ਪਣਜੀ: ਭਾਰਤ ਦੇ ਜਨਤਕ ਪ੍ਰਸਾਰਕ ਪ੍ਰਸਾਰ ਭਾਰਤੀ ਨੇ ਬੁੱਧਵਾਰ ਨੂੰ ਆਪਣਾ OTT ਪਲੇਟਫਾਰਮ 'Waves' ਲਾਂਚ ਕਰ ਦਿੱਤਾ ਹੈ। ਇਹ ਐਪ ਐਂਡਰਾਇਡ ਅਤੇ ਆਈਓਐਸ ਦੋਨੋ ਯੂਜ਼ਰਸ ਲਈ ਉਪਲਬਧ ਹੈ। ਇਸ ਐਪ ਦਾ ਉਦੇਸ਼ "Waves-ਪਰਿਵਾਰਕ ਮਨੋਰੰਜਨ ਦੀ ਨਵੀਂ ਲਹਿਰ" ਟੈਗਲਾਈਨ ਦੇ ਤਹਿਤ ਵਿਭਿੰਨ ਕੰਟੈਟ ਪੇਸ਼ ਕਰਨਾ ਹੈ।
ਪਲੇਟਫਾਰਮ ਨੂੰ ਗੋਆ ਦੇ ਮੁੱਖ ਮੰਤਰੀ ਪ੍ਰਮੋਦ ਸਾਵੰਤ ਨੇ ਇੰਟਰਨੈਸ਼ਨਲ ਫਿਲਮ ਫੈਸਟੀਵਲ ਆਫ ਇੰਡੀਆ (IFFI) ਦੇ ਉਦਘਾਟਨ ਸਮਾਰੋਹ ਵਿੱਚ ਲਾਂਚ ਕੀਤਾ ਸੀ, ਜਿੱਥੇ ਉਨ੍ਹਾਂ ਨੇ ਇਸਨੂੰ ਭਾਰਤੀ ਮਨੋਰੰਜਨ ਉਦਯੋਗ ਲਈ ਇੱਕ ਮਹੱਤਵਪੂਰਨ ਪਲ ਦੱਸਿਆ।
ਮੁੱਖ ਮੰਤਰੀ ਨੇ ਲਾਂਚਿੰਗ ਦੌਰਾਨ ਕਿਹਾ, "ਮੈਂ ਪਲੇਟਫਾਰਮ 'ਤੇ ਵੱਖ-ਵੱਖ ਭਾਸ਼ਾਵਾਂ, ਖਾਸ ਤੌਰ 'ਤੇ ਕੋਂਕਣੀ ਵਿੱਚ ਫਿਲਮਾਂ ਅਤੇ ਸਮੱਗਰੀ ਸਮੇਤ ਕੰਟੈਟ ਦੀ ਵਿਭਿੰਨਤਾ ਦੇਖ ਕੇ ਬਹੁਤ ਖੁਸ਼ ਹਾਂ।"-ਗੋਆ ਦੇ ਮੁੱਖ ਮੰਤਰੀ ਪ੍ਰਮੋਦ ਸਾਵੰਤ
Waves ਪਲੇਟਫਾਰਮ ਇਨ੍ਹਾਂ ਭਾਸ਼ਾਵਾਂ 'ਚ ਉਪਲਬਧ
'Waves' ਹਿੰਦੀ, ਅੰਗਰੇਜ਼ੀ, ਮਰਾਠੀ, ਤਾਮਿਲ ਅਤੇ ਅਸਾਮੀ ਸਮੇਤ 12 ਤੋਂ ਵੱਧ ਭਾਸ਼ਾਵਾਂ ਵਿੱਚ ਕੰਟੈਟ ਦੀ ਪੇਸ਼ਕਸ਼ ਕਰਦਾ ਹੈ, ਜਿਵੇਂ ਕਿ ਇਨਫੋਟੇਨਮੈਂਟ, ਗੇਮਿੰਗ, ਸਿੱਖਿਆ ਅਤੇ ਖਰੀਦਦਾਰੀ ਵਰਗੀਆਂ ਸ਼ੈਲੀਆਂ। ਇਸ ਵਿੱਚ ONDC ਦੇ ਸਹਿਯੋਗ ਨਾਲ 65 ਲਾਈਵ ਟੀਵੀ ਚੈਨਲ, ਵੀਡੀਓ-ਆਨ-ਡਿਮਾਂਡ, ਮੁਫਤ-ਟੂ-ਪਲੇ ਗੇਮਾਂ ਅਤੇ ਇੱਥੋਂ ਤੱਕ ਕਿ ਔਨਲਾਈਨ ਖਰੀਦਦਾਰੀ ਵੀ ਸ਼ਾਮਲ ਹੈ।
ਸੂਚਨਾ ਅਤੇ ਪ੍ਰਸਾਰਣ ਮੰਤਰਾਲੇ ਦੇ ਸਕੱਤਰ ਸੰਜੇ ਜਾਜੂ ਨੇ ਉਦਘਾਟਨ ਮੌਕੇ ਕਿਹਾ, "Waves ਓਟੀਟੀ ਸਰਕਾਰ ਦੇ ਡਿਜੀਟਲ ਇੰਡੀਆ ਵਿਜ਼ਨ ਵਿੱਚ ਇੱਕ ਮਹੱਤਵਪੂਰਨ ਕਦਮ ਹੈ। ਇਹ ਭਾਰਤਨੈੱਟ ਰਾਹੀਂ ਗ੍ਰਾਮੀਣ ਦਰਸ਼ਕਾਂ ਨੂੰ ਕੰਟੈਟ ਤੱਕ ਪਹੁੰਚ ਪ੍ਰਦਾਨ ਕਰਕੇ ਡਿਜੀਟਲ ਮੀਡੀਆ ਅਤੇ ਮਨੋਰੰਜਨ ਵਿਚਕਾਰ ਪਾੜੇ ਨੂੰ ਪੂਰਾ ਕਰੇਗਾ।"- ਸੂਚਨਾ ਅਤੇ ਪ੍ਰਸਾਰਣ ਮੰਤਰਾਲੇ ਦੇ ਸਕੱਤਰ ਸੰਜੇ ਜਾਜੂ
ਪ੍ਰਸਾਰ ਭਾਰਤੀ ਦੇ ਚੇਅਰਮੈਨ ਨਵਨੀਤ ਕੁਮਾਰ ਸਹਿਗਲ ਨੇ ਕਿਹਾ, "Waves ਨੂੰ ਪਰਿਵਾਰਕ-ਅਨੁਕੂਲ ਮਨੋਰੰਜਨ, ਸਿੱਖਿਆ ਅਤੇ ਖਰੀਦਦਾਰੀ ਲਈ 'ਵਨ-ਸਟਾਪ ਹੱਬ' ਵਜੋਂ ਤਿਆਰ ਕੀਤਾ ਗਿਆ ਹੈ। ਇਹ ਭਾਰਤ ਦੀ ਅਮੀਰ ਸੱਭਿਆਚਾਰਕ ਵਿਰਾਸਤ ਨੂੰ ਪ੍ਰਦਰਸ਼ਿਤ ਕਰਦੇ ਹੋਏ ਪਰਿਵਾਰਾਂ, ਬੱਚਿਆਂ ਅਤੇ ਨੌਜਵਾਨਾਂ ਲਈ ਸਾਫ਼-ਸੁਥਰਾ ਕੰਟੈਟ ਪ੍ਰਦਾਨ ਕਰਦਾ ਹੈ।"
