ਸ਼ੇਨ ਵਾਰਨ ਨੂੰ ਯਾਦ ਕਰਕੇ ਭਾਵੁਕ ਹੋਏ ਕੁਲਦੀਪ ਯਾਦਵ, ਕਹੀ ਦਿਲ ਨੂੰ ਛੂਹ ਲੈਣ ਵਾਲੀ ਗੱਲ - Kuldeep Yadav on Shane Warn

Kuldeep Yadav on Shane Warn: ਟੀਮ ਇੰਡੀਆ ਦੇ ਸਟਾਰ ਸਪਿਨਰ ਕੁਲਦੀਪ ਯਾਦਵ ਸ਼ੇਨ ਵਾਰਨ ਨੂੰ ਆਪਣਾ ਆਈਡਲ ਮੰਨਦੇ ਹਨ। ਉਨ੍ਹਾਂ ਨੇ ਵਾਰਨ ਨੂੰ ਯਾਦ ਕਰਦੇ ਹੋਏ ਭਾਵੁਕ ਕਰ ਦੇਣ ਵਾਲੀ ਗੱਲ ਆਖੀ ਹੈ। ਪੜ੍ਹੋ ਪੂਰੀ ਖਬਰ...

ਨਵੀਂ ਦਿੱਲੀ: ਭਾਰਤੀ ਕ੍ਰਿਕਟ ਟੀਮ ਦੇ ਸਟਾਰ ਸਪਿਨਰ ਕੁਲਦੀਪ ਯਾਦਵ ਨੇ ਵੱਡਾ ਬਿਆਨ ਦਿੱਤਾ ਹੈ। ਉਨ੍ਹਾਂ ਨੇ ਆਸਟ੍ਰੇਲੀਆ ਦੇ ਮਰਹੂਮ ਲੈੱਗ ਸਪਿਨਰ ਸ਼ੇਨ ਵਾਰਨ ਬਾਰੇ ਵੱਡੀ ਗੱਲ ਕਹੀ ਹੈ। ਕੁਲਦੀਪ ਯਾਦਵ ਨੇ ਵਾਰਨ ਨੂੰ ਆਪਣਾ ਆਈਡਲ ਦੱਸਦੇ ਹੋਏ ਦਿਲ ਨੂੰ ਛੂਹ ਲੈਣ ਵਾਲੀ ਗੱਲ ਕਹੀ ਹੈ। ਉਨ੍ਹਾਂ ਨੇ ਕ੍ਰਿਕਟ ਆਸਟ੍ਰੇਲੀਆ ਨਾਲ ਗੱਲ ਕਰਦੇ ਹੋਏ ਵਾਰਨ ਬਾਰੇ ਗੱਲ ਕੀਤੀ ਹੈ।

ਸ਼ੇਨ ਵਾਰਨ (IANS PHOTOS)

ਵਾਰਨ ਨੂੰ ਗੁਆਉਣਾ ਪਰਿਵਾਰਕ ਮੈਂਬਰ ਨੂੰ ਗੁਆਉਣ ਵਾਂਗ-ਕੁਲਦੀਪ: ਕੁਲਦੀਪ ਯਾਦਵ ਨੇ ਐਮ.ਸੀ.ਜੀ. ਦਾ ਦੌਰਾ ਕੀਤਾ। ਇਸ ਦੌਰਾਨ ਉਨ੍ਹਾਂ ਨੇ ਗੱਲਬਾਤ ਕਰਦੇ ਹੋਏ ਕਿਹਾ, 'ਸ਼ੇਨ ਵਾਰਨ ਮੇਰੇ ਆਈਡਲ ਸਨ। ਮੇਰਾ ਉਨ੍ਹਾਂ ਨਾਲ ਬਹੁਤ ਡੂੰਘਾ ਰਿਸ਼ਤਾ ਸੀ। ਮੈਂ ਅਜੇ ਵੀ ਵਾਰਨ ਬਾਰੇ ਸੋਚ ਕੇ ਭਾਵੁਕ ਹੋ ਜਾਂਦਾ ਹਾਂ। ਅਜਿਹਾ ਮਹਿਸੂਸ ਹੁੰਦਾ ਹੈ ਜਿਵੇਂ ਮੈਂ ਆਪਣੇ ਪਰਿਵਾਰ ਵਿੱਚੋਂ ਕਿਸੇ ਨੂੰ ਗੁਆ ਦਿੱਤਾ ਹੈ'। ਕੁਲਦੀਪ ਦੇ ਇਨ੍ਹਾਂ ਸ਼ਬਦਾਂ ਤੋਂ ਸਾਫ਼ ਪਤਾ ਲੱਗਦਾ ਹੈ ਕਿ ਉਹ ਸ਼ੇਨ ਵਾਰਨ ਦੇ ਕਿੰਨੇ ਕਰੀਬ ਸੀ।

