ਹੈਦਰਾਬਾਦ: ਲੋਕਾਂ 'ਚ ਖੂਨ ਦੀ ਕਮੀ ਦੀ ਸਮੱਸਿਆ ਲਗਾਤਾਰ ਵਧਦੀ ਜਾ ਰਹੀ ਹੈ। ਇਸ ਦਾ ਮੁੱਖ ਕਾਰਨ ਲੋਕਾਂ ਦੀ ਜੀਵਨ ਸ਼ੈਲੀ ਅਤੇ ਖਾਣ-ਪੀਣ ਦੀਆਂ ਆਦਤਾਂ ਹਨ। ਇਹ ਸਮੱਸਿਆ ਖਾਸ ਤੌਰ 'ਤੇ ਔਰਤਾਂ ਵਿੱਚ ਦੇਖਣ ਨੂੰ ਮਿਲਦੀ ਹੈ। ਜੇਕਰ ਕਿਸੇ ਦੇ ਸਰੀਰ ਵਿੱਚ ਹੀਮੋਗਲੋਬਿਨ ਦਾ ਪੱਧਰ ਘੱਟ ਜਾਂਦਾ ਹੈ, ਤਾਂ ਅਨੀਮੀਆ ਜਾਂ ਖੂਨ ਦੀ ਕਮੀ ਨਾਲ ਸਬੰਧਤ ਬਿਮਾਰੀਆਂ ਹੋ ਸਕਦੀਆਂ ਹਨ। ਅਜਿਹੇ 'ਚ ਜੇਕਰ ਇਸ ਵੱਲ ਧਿਆਨ ਨਾ ਦਿੱਤਾ ਗਿਆ, ਤਾਂ ਆਉਣ ਵਾਲੇ ਸਮੇਂ 'ਚ ਕਈ ਗੰਭੀਰ ਸਮੱਸਿਆਵਾਂ ਪੈਦਾ ਹੋ ਸਕਦੀਆਂ ਹਨ।
ਹਾਲਾਂਕਿ, ਜੇਕਰ ਸਹੀ ਸਮੇਂ 'ਤੇ ਇਸ ਦੀ ਪਛਾਣ ਕਰ ਲਈ ਜਾਵੇ, ਤਾਂ ਇਨ੍ਹਾਂ ਸਮੱਸਿਆਵਾਂ ਤੋਂ ਬਚਿਆ ਜਾ ਸਕਦਾ ਹੈ। ਅਨੀਮੀਆ ਦੀ ਪਛਾਣ ਕਰਨ ਲਈ ਇਸ ਦੇ ਲੱਛਣਾਂ ਦੀ ਪਛਾਣ ਕਰਨਾ ਜ਼ਰੂਰੀ ਹੈ। ਅਜਿਹੀ ਸਥਿਤੀ ਵਿੱਚ ਅੱਜ ਅਸੀਂ ਤੁਹਾਨੂੰ ਅਨੀਮੀਆ ਦੇ ਕਾਰਨ ਸਰੀਰ ਵਿੱਚ ਦਿਖਾਈ ਦੇਣ ਵਾਲੇ ਕੁਝ ਲੱਛਣਾਂ ਬਾਰੇ ਦੱਸਣ ਜਾ ਰਹੇ ਹਾਂ। ਇਨ੍ਹਾਂ ਨਾਲ ਤੁਸੀਂ ਪਛਾਣ ਕਰ ਸਕਦੇ ਹੋ ਕਿ ਤੁਹਾਡੇ ਸਰੀਰ 'ਚ ਖੂਨ ਦੀ ਕਮੀ ਹੈ ਜਾਂ ਨਹੀਂ।
बहुत बार हमें हमेशा थकान और कमजोरी ,सांस लेने में दिक्कत, तनाव और चिड़चिड़ापन फील होता है,इसकी एक महत्वपूर्ण वजह खून की कमी/हीमोग्लोबिन की कमी हो सकती हैI
— Dr Vikaas (@drvikas1111) June 14, 2024
आज के पोस्ट(पार्ट- 1) में खून की कमी के लक्षण, टेस्ट को देखेंगे और अगले पोस्ट में इसके ट्रीटमेंट /उपाय (पार्ट -2)शेयर करूंगा… pic.twitter.com/EEPIKmRBSq