ਸੀਈਓ ਗੌਰਵ ਦਿਵੇਦੀ ਨੇ ਕਿਹਾ ਕਿ ਓਟੀਟੀ ਪਲੇਟਫਾਰਮ ਦਾ ਉਦੇਸ਼ ਨੌਜਵਾਨ ਸਿਰਜਣਹਾਰਾਂ ਦਾ ਸਮਰਥਨ ਕਰਨਾ ਹੈ। ਇਹ ਰਾਸ਼ਟਰੀ ਸਿਰਜਣਹਾਰ ਅਵਾਰਡ ਜੇਤੂ ਕਾਮਿਆ ਜਾਨੀ ਆਰਜੇ ਰੌਨਕ ਅਤੇ ਹੋਰਾਂ ਵਰਗੇ ਕੰਟੈਟ ਕ੍ਰਿਏਟਰਸ ਲਈ ਆਪਣਾ ਪਲੇਟਫਾਰਮ ਖੋਲ੍ਹਦਾ ਹੈ। ਅਸੀਂ ਵਿਦਿਆਰਥੀ ਫਿਲਮਾਂ ਲਈ FTII ਅਤੇ ਅੰਨਪੂਰਨਾ ਵਰਗੇ ਫਿਲਮ ਸਕੂਲਾਂ ਨਾਲ ਵੀ ਸਾਂਝੇਦਾਰੀ ਕੀਤੀ ਹੈ।-ਸੀਈਓ ਗੌਰਵ ਦਿਵੇਦੀ
ਇਸ ਕੰਟੈਟ ਨੂੰ ਦੇਖ ਸਕਣਗੇ ਯੂਜ਼ਰਸ
'Waves' IFFI 2024 ਦੌਰਾਨ ਨਵੀਆਂ ਫਿਲਮਾਂ ਅਤੇ ਸ਼ੋਅ ਦਿਖਾਏਗੀ, ਜਿਸ ਵਿੱਚ ਨਾਗਾਰਜੁਨ ਅਤੇ ਅਮਲਾ ਅਕੀਨੇਨੀ ਦੀ 'ਰੋਲ ਨੰਬਰ 52', ਗੌਹਰ ਖਾਨ ਸਟਾਰਰ 'ਫੌਜੀ 2.0' ਅਤੇ ਗੁਨੀਤ ਮੋਂਗਾ ਕਪੂਰ ਦੀ 'ਕਿਕਿੰਗ ਬਾਲਸ' ਸ਼ਾਮਲ ਹਨ। ਹੋਰ ਪ੍ਰੋਡਕਸ਼ਨ ਵਿੱਚ ਸੰਗੀਤ ਸ਼ੋਅ, 'ਛੋਟਾ ਭੀਮ' ਵਰਗੇ ਐਨੀਮੇਸ਼ਨ ਅਤੇ ਅਪਰਾਧ ਥ੍ਰਿਲਰ ਵੀ ਸ਼ਾਮਲ ਹਨ।
ਲਾਈਵ ਕੰਟੈਟ ਵਿੱਚ 'ਮਨ ਕੀ ਬਾਤ', ਅਯੁੱਧਿਆ ਦੀ ਪ੍ਰਭੂ ਸ਼੍ਰੀ ਰਾਮ ਲੱਲਾ ਦੀ ਆਰਤੀ ਅਤੇ ਯੂਐਸ ਪ੍ਰੀਮੀਅਰ ਲੀਗ ਕ੍ਰਿਕਟ ਟੂਰਨਾਮੈਂਟ ਵਰਗੇ ਅੰਤਰਰਾਸ਼ਟਰੀ ਪ੍ਰੋਗਰਾਮ ਸ਼ਾਮਲ ਹਨ। Waves ਨੇ ਸਾਈਬਰ ਸੁਰੱਖਿਆ ਜਾਗਰੂਕਤਾ ਮੁਹਿੰਮ ਲਈ CDAC ਨਾਲ ਵੀ ਭਾਈਵਾਲੀ ਕੀਤੀ ਹੈ।
ਇਹ ਵੀ ਪੜ੍ਹੋ:-
