ਓਲੰਪਿਕ ਤੋਂ ਬਾਅਦ ਡਾਇਮੰਡ ਲੀਗ 'ਚ ਵੀ ਨੀਰਜ ਚੋਪੜਾ ਹੱਥ ਲੱਗੀ ਨਿਰਾਸ਼ਾ, ਨਹੀਂ ਬਚਾ ਸਕੇ ਆਪਣਾ ਖਿਤਾਬ - Diamond League Final

Neeraj chopra in Diamond League Final: ਸਟਾਰ ਭਾਰਤੀ ਜੈਵਲਿਨ ਥ੍ਰੋਅਰ ਨੀਰਜ ਚੋਪੜਾ ਡਾਇਮੰਡ ਲੀਗ 2024 ਦਾ ਖਿਤਾਬ ਗੁਆ ਬੈਠੇ ਹਨ। ਉਹ ਗ੍ਰੇਨੇਡੀਅਨ ਐਥਲੀਟ ਐਂਡਰਸਨ ਪੀਟਰਸ ਤੋਂ ਸਿਰਫ 1 ਸੈਂਟੀਮੀਟਰ ਨਾਲ ਹਾਰ ਗਏ। ਪੜ੍ਹੋ ਪੂਰੀ ਖਬਰ..

ਨਵੀਂ ਦਿੱਲੀ: ਭਾਰਤ ਦੇ ਦੋਹਰੇ ਓਲੰਪਿਕ ਤਮਗਾ ਜੇਤੂ ਨੀਰਜ ਚੋਪੜਾ ਨੇ ਇਕ ਵਾਰ ਫਿਰ ਭਾਰਤੀ ਪ੍ਰਸ਼ੰਸਕਾਂ ਨੂੰ ਨਿਰਾਸ਼ ਕੀਤਾ ਹੈ। ਨੀਰਜ ਚੋਪੜਾ ਡਾਇਮੰਡ ਲੀਗ 2024 ਦਾ ਖਿਤਾਬ ਜਿੱਤਣ ਤੋਂ ਖੁੰਝ ਗਏ। ਭਾਰਤੀ ਪ੍ਰਸ਼ੰਸਕਾਂ ਨੂੰ ਉਨ੍ਹਾਂ ਤੋਂ ਖਿਤਾਬ ਜਿੱਤਣ ਦੀ ਉਮੀਦ ਸੀ ਪਰ ਨੀਰਜ ਅਜਿਹਾ ਨਹੀਂ ਕਰ ਸਕੇ। ਦਰਅਸਲ ਨੀਰਜ ਚੋਪੜਾ ਲੰਬੇ ਸਮੇਂ ਤੋਂ ਕਮਰ ਦੀ ਸੱਟ ਤੋਂ ਪੀੜਤ ਹਨ, ਜਿਸ ਕਾਰਨ ਉਹ ਪੈਰਿਸ ਓਲੰਪਿਕ 'ਚ ਸੋਨ ਤਮਗਾ ਜਿੱਤਣ 'ਚ ਅਸਫਲ ਰਹੇ ਸਨ ਅਤੇ ਹੁਣ ਇਸ ਦਾ ਅਸਰ ਡਾਇਮੰਡ ਲੀਗ 2024 ਦੇ ਫਾਈਨਲ 'ਚ ਵੀ ਦੇਖਣ ਨੂੰ ਮਿਲਿਆ। ਨਤੀਜਾ ਇਹ ਨਿਕਲਿਆ ਕਿ ਨੀਰਜ ਖਿਤਾਬ ਜਿੱਤਣ ਤੋਂ ਸਿਰਫ਼ 1 ਸੈਂਟੀਮੀਟਰ ਪਿੱਛੇ ਰਹਿ ਗਏ।

