ਨਵੀਂ ਦਿੱਲੀ: ਵੈਸਟਇੰਡੀਜ਼ ਅਤੇ ਅਮਰੀਕਾ ਵੱਲੋਂ ਸਾਂਝੇ ਤੌਰ 'ਤੇ ਖੇਡਿਆ ਜਾ ਰਿਹਾ ਟੀ-20 ਵਿਸ਼ਵ ਕੱਪ 2024 ਹੌਲੀ-ਹੌਲੀ ਸੁਪਰ-8 ਪੜਾਅ ਵੱਲ ਵਧ ਰਿਹਾ ਹੈ। ਹੁਣ ਤੱਕ ਪ੍ਰਸ਼ੰਸਕਾਂ ਨੂੰ ਟੂਰਨਾਮੈਂਟ 'ਚ ਕਈ ਰੋਮਾਂਚਕ ਮੈਚ ਦੇਖਣ ਨੂੰ ਮਿਲੇ ਹਨ। ਪਰ ਇਸ ਦੌਰਾਨ ਫਲੋਰੀਡਾ ਦੇ ਮੌਸਮ ਨੇ ਪ੍ਰਸ਼ੰਸਕਾਂ ਅਤੇ ਟੀਮ ਦੋਵਾਂ ਦੀਆਂ ਚਿੰਤਾਵਾਂ ਵਧਾ ਦਿੱਤੀਆਂ ਹਨ। ਟੀ-20 ਵਿਸ਼ਵ ਕੱਪ ਦੇ ਤਿੰਨ ਮੈਚ ਅਜੇ ਫਲੋਰੀਡਾ 'ਚ ਖੇਡੇ ਜਾਣੇ ਹਨ। ਪਰ ਲਗਾਤਾਰ ਮੀਂਹ ਅਤੇ ਹੜ੍ਹ ਵਰਗੀ ਸਥਿਤੀ ਦੇ ਮੱਦੇਨਜ਼ਰ ਇਹ ਤਿੰਨੇ ਮੈਚ ਰੱਦ ਹੋਣ ਦੀ ਸੰਭਾਵਨਾ ਵੱਧ ਗਈ ਹੈ। ਜਿਸ ਵਿੱਚ ਭਾਰਤ ਬਨਾਮ ਕੈਨੇਡਾ ਮੈਚ ਵੀ ਸ਼ਾਮਲ ਹੈ।
ਫਲੋਰੀਡਾ ਦੀ ਹੜ੍ਹ ਦੀ ਚੇਤਾਵਨੀ: ਮਿਆਮੀ, ਫਲੋਰੀਡਾ ਵਿੱਚ 11 ਜੂਨ (ਮੰਗਲਵਾਰ) ਦੀ ਰਾਤ ਨੂੰ ਤੂਫ਼ਾਨ ਕਾਰਨ ਰਿਕਾਰਡ ਤੋੜ ਮੀਂਹ ਪਿਆ। ਉਦੋਂ ਤੋਂ ਫਲੋਰੀਡਾ ਵਿੱਚ ਲਗਾਤਾਰ ਮੀਂਹ ਪੈ ਰਿਹਾ ਹੈ। ਮੀਂਹ ਕਾਰਨ ਇਲਾਕੇ ਵਿੱਚ ਹੜ੍ਹ ਵਰਗੀ ਸਥਿਤੀ ਪੈਦਾ ਹੋ ਗਈ ਹੈ। ਸੜਕਾਂ ਪਾਣੀ ਨਾਲ ਭਰੀਆਂ ਨਜ਼ਰ ਆ ਰਹੀਆਂ ਹਨ। ਜਿਸ ਦੀਆਂ ਕਈ ਵੀਡੀਓਜ਼ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀਆਂ ਹਨ। ਇਸ ਸਥਿਤੀ ਦੇ ਮੱਦੇਨਜ਼ਰ ਮਿਆਮੀ ਵਿੱਚ ਐਮਰਜੈਂਸੀ ਘੋਸ਼ਿਤ ਕਰ ਦਿੱਤੀ ਗਈ ਹੈ।