Kuldeep Yadav said " shane warne was my idol, i had a very strong connection with him - i still get emotional when i think about warnie - it feels like i have lost someone from my family". [cricket australia] pic.twitter.com/zgkNz89fbP

— Johns. (@CricCrazyJohns) August 23, 2024

ਤੁਹਾਨੂੰ ਦੱਸ ਦਈਏ ਕਿ ਆਸਟ੍ਰੇਲੀਆ ਦੇ ਮਹਾਨ ਲੈੱਗ ਸਪਿਨਰ ਸ਼ੇਨ ਵਾਰਨ ਦੀ 4 ਮਾਰਚ 2022 ਨੂੰ ਮੌਤ ਹੋ ਗਈ ਸੀ। ਵਾਰਨ ਦੀ 52 ਸਾਲ ਦੀ ਉਮਰ ਵਿੱਚ ਅਚਾਨਕ ਮੌਤ ਹੋ ਗਈ। ਵਾਰਨ ਦੇ ਨਾਂ ਟੈਸਟ ਅਤੇ ਵਨਡੇ ਦੋਵਾਂ ਫਾਰਮੈਟਾਂ ਵਿੱਚ ਕੁੱਲ 1001 ਵਿਕਟਾਂ ਦਰਜ ਹਨ।

ਕੁਲਦੀਪ ਯਾਦਵ (ANI PHOTOS)

ਕੁਲਦੀਪ ਯਾਦਵ ਦਾ ਜ਼ਬਰਦਸਤ ਪ੍ਰਦਰਸ਼ਨ: ਦੱਸ ਦਈਏ ਕਿ ਕੁਲਦੀਪ ਯਾਦਵ ਨੇ ਹਾਲ ਹੀ ਦੇ ਸਮੇਂ 'ਚ ਚੰਗਾ ਪ੍ਰਦਰਸ਼ਨ ਕੀਤਾ ਹੈ। ਉਨ੍ਹਾਂ ਨੇ ਵਨਡੇ ਵਿਸ਼ਵ ਕੱਪ 2023 ਅਤੇ ਟੀ-20 ਵਿਸ਼ਵ ਕੱਪ 2024 ਵਿੱਚ ਭਾਰਤ ਲਈ ਗੇਂਦ ਨਾਲ ਵਧੀਆ ਪ੍ਰਦਰਸ਼ਨ ਕੀਤਾ ਹੈ। ਕੁਲਦੀਪ ਦੇ ਨਾਂ 12 ਟੈਸਟ ਮੈਚਾਂ 'ਚ 53, 106 ਵਨਡੇ 'ਚ 172 ਅਤੇ 40 ਟੀ-20 'ਚ 59 ਵਿਕਟਾਂ ਹਨ। ਆਪਣੇ ਕਰੀਅਰ 'ਚ ਉਨ੍ਹਾਂ ਨੇ ਤਿੰਨਾਂ ਫਾਰਮੈਟਾਂ 'ਚ 5 ਵਾਰ 5 ਵਿਕਟਾਂ ਝਟਕਾਈਆਂ ਹਨ।