ਪਲੱਕੜ (ਕੇਰਲ): ਵੀਰਵਾਰ ਨੂੰ ਏਰਨਾਕੁਲਮ ਦੇ ਮੁਲੰਤਰੁਥੀ ਵਿੱਚ ਬੇਸੀਲੀਅਸ ਸਕੂਲ ਦੇ ਵਿਦਿਆਰਥੀਆਂ ਨੂੰ ਲੈ ਕੇ ਜਾ ਰਹੀ ਇੱਕ ਯਾਤਰੀ ਬੱਸ ਦੇ ਕੇਐਸਆਰਟੀਸੀ ਦੀ ਬੱਸ ਨਾਲ ਟਕਰਾਉਣ (tourist KSRTC bus crash in Palakkad ) ਨਾਲ ਵੱਡਾ ਹਾਦਸਾ ਵਾਪਰ ਗਿਆ ਤੇ ਇਸ ਦੌਰਾਨ ਬੱਚਿਆਂ ਸਮੇਤ ਕੁੱਲ 9 ਲੋਕਾਂ ਦੀ ਮੌਤ ਹੋ ਗਈ ਤੇ ਕਈ ਲੋਕ ਜਖਮੀ ਹੋ ਗਏ ਹਨ।
ਇਹ ਵੀ ਪੜੋ: ਦੁਰਗਾ ਮੂਰਤੀ ਵਿਸਰਜਨ ਦੌਰਾਨ ਅਚਾਨਕ ਆਇਆ ਹੜ੍ਹ, 8 ਲੋਕਾਂ ਦੀ ਮੌਤ
ਪੁਲਿਸ ਨੇ ਦੱਸਿਆ ਕਿ ਟੂਰਿਸਟ ਬੱਸ ਵਿੱਚ 42 ਵਿਦਿਆਰਥੀ ਅਤੇ ਪੰਜ ਅਧਿਆਪਕ ਸਵਾਰ ਸਨ। 47 ਯਾਤਰੀਆਂ 'ਚੋਂ 36 ਨੂੰ ਸੱਟਾਂ ਲੱਗੀਆਂ। ਜ਼ਖਮੀਆਂ 'ਚੋਂ 12 ਦੀ ਹਾਲਤ ਗੰਭੀਰ ਹੈ। ਇਹ ਹਾਦਸਾ ਵੀਰਵਾਰ ਸਵੇਰੇ 12 ਵਜੇ ਤੋਂ ਕੁਝ ਦੇਰ ਬਾਅਦ ਵਾਪਰਿਆ। ਕੇਐਸਆਰਟੀਸੀ ਦੀ ਬੱਸ ਵਿੱਚ 49 ਯਾਤਰੀ ਸਵਾਰ ਸਨ। ਉਨ੍ਹਾਂ ਨੇ ਦੱਸਿਆ ਕਿ ਮ੍ਰਿਤਕਾਂ ਵਿੱਚ ਕੇਐਸਆਰਟੀਸੀ ਬੱਸ ਦਾ ਇੱਕ ਯਾਤਰੀ ਅਤੇ ਇੱਕ ਅਧਿਆਪਕ ਸ਼ਾਮਲ ਹੈ।
ਟੂਰਿਸਟ ਬੱਸ ਵਿੱਚ ਮਾਰ ਬੇਸੇਲੀਓਸ ਸਕੂਲ, ਏਰਨਾਕੁਲਮ ਦਾ ਇੱਕ ਸਮੂਹ ਸਵਾਰ ਸੀ ਜੋ ਊਟੀ ਦੀ ਸੈਰ ਲਈ ਗਿਆ ਸੀ। ਚਸ਼ਮਦੀਦਾਂ ਦਾ ਕਹਿਣਾ ਹੈ ਕਿ ਬੱਸ ਤੇਜ਼ ਰਫਤਾਰ ਸੀ। ਇਹ ਹਾਦਸਾ ਉਸ ਸਮੇਂ ਵਾਪਰਿਆ ਜਦੋਂ ਕੇਐਸਆਰਟੀਸੀ ਦੀ ਬੱਸ ਅਤੇ ਟੂਰਿਸਟ ਬੱਸ ਦੀ ਟੱਕਰ ਹੋ ਗਈ। ਅਲਾਥੁਰ, ਵਡਕਾਨਚੇਰੀ ਫਾਇਰ ਫੋਰਸ ਯੂਨਿਟ ਅਤੇ ਸਥਾਨਕ ਲੋਕ ਬਚਾਅ ਕਾਰਜ ਚਲਾ ਰਹੇ ਹਨ। ਪੁਲਸ ਨੇ ਦੱਸਿਆ ਕਿ ਹਾਦਸੇ 'ਚ ਕਈ ਲੋਕ ਗੰਭੀਰ ਰੂਪ 'ਚ ਜ਼ਖਮੀ ਹੋ ਗਏ।
ਇਹ ਹਾਦਸਾ ਵਾਦਾਕੰਚੇਰੀ ਅੰਚੁਮੂਰਤੀ ਮੰਗਲਮ ਵਿਖੇ ਵਾਪਰਿਆ। ਬਹੁਤ ਜ਼ਿਆਦਾ ਰਫਤਾਰ ਨਾਲ ਆਈ ਟੂਰਿਸਟ ਬੱਸ ਕੇਐਸਆਰਟੀਸੀ ਦੀ ਬੱਸ ਦੇ ਪਿਛਲੇ ਹਿੱਸੇ ਨਾਲ ਟਕਰਾ ਕੇ ਦਲਦਲ ਵਿੱਚ ਪਲਟ ਗਈ।
ਇਹ ਵੀ ਪੜੋ: Weather Report ਮੌਸਮ ਨੂੰ ਲੈ ਕੇ ਵੱਡੀ ਖ਼ਬਰ, ਪੰਜਾਬ ਵਿੱਚ ਇਸ ਦਿਨ ਤੋਂ ਜ਼ੋਰ ਫੜ੍ਹ ਸਕਦੀ ਹੈ ਠੰਡ
