ਗੁਰੂ ਤੋਂ ਅੱਗੇ ਨਿਕਲਿਆ ਚੇਲਾ, ਇੰਗਲੈਂਡ ਖਿਲਾਫ ਮੈਚ 'ਚ ਅਭਿਸ਼ੇਕ ਨੇ ਤੋੜਿਆ ਯੁਵਰਾਜ ਸਿੰਘ ਦਾ ਵੱਡਾ ਰਿਕਾਰਡ

ਅਭਿਸ਼ੇਕ ਸ਼ਰਮਾ ਨੇ ਪਹਿਲੇ ਟੀ20 ਵਿੱਚ 34 ਗੇਂਦਾਂ ਵਿੱਚ 79 ਦੌੜਾਂ ਦੀ ਧਮਾਕੇਦਾਰ ਪਾਰੀ ਖੇਡ ਕੇ ਆਪਣੇ ਮੈਂਟਰ ਯੁਵਰਾਜ ਸਿੰਘ ਦਾ ਵੱਡਾ ਰਿਕਾਰਡ ਤੋੜ ਦਿੱਤਾ।

ਕੋਲਕਾਤਾ: ਅਭਿਸ਼ੇਕ ਸ਼ਰਮਾ ਨੇ 5 ਮੈਚਾਂ ਦੀ ਟੀ-20 ਸੀਰੀਜ਼ ਦੇ ਸ਼ੁਰੂਆਤੀ ਮੈਚ 'ਚ ਸ਼ਾਨਦਾਰ ਅਰਧ ਸੈਂਕੜਾ ਲਗਾਇਆ। ਖੱਬੇ ਹੱਥ ਦੇ ਇਸ ਬੱਲੇਬਾਜ਼ ਨੇ ਸਿਰਫ 34 ਗੇਂਦਾਂ 'ਚ 8 ਛੱਕਿਆਂ ਦੀ ਮਦਦ ਨਾਲ ਤੇਜ਼ 79 ਦੌੜਾਂ ਬਣਾਈਆਂ। ਇਸ ਤੂਫਾਨੀ ਪਾਰੀ ਦੀ ਮਦਦ ਨਾਲ ਚੇਲੇ ਅਭਿਸ਼ੇਕ ਨੇ ਆਪਣੇ ਗੁਰੂ ਯੁਵਰਾਜ ਸਿੰਘ ਦਾ ਵੱਡਾ ਰਿਕਾਰਡ ਤੋੜ ਦਿੱਤਾ।

Abhishek Sharma weaving magic and how! 🪄

Follow The Match ▶️ https://t.co/4jwTIC5zzs #TeamIndia | #INDvENG | @IamAbhiSharma4 | @IDFCFIRSTBank pic.twitter.com/5xhtG6IN1F

— BCCI (@BCCI) January 22, 2025

ਅਭਿਸ਼ੇਕ ਨੇ ਤੋੜਿਆ ਯੁਵਰਾਜ ਦਾ ਰਿਕਾਰਡ

ਈਡਨ ਗਾਰਡਨ 'ਤੇ ਖੇਡੇ ਗਏ ਪਹਿਲੇ ਟੀ-20 ਮੈਚ 'ਚ ਅਭਿਸ਼ੇਕ ਨੇ ਕ੍ਰੀਜ਼ 'ਤੇ 8 ਛੱਕੇ ਲਗਾਏ ਅਤੇ ਯੁਵਰਾਜ ਸਿੰਘ ਨੂੰ ਪਿੱਛੇ ਛੱਡਦੇ ਹੋਏ ਟੀ-20 'ਚ ਇੰਗਲੈਂਡ ਖਿਲਾਫ ਇਕ ਪਾਰੀ 'ਚ ਸਭ ਤੋਂ ਜ਼ਿਆਦਾ ਛੱਕੇ ਲਗਾਉਣ ਵਾਲੇ ਭਾਰਤੀ ਬੱਲੇਬਾਜ਼ ਬਣ ਗਏ। ਯੁਵਰਾਜ ਨੇ 2007 ਟੀ-20 ਵਿਸ਼ਵ ਕੱਪ 'ਚ ਇੰਗਲੈਂਡ ਖਿਲਾਫ ਅਰਧ ਸੈਂਕੜੇ ਦੌਰਾਨ 7 ਛੱਕੇ ਲਗਾਏ ਸਨ।

𝘼 𝙎𝙩𝙮𝙡𝙞𝙨𝙝 𝙁𝙞𝙛𝙩𝙮 😎

Abhishek Sharma starts the #INDvENG T20I series on the right note 👍

Follow The Match ▶️ https://t.co/4jwTIC5zzs#TeamIndia | #INDvENG | @IDFCFIRSTBank pic.twitter.com/U7Mkaamnfv

