ਹੈਦਰਾਬਾਦ: ਦੋਪਹੀਆ ਵਾਹਨ ਨਿਰਮਾਤਾ ਕੰਪਨੀ ਹੌਂਡਾ ਮੋਟਰਸਾਈਕਲ ਨੇ ਆਪਣੇ ਪ੍ਰਸਿੱਧ ਸਕੂਟਰ ਹੌਂਡਾ ਐਕਟਿਵਾ 125 ਦਾ ਅਪਡੇਟਿਡ ਵਰਜ਼ਨ ਲਾਂਚ ਕੀਤਾ ਹੈ। ਇਹ ਨਵਾਂ ਵਰਜ਼ਨ ਆਉਣ ਵਾਲੇ OBD2B ਨਿਯਮਾਂ ਦੇ ਅਨੁਕੂਲ ਹੈ ਅਤੇ ਇੱਕ ਨਵੀਂ TFT ਡਿਸਪਲੇ ਦੀ ਵਰਤੋਂ ਵੀ ਕਰਦਾ ਹੈ।
ਮੌਜੂਦਾ ਹੌਂਡਾ ਐਕਟਿਵਾ 125 'ਚ LCD ਡਿਸਪਲੇ ਦੀ ਵਰਤੋਂ ਕੀਤੀ ਗਈ ਹੈ ਜਦਕਿ ਨਵੇਂ ਮਾਡਲ 'ਚ 4.2 ਇੰਚ ਦੀ TFT ਡਿਸਪਲੇ ਮਿਲਦੀ ਹੈ। ਖਾਸ ਗੱਲ ਇਹ ਹੈ ਕਿ ਇਸ ਡਿਸਪਲੇ ਨੂੰ Honda ਦੀ RoadSync ਐਪ ਨਾਲ ਵੀ ਕਨੈਕਟ ਕੀਤਾ ਜਾ ਸਕਦਾ ਹੈ, ਜੋ ਕਾਲ ਅਲਰਟ ਅਤੇ ਨੈਵੀਗੇਸ਼ਨ ਅਸਿਸਟ ਵਰਗੇ ਫੰਕਸ਼ਨਾਂ ਨਾਲ ਆਉਂਦਾ ਹੈ। ਸਕੂਟਰ 'ਚ USB ਟਾਈਪ C ਚਾਰਜਿੰਗ ਪੋਰਟ ਵੀ ਦਿੱਤਾ ਗਿਆ ਹੈ।
ਤੁਹਾਨੂੰ ਦੱਸ ਦੇਈਏ ਕਿ ਅਪਡੇਟਿਡ OBD2B ਸਪੈਸੀਫਿਕੇਸ਼ਨ 2025 ਵਿੱਚ ਲਾਗੂ ਹੋਣ ਜਾ ਰਹੇ ਹਨ ਅਤੇ ਨਵੀਂ Honda Activa 125 ਇਨ੍ਹਾਂ ਨੂੰ ਪੂਰਾ ਕਰਦੀ ਹੈ ਅਤੇ ਇਸ ਲਈ ਇਸ ਵਿੱਚ 123.9cc ਫਿਊਲ ਇੰਜੈਕਟਿਡ ਇੰਜਣ ਦੀ ਵਰਤੋਂ ਕੀਤੀ ਗਈ ਹੈ, ਜੋ 8.4hp ਦੀ ਪਾਵਰ ਅਤੇ 10.5Nm ਦਾ ਟਾਰਕ ਪੈਦਾ ਕਰਦੀ ਹੈ। ਇਹ ਸਕੂਟਰ ਮੋਟਰ ਸਟਾਰਟ-ਸਟਾਪ ਸਿਸਟਮ ਨਾਲ ਲੈਸ ਹੈ।
Honda Activa 125 ਦੇ ਕਲਰ ਆਪਸ਼ਨ ਅਤੇ ਕੀਮਤ
2025 ਹੌਂਡਾ ਐਕਟਿਵਾ 6 ਰੰਗਾਂ ਵਿੱਚ ਉਪਲਬਧ ਹੈ ਅਤੇ ਇਸਦੀ ਕੀਮਤ ਹੁਣ DLX ਵੇਰੀਐਂਟ ਲਈ 94,442 ਰੁਪਏ ਤੋਂ ਸ਼ੁਰੂ ਹੁੰਦੀ ਹੈ ਜਦਕਿ ਕੀ-ਫੋਬ ਅਤੇ ਕੀ-ਲੈੱਸ ਇਗਨੀਸ਼ਨ ਦੇ ਨਾਲ ਚੋਟੀ ਦੇ H-ਸਮਾਰਟ ਵੇਰੀਐਂਟ ਦੀ ਕੀਮਤ 97,146 ਰੁਪਏ ਹੈ। ਨਵੀਂ ਐਕਟਿਵਾ 125 ਦੀ ਕੀਮਤ ਮੌਜੂਦਾ ਮਾਡਲ ਨਾਲੋਂ ਵੱਧ ਹੋ ਗਈ ਹੈ, ਜਿਸ ਨੂੰ 80,256 ਰੁਪਏ ਦੀ ਕੀਮਤ 'ਤੇ ਵੇਚਿਆ ਜਾ ਰਿਹਾ ਹੈ। ਕੀਮਤ ਵਿੱਚ ਵਾਧਾ ਵਧੇਰੇ ਮਹਿੰਗੀ ਨਿਕਾਸੀ ਨਿਗਰਾਨੀ ਤਕਨਾਲੋਜੀ ਦੇ ਕਾਰਨ ਵੀ ਹੈ।
ਹਾਲਾਂਕਿ, ਹੌਂਡਾ ਨੇ ਹੁਣ ਤੱਕ ਸਿਰਫ ਦੋ ਵੇਰੀਐਂਟ ਲਾਂਚ ਕੀਤੇ ਹਨ ਅਤੇ ਭਵਿੱਖ ਵਿੱਚ ਫਰੰਟ ਡਰੱਮ ਬ੍ਰੇਕ ਵਰਗੀਆਂ ਸਰਲ ਵਿਸ਼ੇਸ਼ਤਾਵਾਂ ਵਾਲੇ ਹੋਰ ਕਿਫਾਇਤੀ ਵਰਜ਼ਨ ਲਾਂਚ ਕੀਤੇ ਜਾ ਸਕਦੇ ਹਨ, ਜਿਸ ਨਾਲ ਐਂਟਰੀ ਪੁਆਇੰਟ ਨੂੰ ਘੱਟ ਕੀਤਾ ਜਾ ਸਕਦਾ ਹੈ।
ਇਹ ਵੀ ਪੜ੍ਹੋ:-