Still the King👑, making us proud on the global stage🫡

Neeraj, the GOAT might have missed the 💎 but he is still making us proud by with a strong 2️⃣nd place finish at the #DimaondLeagueFinal in Brussels with a stellar throw of 87.86 meters! Despite missing the top spot by just… pic.twitter.com/rpAOGgOzKo

— SAI Media (@Media_SAI) September 14, 2024

ਨੀਰਜ ਚੋਪੜਾ 1 ਸੈਂਟੀਮੀਟਰ ਤੋਂ ਖਿਤਾਬ ਜਿੱਤਣ ਤੋਂ ਖੁੰਝੇ

ਡਾਇਮੰਡ ਲੀਗ 2024 ਦਾ ਫਾਈਨਲ ਸ਼ਨੀਵਾਰ ਰਾਤ ਨੂੰ ਬ੍ਰਸੇਲਜ਼ ਵਿੱਚ ਖੇਡਿਆ ਗਿਆ। ਇਸ ਫਾਈਨਲ ਮੁਕਾਬਲੇ ਵਿੱਚ ਭਾਰਤ ਦੇ ਚੋਟੀ ਦੇ ਜੈਵਲਿਨ ਥ੍ਰੋਅਰ ਨੀਰਜ ਚੋਪੜਾ ਨੇ 87.86 ਮੀਟਰ ਦੀ ਸਰਵੋਤਮ ਥਰੋਅ ਨਾਲ ਦੂਜਾ ਸਥਾਨ ਹਾਸਲ ਕੀਤਾ। ਇਸ ਨਾਲ ਉਹ ਲਗਾਤਾਰ ਦੂਜੀ ਵਾਰ ਇਸ ਟੂਰਨਾਮੈਂਟ ਦੇ ਜੇਤੂ ਬਣਨ ਤੋਂ ਖੁੰਝ ਗਏ ਹਨ। ਨੀਰਜ ਚੋਪੜਾ ਇਸ ਵਾਰ ਓਲੰਪਿਕ 'ਚ ਸੋਨ ਤਮਗਾ ਜਿੱਤਣ ਤੋਂ ਵੀ ਖੁੰਝ ਗਏ ਸੀ।

ਪੀਟਰਸ ਡਾਇਮੰਡ ਲੀਗ ਦੇ ਜੇਤੂ ਬਣੇ

ਇਸ ਫਾਈਨਲ ਮੈਚ ਵਿੱਚ ਗ੍ਰੇਨੇਡੀਅਨ ਜੈਵਲਿਨ ਥ੍ਰੋਅਰ ਐਂਡਰਸਨ ਪੀਟਰਸ 87.87 ਮੀਟਰ ਦੇ ਸਰਵੋਤਮ ਥਰੋਅ ਨਾਲ ਜੇਤੂ ਬਣੇ। ਪੀਟਰਸ ਨੇ ਪੈਰਿਸ ਓਲੰਪਿਕ 'ਚ ਨੀਰਜ ਤੋਂ ਬਾਅਦ ਕਾਂਸੀ ਦਾ ਤਗਮਾ ਜਿੱਤਿਆ ਸੀ। ਹੁਣ ਨੀਰਜ ਚੋਪੜਾ ਡਾਇਮੰਡ ਲੀਗ ਵਿੱਚ ਸਿਰਫ਼ 1 ਸੈਂਟੀਮੀਟਰ ਨਾਲ ਖੁੰਝ ਗਏ। ਇਸ ਦੇ ਨਾਲ ਹੀ ਜਰਮਨੀ ਦੇ ਜੂਲੀਅਨ ਵੇਬਰ ਨੇ ਇਸ ਟੂਰਨਾਮੈਂਟ ਵਿੱਚ 85.97 ਮੀਟਰ ਦੀ ਥਰੋਅ ਕੀਤੀ ਅਤੇ ਨੀਰਜ ਚੋਪੜਾ ਤੋਂ ਬਾਅਦ ਤੀਜੇ ਸਥਾਨ ’ਤੇ ਰਹੇ।