— BCCI (@BCCI) January 22, 2025

20 ਗੇਂਦਾਂ ਵਿੱਚ ਅਰਧ ਸੈਂਕੜਾ ਬਣਾਇਆ

ਇਸ ਤੋਂ ਇਲਾਵਾ, ਅਭਿਸ਼ੇਕ ਨੇ ਸਿਰਫ 20 ਗੇਂਦਾਂ ਵਿੱਚ ਆਪਣਾ ਅਰਧ ਸੈਂਕੜਾ ਪੂਰਾ ਕੀਤਾ ਅਤੇ ਇੰਗਲੈਂਡ ਦੇ ਖਿਲਾਫ ਇੱਕ ਭਾਰਤੀ ਬੱਲੇਬਾਜ਼ ਦੁਆਰਾ ਦੂਜਾ ਸਭ ਤੋਂ ਤੇਜ਼ ਅਰਧ ਸੈਂਕੜਾ ਬਣਾਇਆ। 24 ਸਾਲਾ ਅਭਿਸ਼ੇਕ ਆਪਣੇ ਮੈਂਟਰ ਯੁਵਰਾਜ ਸਿੰਘ ਤੋਂ ਪਿੱਛੇ ਹੈ, ਜਿੰਨ੍ਹਾਂ ਨੇ 2007 ਦੇ ਟੀ-20 ਵਿਸ਼ਵ ਕੱਪ 'ਚ ਸਿਰਫ 12 ਗੇਂਦਾਂ 'ਚ ਆਪਣਾ ਅਰਧ ਸੈਂਕੜਾ ਪੂਰਾ ਕੀਤਾ ਸੀ। ਇਹ ਉਹੀ ਮੈਚ ਸੀ ਜਿਸ ਵਿੱਚ ਯੁਵਰਾਜ ਸਿੰਘ ਨੇ ਸਟੂਅਰਟ ਬ੍ਰਾਡ ਨੂੰ 1 ਓਵਰ ਵਿੱਚ 6 ਛੱਕੇ ਜੜੇ ਸਨ।

Abhishek Sharma's explosive knock outclassed England in the T20I series opener in Kolkata 💥#INDvENG 📝: https://t.co/9nrI1DaGqi pic.twitter.com/aLigXoyyaN

— ICC (@ICC) January 22, 2025

ਭਾਰਤ ਨੇ ਇੰਗਲੈਂਡ ਨੂੰ 7 ਵਿਕਟਾਂ ਨਾਲ ਹਰਾਇਆ

ਪਹਿਲੇ ਟੀ-20 ਮੈਚ 'ਚ ਭਾਰਤ ਨੇ ਟਾਸ ਜਿੱਤ ਕੇ ਗੇਂਦਬਾਜ਼ੀ ਕਰਨ ਦਾ ਫੈਸਲਾ ਕੀਤਾ ਅਤੇ ਮਹਿਮਾਨ ਟੀਮ ਨੂੰ ਪਹਿਲਾਂ ਬੱਲੇਬਾਜ਼ੀ ਕਰਨ ਦਾ ਸੱਦਾ ਦਿੱਤਾ। ਅਰਸ਼ਦੀਪ ਸਿੰਘ ਨੇ ਪਾਵਰਪਲੇ ਵਿੱਚ ਆਪਣੀ ਸੀਮ ਮੂਵਮੈਂਟ ਅਤੇ ਉਛਾਲ ਨਾਲ ਇੰਗਲਿਸ਼ ਬੱਲੇਬਾਜ਼ਾਂ ਨੂੰ ਪਰੇਸ਼ਾਨ ਕੀਤਾ। ਉਨ੍ਹਾਂ ਦੁਆਰਾ ਲਗਾਏ ਗਏ ਦੋ ਝਟਕਿਆਂ ਕਾਰਨ ਇੰਗਲੈਂਡ ਦਾ ਸਕੋਰ ਕੁਝ ਹੀ ਸਮੇਂ 'ਚ (17/2) ਤੱਕ ਪਹੁੰਚ ਗਿਆ। ਸਪਿੰਨਰ ਵਰੁਣ ਚੱਕਰਵਰਤੀ ਅਤੇ ਅਕਸ਼ਰ ਪਟੇਲ ਨੇ ਮੱਧ ਓਵਰਾਂ ਵਿੱਚ ਦਬਾਅ ਬਣਾਈ ਰੱਖਿਆ ਜਦਕਿ ਹਾਰਦਿਕ ਪੰਡਯਾ ਨੇ ਵੀ ਦੋ ਵਿਕਟਾਂ ਲਈਆਂ। ਇੰਗਲੈਂਡ ਵੱਲੋਂ ਕਪਤਾਨ ਜੋਸ ਬਟਲਰ ਹੀ ਇਕੱਲੇ ਯੋਧਾ ਸੀ, ਜਿੰਨ੍ਹਾਂ ਨੇ 68 ਦੌੜਾਂ ਦੀ ਪਾਰੀ ਖੇਡੀ।

ਅਭਿਸ਼ੇਕ ਦਾ ਅੰਤਰਰਾਸ਼ਟਰੀ ਕਰੀਅਰ

ਅਭਿਸ਼ੇਕ ਨੇ ਹੁਣ ਤੱਕ 13 ਟੀ-20 ਮੈਚਾਂ 'ਚ 27.91 ਦੀ ਔਸਤ ਅਤੇ 183.06 ਦੀ ਸ਼ਾਨਦਾਰ ਸਟ੍ਰਾਈਕ ਰੇਟ ਨਾਲ 335 ਦੌੜਾਂ ਬਣਾਈਆਂ ਹਨ। ਇਸ ਪਾਰੀ ਨਾਲ ਅਗਲੇ ਕੁਝ ਮੈਚਾਂ ਲਈ ਭਾਰਤੀ ਟੀਮ 'ਚ ਉਨ੍ਹਾਂ ਦੀ ਜਗ੍ਹਾ ਪੱਕੀ ਹੋਣ ਦੀ ਸੰਭਾਵਨਾ ਹੈ ਪਰ ਉਨ੍ਹਾਂ ਨੂੰ ਆਪਣੀ ਯੋਗਤਾ ਸਾਬਤ ਕਰਨੀ ਪਵੇਗੀ ਕਿਉਂਕਿ ਯਸ਼ਸਵੀ ਜੈਸਵਾਲ ਟੀਮ 'ਚ ਜਗ੍ਹਾ ਬਣਾਉਣ ਲਈ ਤਿਆਰ ਹੈ।