IND vs SA Final: ਕੀ ਹਾਰਦਿਕ ਪੰਡਯਾ ਬਣੇਗਾ ਛੱਕਿਆਂ ਦਾ ਬਾਦਸ਼ਾਹ, ਦੇਖੋ ਉਸ ਦੇ ਸ਼ਾਨਦਾਰ ਅੰਕੜੇ ... - hardik need 1 six to reach 250 six

IND vs SA Final: ਦੱਖਣੀ ਅਫਰੀਕਾ ਦੇ ਖਿਲਾਫ, ਭਾਰਤ ਦੇ ਸਟਾਰ ਆਲਰਾਊਂਡਰ ਹਾਰਦਿਕ ਪੰਡਯਾ ਕੋਲ ਟੀ-20 ਕ੍ਰਿਕਟ ਵਿੱਚ ਛੱਕਿਆਂ ਦੇ ਮਾਮਲੇ ਵਿੱਚ ਇੱਕ ਵੱਡਾ ਰਿਕਾਰਡ ਬਣਾਉਣ ਦਾ ਮੌਕਾ ਹੋਵੇਗਾ। ਪੜ੍ਹੋ ਪੂਰੀ ਖਬਰ...

ਨਵੀਂ ਦਿੱਲੀ:ਅੱਜ ਦੁਨਿਆਂ ਦੀਆਂ ਨਜ਼ਰਾਂ ਟੀ-20 ਵਿਸ਼ਵ ਕੱਪ 2024 ਦਾ ਫਾਈਨਲ ਮੈਚ 'ਤੇ ਹਨ। ਭਾਰਤ ਅਤੇ ਦੱਖਣੀ ਅਫਰੀਕਾ ਵਿਚਾਲੇ ਬਾਰਬਾਡੋਸ ਵਿੱਚ ਖੇਡਿਆ ਜਾ ਰਿਹਾ ਹੈ। ਇਸ ਮੈਚ 'ਚ ਭਾਰਤੀ ਕ੍ਰਿਕਟ ਟੀਮ ਦੇ ਉਪ-ਕਪਤਾਨ ਅਤੇ ਸਟਾਰ ਆਲਰਾਊਂਡਰ ਹਾਰਦਿਕ ਪੰਡਯਾ ਕੋਲ ਇਕ ਵੱਡਾ ਰਿਕਾਰਡ ਆਪਣੇ ਨਾਂ ਕਰਨ ਦਾ ਮੌਕਾ ਹੋਵੇਗਾ। ਹਾਰਦਿਕ ਪੰਡਯਾ ਨੇ ਇਸ ਟੂਰਨਾਮੈਂਟ 'ਚ ਹੁਣ ਤੱਕ ਗੇਂਦ ਅਤੇ ਬੱਲੇ ਨਾਲ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਹੈ। ਹੁਣ ਹਾਰਦਿਕ ਦੱਖਣੀ ਅਫਰੀਕਾ ਖਿਲਾਫ ਛੱਕਿਆਂ ਦਾ ਬਾਦਸ਼ਾਹ ਬਣ ਸਕਦਾ ਹੈ।

ਕੀ ਪੰਡਯਾ ਬਣੇਗਾ ਛੱਕਿਆਂ ਦਾ ਬਾਦਸ਼ਾਹ ?: ਹਾਰਦਿਕ ਪੰਡਯਾ ਦੇ ਨਾਂ ਇਸ ਸਮੇਂ ਟੀ-20 ਕ੍ਰਿਕਟ 'ਚ 249 ਛੱਕੇ ਹਨ। ਉਹ ਟੀ-20 ਕ੍ਰਿਕਟ 'ਚ 250 ਛੱਕੇ ਪੂਰੇ ਕਰਨ ਤੋਂ ਸਿਰਫ 1 ਛੱਕਾ ਦੂਰ ਹੈ। ਜੇਕਰ ਹਾਰਦਿਕ ਟੀ-20 ਵਿਸ਼ਵ ਕੱਪ 2024 ਦੇ ਫਾਈਨਲ 'ਚ ਦੱਖਣੀ ਅਫਰੀਕਾ ਖਿਲਾਫ 1 ਛੱਕਾ ਜੜਦਾ ਹੈ ਤਾਂ ਉਹ ਟੀ-20 ਕ੍ਰਿਕਟ 'ਚ ਆਪਣੇ 250 ਛੱਕੇ ਪੂਰੇ ਕਰ ਲਵੇਗਾ। ਹਾਰਦਿਕ ਪੰਡਯਾ ਟੀ-20 ਵਿਸ਼ਵ ਕੱਪ 2024 'ਚ ਹੁਣ ਤੱਕ ਕੁੱਲ 9 ਛੱਕੇ ਲਗਾ ਚੁੱਕੇ ਹਨ।ਜਿਸ ਨਾਲ 10 ਛੱਕੇ ਵੀ ਪੂਰੇ ਹੋ ਜਾਣਗੇ।

ਹਾਰਦਿਕ ਦਾ ਧਮਾਕੇਦਾਰ ਪ੍ਰਦਰਸ਼ਨ: ਇਸ ਟੀ-20 ਵਿਸ਼ਵ ਕੱਪ 'ਚ ਹਾਰਦਿਕ ਨੇ ਟੀਮ ਇੰਡੀਆ ਲਈ ਬੱਲੇ ਅਤੇ ਗੇਂਦ ਦੋਵਾਂ ਨਾਲ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਹੈ। ਪੰਡਯਾ ਨੇ 7 ਮੈਚਾਂ 'ਚ 1 ਅਰਧ ਸੈਂਕੜੇ ਦੀ ਮਦਦ ਨਾਲ 139 ਦੌੜਾਂ ਬਣਾਈਆਂ ਹਨ। ਇਸ ਦੇ ਨਾਲ ਹੀ ਹਾਰਦਿਕ ਨੇ ਇੰਨੇ ਹੀ ਮੈਚਾਂ ਵਿੱਚ ਟੀਮ ਲਈ 8 ਵਿਕਟਾਂ ਵੀ ਲਈਆਂ ਹਨ। ਹੁਣ ਇਸ ਫਾਈਨਲ ਮੈਚ ਵਿੱਚ ਹਾਰਦਿਕ ਨੂੰ ਇੱਕ ਵਾਰ ਫਿਰ ਭਾਰਤ ਨੂੰ ਵਿਸ਼ਵ ਚੈਂਪੀਅਨ ਬਣਾਉਣ ਲਈ ਗੇਂਦ ਅਤੇ ਬੱਲੇ ਦੋਵਾਂ ਨਾਲ ਸ਼ਾਨਦਾਰ ਪ੍ਰਦਰਸ਼ਨ ਕਰਨ ਦਾ ਮੌਕਾ ਮਿਲੇਗਾ ਪਰ ਕੀ ਹਾਰਦਿਕ ਇਸ ਮੌਕੇ ਦਾ ਫਾਇਦਾ ਉਠਾ ਸਕਣਗੇ?