ਫਲੋਰੀਡਾ ਦੇ ਲਾਡਰਹਿਲ ਵਿੱਚ ਸੈਂਟਰਲ ਬ੍ਰੋਵਾਰਡ ਰੀਜਨਲ ਪਾਰਕ ਸਟੇਡੀਅਮ ਟਰਫ ਗਰਾਊਂਡ ਵਿੱਚ ਟੀ-20 ਵਿਸ਼ਵ ਕੱਪ ਲਈ 4 ਮੈਚ ਹੋਣੇ ਹਨ। ਇਸ ਮੈਦਾਨ 'ਤੇ ਪਹਿਲਾ ਮੈਚ 12 ਜੂਨ ਨੂੰ ਸ੍ਰੀਲੰਕਾ ਅਤੇ ਨੇਪਾਲ ਵਿਚਾਲੇ ਖੇਡਿਆ ਜਾਣਾ ਸੀ, ਜੋ ਮੀਂਹ ਕਾਰਨ ਧੋਤਾ ਗਿਆ ਸੀ। ਮੈਚ ਬਿਨਾਂ ਟਾਸ ਦੇ ਹੀ ਰੱਦ ਕਰਨਾ ਪਿਆ। ਇੱਥੇ ਅਜੇ 3 ਹੋਰ ਮੈਚ ਖੇਡੇ ਜਾਣੇ ਹਨ।
ਲਾਡਰਹਿਲ, ਫਲੋਰੀਡਾ ਵਿੱਚ ਖੇਡੇ ਜਾਣਗੇ 3 ਮੈਚ: ਲੌਡਰਹਿੱਲ, ਫਲੋਰੀਡਾ ਵਿੱਚ ਟੀ-20 ਵਿਸ਼ਵ ਕੱਪ 2024 ਵਿੱਚ ਗਰੁੱਪ ਪੜਾਅ ਦੇ 4 ਮੈਚ ਖੇਡੇ ਜਾਣੇ ਬਾਕੀ ਹਨ। ਅਮਰੀਕਾ ਅਤੇ ਆਇਰਲੈਂਡ ਵਿਚਾਲੇ ਮੈਚ 14 ਜੂਨ ਨੂੰ ਖੇਡਿਆ ਜਾਣਾ ਹੈ। ਇਸ ਤੋਂ ਬਾਅਦ 15 ਜੂਨ ਨੂੰ ਭਾਰਤ ਅਤੇ ਕੈਨੇਡਾ ਵਿਚਾਲੇ ਮੈਚ ਖੇਡਿਆ ਜਾਵੇਗਾ। ਪਾਕਿਸਤਾਨ ਬਨਾਮ ਆਇਰਲੈਂਡ ਵਿਚਾਲੇ ਆਖਰੀ ਮੈਚ ਫਲੋਰੀਡਾ 'ਚ ਖੇਡਿਆ ਜਾਵੇਗਾ। ਇਹ ਸਾਰੇ ਮੈਚ ਭਾਰਤੀ ਸਮੇਂ ਅਨੁਸਾਰ ਰਾਤ 8 ਵਜੇ ਸ਼ੁਰੂ ਹੋਣਗੇ। ਪਰ ਫਲੋਰੀਡਾ ਵਿੱਚ ਹੜ੍ਹ ਵਰਗੀ ਸਥਿਤੀ ਅਤੇ ਮੀਂਹ ਕਾਰਨ ਅਗਲੇ ਤਿੰਨ ਟੀ-20 ਵਿਸ਼ਵ ਕੱਪ ਮੈਚ ਰੱਦ ਹੋਣ ਦੀ ਸੰਭਾਵਨਾ ਹੈ।
