ਸ਼ਾਟਪੁੱਟ ਥਰੋਅਰ ਤਜਿੰਦਰਪਾਲ ਓਲੰਪਿਕ ਤੋਂ ਹੋਏ ਬਾਹਰ, ਜਾਣੋਂ ਕਿਹੜੀਆਂ ਦੋ ਵੱਡੀਆਂ ਗਲਤੀਆਂ ਤਜਿੰਦਰਪਾਲ ਦੇ ਸਫਰ ਦੀ ਸਮਾਪਤੀ ਦਾ ਬਣੀਆਂ ਕਾਰਣ - PARIS 2024 OLYMPICS

Shot Put Thrower Tajinderpal: ਸ਼ਾਟਪੁੱਟ ਥਰੋਅਰ ਤਜਿੰਦਰਪਾਲ ਸਿੰਘ ਤੂਰ ਸ਼ਾਟ ਪੁਟ ਈਵੈਂਟ ਤੋਂ ਬਾਹਰ ਹੋ ਗਿਆ ਕਿਉਂਕਿ ਉਹ ਗਰੁੱਪ ਏ ਵਿੱਚ ਆਖਰੀ ਸਥਾਨ 'ਤੇ ਰਿਹਾ । ਪੈਰਿਸ ਓਲੰਪਿਕ 2024 ਦੇ ਆਪਣੇ ਸੀਜ਼ਨ ਦੇ ਸਭ ਤੋਂ ਸਿਖਰਲੇ ਥਰੋਅ ਦੇ ਨੇੜੇ ਪਹੁੰਚਣ ਵਿੱਚ ਤੂਰ ਅਸਫਲ ਰਿਹਾ। ਇਸ ਪ੍ਰਕਿਰਿਆ ਵਿੱਚ, ਉਸ ਨੇ ਆਪਣੀਆਂ ਆਖਰੀ ਦੋ ਕੋਸ਼ਿਸ਼ਾਂ ਵਿੱਚ ਦੋ ਵੱਡੀਆਂ ਗਲਤੀਆਂ ਕੀਤੀਆਂ ਜਿਸ ਦੀ ਉਸ ਨੂੰ ਅੰਤ ਵਿੱਚ ਕੀਮਤ ਚੁਕਾਉਣੀ ਪਈ।

ਪੈਰਿਸ (ਫਰਾਂਸ) : ਦੋ ਵਾਰ ਦੀਆਂ ਏਸ਼ੀਆਈ ਖੇਡਾਂ ਦਾ ਸੋਨ ਤਗਮਾ ਜੇਤੂ ਸ਼ਾਟਪੁੱਟਰ ਤਜਿੰਦਰਪਾਲ ਸਿੰਘ ਤੂਰ ਸ਼ੁੱਕਰਵਾਰ ਨੂੰ ਪੈਰਿਸ 2024 ਓਲੰਪਿਕ ਦੇ ਗਰੁੱਪ-ਏ ਵਿੱਚ 15ਵੇਂ ਸਥਾਨ 'ਤੇ ਰਹਿਣ ਤੋਂ ਬਾਅਦ ਕੁਆਲੀਫਾਈਂਗ ਗੇੜ ਤੋਂ ਬਾਹਰ ਹੋ ਗਿਆ ਅਤੇ ਫਾਈਨਲ ਵਿੱਚ ਜਗ੍ਹਾ ਪੱਕੀ ਕਰਨ ਵਿਚ ਅਸਫਲ ਰਿਹਾ। ਕੁੱਲ ਮਿਲਾ ਕੇ, ਤਜਿੰਦਰ ਇਸ ਮੁਕਾਬਲੇ ਵਿੱਚ ਦੂਜੇ ਆਖਰੀ 29ਵੇਂ ਸਥਾਨ 'ਤੇ ਰਿਹਾ।

ਤਜਿੰਦਰ ਪਾਲ ਨੇ ਟੋਕੀਓ ਓਲੰਪਿਕ ਵਿੱਚ ਭਾਰਤ ਦੀ ਨੁਮਾਇੰਦਗੀ ਕੀਤੀ ਸੀ ਅਤੇ ਉੱਥੇ ਵੀ ਫਾਈਨਲ ਲਈ ਕੁਆਲੀਫਾਈ ਕਰਨ ਵਿੱਚ ਅਸਫਲ ਰਿਹਾ ਸੀ। ਚੋਟੀ ਦੇ 12 ਸਰਵੋਤਮ ਪ੍ਰਦਰਸ਼ਨ ਕਰਨ ਵਾਲੇ ਜਾਂ ਸਰਬੋਤਮ 12 ਐਥਲੀਟ ਗਰੁੱਪ ਪੜਾਅ ਦੀ ਯੋਗਤਾ ਵਿੱਚ 21.35 ਦੇ ਓਲੰਪਿਕ ਯੋਗਤਾ ਮਿਆਰ ਨੂੰ ਪੂਰਾ ਕਰਦੇ ਹੋਏ ਅਗਲੇ ਪੜਾਅ ਲਈ ਅੱਗੇ ਵਧਦੇ ਹਨ। ਸ਼ਾਟਪੁੱਟ ਦਾ ਫਾਈਨਲ ਐਤਵਾਰ ਨੂੰ ਖੇਡਿਆ ਜਾਵੇਗਾ।

