ਲੁਧਿਆਣਾ ਦੇ ਪੁਲਿਸ ਕਮਿਸ਼ਨਰ ਦਫ਼ਤਰ ਦੇ ਬਾਹਰ ਔਖੇ ਹੋ ਰਹੇ ਲੋਕ, ਜਾਣੋ ਪੂਰਾ ਮਾਮਲਾ - People struggling Ludhiana

Ludhiana's Police Commissioner's office: ਵਿਕਾਸ ਕਾਰਜਾਂ ਦੀ ਦੁਹਾਈ ਦੇਣ ਵਾਲੇ ਲੁਧਿਆਣਾ ਪ੍ਰਸ਼ਾਸਨ ਦੀ ਪੋਲ ਖੋਲ੍ਹਦੇ ਹਲਾਤ ਸਾਹਮਣੇ ਆਏ ਹਨ। ਲੁਧਿਆਣਾ ਦੇ ਪੁਲਿਸ ਕਮਿਸ਼ਨਰ ਦਫਤਰ ਦੇ ਬਾਹਰ ਤੋਂ, ਜਿਥੇ ਬੈਰਿਕੇਟਿੰਗ ਕਾਰਨ ਜਮਾਂ ਹੋਏ ਪਾਣੀ ਚੋਂ ਲੰਘਣ ਨੂੰ ਲੋਕ ਮਜਬੂਰ ਹੋ ਰਹੇ ਹਨ।

ਲੁਧਿਆਣਾ : 40 ਲੱਖ ਦੀ ਆਬਾਦੀ ਵਾਲੇ ਲੁਧਿਆਣਾ ਸ਼ਹਿਰ ਦੇ ਲੋਕ ਆਪਣੇ ਕੰਮਾਂ ਦੇ ਲਈ ਲੁਧਿਆਣਾ ਦੇ ਪੁਲਿਸ ਕਮਿਸ਼ਨਰ ਦਫਤਰ ਅਤੇ ਨਾਲ ਹੀ ਡੀਸੀ ਦਫਤਰ ਆਉਂਦੇ ਹਨ, ਪਰ ਬਾਰਿਸ਼ ਤੋਂ ਬਾਅਦ ਇਹਨਾਂ ਦਫਤਰਾਂ ਦੇ ਵਿੱਚ ਵੀ ਪਾਣੀ ਖੜ੍ਹਾ ਹੋ ਜਾਂਦਾ ਹੈ। ਹਾਲਾਂਕਿ ਪਾਣੀ ਦੀ ਸਮੱਸਿਆ ਪੂਰੇ ਲੁਧਿਆਣਾ ਸ਼ਹਿਰ ਦੇ ਵਿੱਚ ਹੈ ਪਰ ਸਰਕਾਰੀ ਦਫਤਰਾਂ ਦੇ ਵਿੱਚ ਇਸ ਤਰ੍ਹਾਂ ਦੇ ਹਾਲਾਤ ਬਣਨ ਦੇ ਨਾਲ ਲੋਕਾਂ ਨੂੰ ਕਾਫੀ ਦੋ ਚਾਰ ਹੋਣਾ ਪੈਂਦਾ ਹੈ।


ਵੀਆਈਪੀ ਕਲਚਰ ਤੋਂ ਪਰੇਸ਼ਾਨ ਆਮ ਲੋਕ : ਲੁਧਿਆਣਾ ਦੇ ਪੁਲਿਸ ਕਮਿਸ਼ਨਰ ਦਫਤਰ ਦੇ ਬਾਹਰ ਖੜੇ ਪਾਣੀ ਦੇ ਵਿੱਚੋਂ ਲੋਕ ਖੱਜਲ ਹੁੰਦੇ ਵਿਖਾਈ ਦਿੱਤੇ। ਇਸ ਦੌਰਾਨ ਲੋਕਾਂ ਨੇ ਕਿਹਾ ਕਿ ਪ੍ਰਬੰਧ ਚੰਗੇ ਹੋਣੇ ਚਾਹੀਦੇ ਹਨ ਤਾਂ ਜੋ ਕੋਈ ਸਮੱਸਿਆ ਆਮ ਲੋਕਾਂ ਨੂੰ ਨਾ ਆਵੇ। ਕਿਉਂਕਿ ਇੱਥੇ ਕੰਮ ਕਰਾਉਣ ਲਈ ਲੋਕ ਦੂਰ ਦੁਰਾਡੇ ਤੋਂ ਆਉਂਦੇ ਹਨ, ਬਜ਼ੁਰਗ ਵੀ ਆਉਂਦੇ ਹਨ ਬੱਚੇ ਵੀ ਆਉਂਦੇ ਹਨ।

ਉਥੇ ਹੀ ਕੰਮ ਕਰਵਾਉਣ ਆਈ ਇੱਕ ਮਹਿਲਾਂ ਦੇ ਦੱਸਿਆ ਕਿ ਉਹ ਬੜੀ ਔਖੀ ਹੋ ਕੇ ਦੋ ਲੋਕਾਂ ਦਾ ਸਹਾਰਾ ਲੈ ਕੇ ਰਸਤਾ ਪਾਰ ਕਰਕੇ ਅੰਦਰ ਆ ਸਕੇ ਹਨ।। ਉੱਥੇ ਹੀ ਲੁਧਿਆਣਾ ਦੇ ਕਚਹਿਰੀ ਦੇ ਵਿੱਚ ਵਕੀਲ ਆਦੀਆਂ ਨੇ ਦੱਸਿਆ ਕਿ ਜਦੋਂ ਕਿਸੇ ਦਾ ਪੁਲਿਸ ਕਮਿਸ਼ਨਰ ਦਫਤਰ ਤੋਂ ਫੋਨ ਆਉਂਦਾ ਹੈ ਤਾਂ ਉਹ ਪਹਿਲਾਂ ਹੀ ਪਰੇਸ਼ਾਨ ਹੋ ਜਾਂਦਾ ਹੈ। ਉਸ ਤੋਂ ਬਾਅਦ ਫਿਰ ਇਸ ਤਰ੍ਹਾਂ ਦੇ ਹਾਲਾਤਾਂ ਚੋਂ ਲੰਘਣਾ ਹੋਰ ਔਖਾ ਹੋ ਜਾਂਦਾ ਹੈ। ਉਨ੍ਹਾਂ ਕਿਹਾ ਕਿ ਪ੍ਰਸ਼ਾਸਨ ਦਾਅਵੇ ਕਰਦਾ ਹੈ ਕਿ ਵੀਆਈਪੀ ਕਲਚਰ ਨਹੀਂ ਹੋਵੇਗਾ, ਪਰ ਜਿਸ ਤਰ੍ਹਾਂ ਕਮਿਸ਼ਨਰ ਦਫਤਰ ਦੇ ਬਾਹਰ ਬੈਰੀਕੇਟਿੰਗ ਕੀਤੀ ਗਈ ਹੈ, ਅਜਿਹਾ ਨਹੀਂ ਹੋਣਾ ਚਾਹੀਦਾ।