ਲੁਧਿਆਣਾ: ਪੰਜਾਬ ਸਕੂਲ ਸਿੱਖਿਆ ਬੋਰਡ ਬਾਰਵੀਂ ਦੇ ਨਤੀਜਿਆਂ ਦਾ ਅੱਜ ਐਲਾਨ ਹੋ ਗਿਆ ਹੈ ਅਤੇ ਲੁਧਿਆਣਾ ਬੀ.ਸੀ.ਐਮ. ਫੋਕਲ ਪੁਆਇੰਟ ਸਕੂਲ ਦਾ ਵਿਦਿਆਰਥੀ ਏਕਮਪ੍ਰੀਤ ਕਮਰਸ ਵਿਸ਼ੇ ਵਿੱਚ ਪੰਜਾਬ ਭਰ ਚੋਂ ਪਹਿਲਾ ਸਥਾਨ ਹਾਸਿਲ ਕੀਤਾ ਹੈ। ਏਕਮ ਦੇ 500 ਚੋਂ 500 ਅੰਕ ਹਾਸਿਲ ਕੀਤੇ ਹਨ। ਉਸ ਦਾ ਅੱਜ ਸਕੂਲ ਪੁੱਜਣ ਤੇ ਭਰਵਾਂ ਵੱਲੋਂ ਸਵਾਗਤ ਕੀਤਾ ਗਿਆ। ਏਕਮ ਪ੍ਰੀਤ ਗਤਕੇ ਦਾ ਵੀ ਨੈਸ਼ਨਲ ਪੱਧਰ ਦਾ ਖਿਡਾਰੀ ਹੈ। ਸਕੂਲ ਦੀ ਪ੍ਰਿੰਸੀਪਲ ਨੇ ਦੱਸਿਆ ਹੈ ਕਿ ਉਨ੍ਹਾਂ ਨੂੰ ਬਹੁਤ ਖੁਸ਼ੀ ਹੈ ਕਿ ਉਨ੍ਹਾਂ ਦੇ ਸਕੂਲ ਦਾ ਵਿਦਿਆਰਥੀ ਪੰਜਾਬ ਭਰ ਦੇ ਵਿੱਚ ਪਹਿਲੇ ਨੰਬਰ ਤੇ ਆਇਆ ਹੈ। ਉਨ੍ਹਾਂ ਕਿਹਾ ਕਿ ਉਹ ਗੱਤਕੇ ਦਾ ਵੀ ਚੈਂਪੀਅਨ ਹੈ ਅਤੇ ਪੜ੍ਹਾਈ ਦੇ ਵਿੱਚ ਵੀ ਅੱਗੇ ਰਹਿੰਦਾ ਹੈ। ਉਨ੍ਹਾਂ ਕਿਹਾ ਕਿ ਸਕੂਲ ਦੀ ਅਤੇ ਉਸ ਦੇ ਪਰਿਵਾਰਿਕ ਮੈਂਬਰਾਂ ਦੀ ਵੀ ਸਖ਼ਤ ਮਿਹਨਤ ਰਹੀ ਹੈ, ਇਨ੍ਹਾਂ ਨੇ ਵਿਦਿਆਰਥੀ ਦੀ ਹੌਸਲਾਅਫਜਾਈ ਕੀਤੀ ਹੈ।
ਐਲ.ਐਲ.ਬੀ. ਦੀ ਪੜਾਈ ਕਰਕੇ ਵਕੀਲ ਬਣਨਾ: ਏਕਮਪ੍ਰੀਤ ਨੇ ਦੱਸਿਆ ਕਿ ਉਹ ਪੜਾਈ ਦੇ ਨਾਲ ਗੱਤਕਾ ਵੀ ਖੇਡਦਾ ਹੈ। ਕੌਂਮੀ ਪੱਧਰ ਦਾ ਉਹ ਗੱਤਕੇ ਦਾ ਖਿਡਾਰੀ ਹੈ ਅਤੇ ਅਸਾਮ ਆਦਿ ਸੂਬਿਆਂ ਵਿੱਚ ਵੀ ਖੇਡ ਕੇ ਆਇਆ ਹੈ। ਉਨ੍ਹਾਂ ਦੱਸਿਆ ਕਿ ਉਹ ਅੱਗੇ ਆਪਣੇ ਪੜਾਈ ਕਮਰਸ ਫੀਲਡ ਵਿੱਚ ਹੀ ਜਾਰੀ ਰੱਖਣਾ ਚਾਹੁੰਦਾ ਹੈ ਅਤੇ ਅੱਗੇ ਜਾ ਕੇ ਉਹ ਐਲ.ਐਲ.ਬੀ. ਦੀ ਪੜਾਈ ਕਰਕੇ ਵਕੀਲ ਬਣਨਾ ਚਾਹੁੰਦਾ ਹੈ। ਉਨ੍ਹਾਂ ਕਿਹਾ ਕਿ ਮੇਰੇ ਨਾਲ ਮੇਰੇ ਅਧਿਆਪਕਾਂ ਦੀ ਅਤੇ ਪਰਿਵਾਰ ਦੇ ਮੈਂਬਰਾਂ ਦੀ ਸਪੋਰਟ ਰਹੀ ਹੈ। ਜਿਸ ਕਰਕੇ ਉਹ ਇਹ ਮੁਕਾਮ ਹਾਸਿਲ ਕਰ ਸਕਿਆ ਹੈ। ਉਨ੍ਹਾਂ ਖੁਸ਼ੀ ਜਾਹਿਰ ਕਰਦਿਆਂ ਕਿਹਾ ਕਿ ਉਸ ਦੀ ਮਿਹਨਤ ਰੰਗ ਲੈ ਕੇ ਆਈ ਹੈ।