🇮🇳 Result Update: #Athletics Men's Shot Put Qualification👇

Disappointment for @Tajinder_Singh3 as he fails to qualify for the finals💔 He finishes 29th at #ParisOlympics2024 with a best throw of 18.05m.#Cheer4Bharat🇮🇳 @afiindia pic.twitter.com/TDazT3zzad

— SAI Media (@Media_SAI) August 2, 2024

ਆਖਰੀ ਸਥਾਨ ਉੱਤੇ ਰਹੇ ਤੂਰ: ਸ਼ਟਰੀ ਰਿਕਾਰਡ ਧਾਰਕ ਤੂਰ, ਜਿਸ ਨੇ ਪਿਛਲੇ ਸਾਲ ਦੀਆਂ ਹਾਂਗਜ਼ੂ ਏਸ਼ਿਆਈ ਖੇਡਾਂ ਵਿੱਚ 2018 ਜਕਾਰਤਾ ਏਸ਼ੀਅਨ ਖੇਡਾਂ ਵਿੱਚ ਆਪਣੇ ਸੋਨ ਤਗਮੇ ਦਾ ਸਫਲਤਾਪੂਰਵਕ ਬਚਾਅ ਕੀਤਾ ਸੀ ਹੁਣ ਉਸ ਦੀ ਪਹਿਲੀ ਕੋਸ਼ਿਸ਼ ਵਿੱਚ 18.05 ਮੀਟਰ ਦੀ ਸਿਰਫ਼ ਇੱਕ ਲੀਗਲ ਥਰੋਅ ਸੀ, ਜਦੋਂ ਕਿ ਅਗਲੇ ਦੋ ਥਰੋਅ ਨੂੰ ਫਾਊਲ ਕਿਹਾ ਗਿਆ ਜਿਸ ਨੇ ਉਸ ਦੀ ਮੁਹਿੰਮ ਨੂੰ ਰੋਕ ਦਿੱਤਾ। ਗਰੁੱਪ ਏ ਵਿੱਚ ਉਨ੍ਹਾਂ ਨੂੰ ਆਖਰੀ ਸਥਾਨ ਹਾਸਿਲ ਹੋਇਆ।

ਭਾਰਤ ਦੀ ਚੁਣੌਤੀ ਖਤਮ: 28 ਸਾਲ ਦੇ ਖਿਡਾਰੀ ਦੀ ਨਿਰਾਸ਼ਾਜਨਕ ਆਊਟਿੰਗ ਨੇ ਉਸ ਨੂੰ 21.77 ਮੀਟਰ ਦੇ ਆਪਣੇ ਨਿੱਜੀ ਸਰਵੋਤਮ ਅਤੇ ਸੀਜ਼ਨ ਦੇ ਸਰਵੋਤਮ 20.38 ਤੋਂ ਥੱਲੇ ਰੱਖਿਆ। ਸਭ ਤੋਂ ਵਧੀਆ ਥਰੋਅ 21.76 ਸੀ ਜੋ ਇਟਲੀ ਦੇ ਫੈਬਰੀ ਲਿਓਨਾਰਡੋ ਦਾ ਸੀ। ਤੂਰ, ਜੋ ਸ਼ਾਟ ਪੁਟ ਵਿਚ ਪ੍ਰਤੀਨਿਧਤਾ ਕਰਨ ਵਾਲਾ ਇਕੱਲਾ ਭਾਰਤੀ ਸੀ, ਨੇ ਵਿਸ਼ਵ ਰੈਂਕਿੰਗ ਰਾਹੀਂ ਪੈਰਿਸ ਖੇਡਾਂ ਦਾ ਕੋਟਾ ਹਾਸਲ ਕੀਤਾ ਸੀ। ਉਸ ਦੇ ਬਾਹਰ ਹੋਣ ਨਾਲ ਸ਼ਾਟ ਪੁਟ ਮੁਕਾਬਲੇ 'ਚ ਭਾਰਤ ਦੀ ਚੁਣੌਤੀ ਖਤਮ ਹੋ ਗਈ ਹੈ।