ਭਾਰਤ ਨੇ ਸੁਪਰ-8 'ਚ ਬਣਾਈ ਜਗ੍ਹਾ: ਭਾਰਤ ਨੇ ਅਮਰੀਕਾ ਨੂੰ ਹਰਾ ਕੇ ਸੁਪਰ-8 ਲਈ ਆਪਣੀ ਟਿਕਟ ਪੱਕੀ ਕਰ ਲਈ ਹੈ। ਅਜਿਹੇ 'ਚ ਜੇਕਰ ਕੈਨੇਡਾ ਖਿਲਾਫ ਹੋਣ ਵਾਲਾ ਮੈਚ ਮੀਂਹ ਕਾਰਨ ਰੱਦ ਹੋ ਜਾਂਦਾ ਹੈ ਤਾਂ ਵੀ ਭਾਰਤ 'ਤੇ ਇਸ ਦਾ ਕੋਈ ਅਸਰ ਨਹੀਂ ਪਵੇਗਾ।
ਪਾਕਿਸਤਾਨ ਦੀਆਂ ਵਧਈਆ ਮੁਸ਼ਕਿਲਾਂ: ਜੇਕਰ ਫਲੋਰੀਡਾ 'ਚ ਖੇਡੇ ਜਾਣ ਵਾਲੇ ਅਗਲੇ ਤਿੰਨ ਮੈਚ ਮੀਂਹ ਕਾਰਨ ਧੋਤੇ ਗਏ ਤਾਂ ਪਾਕਿਸਤਾਨ ਨੂੰ ਸਭ ਤੋਂ ਵੱਧ ਨੁਕਸਾਨ ਹੋਵੇਗਾ। ਜੇਕਰ ਇਹ ਤਿੰਨੇ ਮੈਚ ਮੀਂਹ ਕਾਰਨ ਰੱਦ ਹੋ ਜਾਂਦੇ ਹਨ ਤਾਂ ਅਮਰੀਕਾ ਸੁਪਰ-8 ਲਈ ਕੁਆਲੀਫਾਈ ਕਰ ਲਵੇਗਾ। ਇਸ ਦੇ ਨਾਲ ਹੀ ਪਾਕਿਸਤਾਨੀ ਟੀਮ ਨੂੰ ਟੂਰਨਾਮੈਂਟ ਤੋਂ ਬਾਹਰ ਹੋਣ ਦਾ ਰਾਹ ਦੇਖਣਾ ਹੋਵੇਗਾ।
- 'ਸਿਕਸਰ ਕਿੰਗ' ਨੇ ਦਿੱਤਾ ਮੁਹੰਮਦ ਸਿਰਾਜ ਨੂੰ ਬੈਸਟ ਫੀਲਡਰ ਆਫ ਦਾ ਮੈਚ, ਦੇਖੋ ਵੀਡੀਓ - T20 WORLD CUP 2024
- ਤਿੰਨ ਕਾਰਨ ਜਿਨ੍ਹਾਂ ਕਾਰਨ ਪਾਕਿਸਤਾਨ ਦਾ ਟੂਰਨਾਮੈਂਟ ਤੋਂ ਬਾਹਰ ਹੋਣਾ ਲਗਭਗ ਤੈਅ, ਜਾਣੋ ਸੁਪਰ-8 ਦਾ ਗਣਿਤ - SUPER 8 QUALIFICATION SCENARIO
- ਪਾਕਿਸਤਾਨੀ ਤੇਜ਼ ਗੇਂਦਬਾਜ਼ ਨੇ ਜਿੱਤਿਆ ਭਾਰਤੀਆਂ ਦਾ ਦਿਲ, ਇਸ ਤਰ੍ਹਾਂ ਅੱਤਵਾਦੀਆਂ ਦੇ ਮੂੰਹ 'ਤੇ ਮਾਰਿਆ ਚਪੇੜ - All eyes on Reasi