ਏਕਮਪ੍ਰੀਤ ਦੀ ਮਿਹਨਤ ਦੇ ਨਾਲ ਪੂਰੇ ਸਕੂਲ ਦੇ ਸਟਾਫ ਨੂੰ ਮਾਣ ਹੈ: ਉੱਧਰ ਬੀ.ਸੀ.ਐਮ. ਫੋਕਲ ਪੁਆਇੰਟ ਸਕੂਲ ਦੀ ਪ੍ਰਿੰਸੀਪਲ ਮੈਡਮ ਨੇਹਾ ਨੇ ਕਿਹਾ ਕਿ ਸਕੂਲ ਵਿੱਚ ਖੁਸ਼ੀ ਹੈ ਕਿ ਏਕਮਪ੍ਰੀਤ ਹਾਲ ਹੀ ਵਿੱਚ ਬਾਹਰ ਖੇਡਣ ਗਿਆ ਸੀ। ਜਿੱਥੋਂ ਆ ਕੇ ਉਸ ਨੇ ਪੜਾਈ 'ਚ ਅਪਣਾ ਦਿਲ ਲਾਉਣਾ ਸ਼ੁਰੂ ਕੀਤਾ ਅਤੇ ਸਖ਼ਤ ਮਿਹਨਤ ਤੋਂ ਬਾਅਦ ਉਹ ਪੰਜਾਬ ਭਰ ਵਿੱਚ ਪਹਿਲੇ ਸਥਾਨ ਤੇ ਆਇਆ ਹੈ। ਉਨ੍ਹਾਂ ਕਿਹਾ ਕਿ ਏਕਮਪ੍ਰੀਤ ਦੀ ਮਿਹਨਤ ਦੇ ਨਾਲ ਪੂਰੇ ਸਕੂਲ ਦੇ ਸਟਾਫ ਦੀ ਵੀ ਮਿਹਨਤ ਰਹੀ ਹੈ। ਜਿਨ੍ਹਾਂ ਨੇ ਉਸ ਦੀ ਪੜ੍ਹਾਈ ਦੇ ਵਿੱਚ ਉਸ ਦੀ ਮਦਦ ਕੀਤੀ, ਉਨ੍ਹਾਂ ਕਿਹਾ ਕਿ ਸਾਡੇ ਸਕੂਲ ਦਾ ਨਾਂ ਇਹ ਕੰਮ ਨਹੀਂ ਉੱਚਾ ਕੀਤਾ ਹੈ, ਸਾਨੂੰ ਇਸ ਤੇ ਕਾਫੀ ਖੁਸ਼ੀ ਹੈ।
- ਰੇਲ ਲਾਈਨਾਂ 'ਤੇ ਕਿਸਾਨ, ਵਪਾਰੀ ਪਰੇਸ਼ਾਨ ! ਪੰਜਾਬ ਦੇ ਵਪਾਰ 'ਤੇ ਪੈ ਰਿਹਾ ਕਿਸਾਨਾਂ ਦੇ ਰੇਲ ਰੋਕੋ ਅੰਦੋਲਨ ਦਾ ਅਸਰ-ਵੇਖੋ ਵਿਸ਼ੇਸ਼ ਰਿਪੋਰਟ - Farmer Protest Affect Industries
- ਵਿਵਾਦਿਤ ਬਿਆਨ ਤੋਂ ਬਾਅਦ ਅੰਮ੍ਰਿਤਾ ਵੜਿੰਗ ਨੇ ਬਖਸ਼ਾਈ ਭੁੱਲ, ਸਿੱਖ ਕੌਮ ਤੋਂ ਮੰਗੀ ਮੁਆਫੀ - Amrita Warring apologies
- ਇਨ੍ਹਾਂ ਲੋਕ ਹਿੱਤ ਮੁੱਦਿਆਂ ਨੂੰ ਲੈ ਕੇ ਚੋਣ ਮੈਦਾਨ 'ਚ ਉਤਰੇ ਲੱਖਾ ਸਿਧਾਣਾ, ਹੌਟ ਸੀਟ ਦੇ ਆਜ਼ਾਦ ਉਮੀਦਵਾਰ ਨਾਲ ਖਾਸ ਗੱਲਬਾਤ - Lok Sabha Election 2024
