ ਡਾਕੂਮੈਂਟਰੀ ਵੀ ਸ਼ੂਟ ਕਰਨ ਜਾ ਰਹੇ ਹਾਂ।