ਅਨੀਮੀਆ ਦੇ ਲੱਛਣ:
- ਖੂਨ ਦੀ ਕਮੀ ਕਾਰਨ ਤੁਸੀਂ ਥਕਾਵਟ ਅਤੇ ਕਮਜ਼ੋਰੀ ਮਹਿਸੂਸ ਕਰ ਸਕਦੇ ਹੋ।
- ਇਸ ਤੋਂ ਇਲਾਵਾ, ਜੇਕਰ ਤੁਹਾਨੂੰ ਅਨੀਮੀਆ ਹੈ ਤਾਂ ਤੁਹਾਨੂੰ ਸਾਹ ਲੈਣ 'ਚ ਤਕਲੀਫ ਹੋ ਸਕਦੀ ਹੈ।
- ਤਣਾਅ ਅਤੇ ਚਿੜਚਿੜਾ ਮਹਿਸੂਸ ਕਰਨਾ ਵੀ ਅਨੀਮੀਆ ਦਾ ਲੱਛਣ ਹੋ ਸਕਦਾ ਹੈ।
- ਖੂਨ ਦੀ ਕਮੀ ਕਾਰਨ ਚਮੜੀ ਦਾ ਰੰਗ ਪੀਲਾ ਪੈ ਜਾਂਦਾ ਹੈ।
- ਖੂਨ ਦੀ ਕਮੀ ਕਾਰਨ ਸਿਰਦਰਦ ਸ਼ੁਰੂ ਹੋ ਜਾਂਦਾ ਹੈ।
- ਖੂਨ ਦੀ ਕਮੀ ਕਾਰਨ ਚੱਕਰ ਆ ਸਕਦੇ ਹਨ।
- ਛਾਤੀ ਵਿੱਚ ਦਰਦ ਮਹਿਸੂਸ ਹੋ ਸਕਦਾ ਹੈ।
- ਖੂਨ ਦੀ ਕਮੀ ਕਾਰਨ ਨੀਂਦ ਨਹੀਂ ਆਉਂਦੀ ਅਤੇ ਵਾਲ ਵੀ ਝੜਨ ਲੱਗਦੇ ਹਨ।
ਡਾ: ਵਿਕਾਸ ਕੁਮਾਰ ਅਨੁਸਾਰ, ਖੂਨ ਦੀ ਕਮੀ ਕਾਰਨ ਹੇਠਲੀ ਪਲਕ ਦਾ ਅੰਦਰਲਾ ਹਿੱਸਾ ਚਿੱਟਾ, ਘੱਟ ਲਾਲ ਜਾਂ ਪੀਲਾ ਹੋ ਜਾਂਦਾ ਹੈ। ਜੇਕਰ ਕਿਸੇ ਵਿਅਕਤੀ ਨੂੰ ਅਨੀਮੀਆ ਦੇ ਲੱਛਣ ਦਿਖਾਈ ਦਿੰਦੇ ਹਨ, ਤਾਂ ਸਭ ਤੋਂ ਪਹਿਲਾਂ ਉਸ ਨੂੰ ਸੀਬੀਸੀ ਬਲੱਡ ਟੈਸਟ ਜਾਂ ਹੀਮੋਗਲੋਬਿਨ ਟੈਸਟ ਕਰਵਾਉਣਾ ਚਾਹੀਦਾ ਹੈ।
- ਗਰਮੀਆਂ 'ਚ ਹੀਟ ਸਟ੍ਰੋਕ ਦਾ ਵੱਧ ਰਿਹਾ ਖਤਰਾ, ਇਸ ਮੌਸਮ 'ਚ ਖੁਦ ਨੂੰ ਸਿਹਤਮੰਦ ਅਤੇ ਫਿੱਟ ਰੱਖਣ ਲਈ ਅਪਣਾਓ ਇਹ 5 ਟਿਪਸ - Tips to Stay Fit and Healthy
- ਕੀ ਖੰਡ ਤੋਂ ਗੁੜ੍ਹ ਜ਼ਿਆਦਾ ਬਿਹਤਰ ਹੁੰਦਾ ਹੈ? ਇੱਕ ਕਲਿੱਕ ਵਿੱਚ ਜਾਣੋ ਦੋਨਾਂ ਦਾ ਸਰੀਰ 'ਤੇ ਕੀ ਪੈ ਸਕਦਾ ਹੈ ਅਸਰ - Sugar VS Jaggery
- ਵਿਟਾਮਿਨਾਂ ਦੀ ਕਮੀ ਹੋਣ 'ਤੇ ਸਾਡਾ ਸਰੀਰ ਦਿੰਦਾ ਹੈ ਸੰਕੇਤ, ਨਜ਼ਰ ਆਉਣ ਲੱਗਦੇ ਨੇ ਇਹ ਲੱਛਣ, ਇਸ ਤਰ੍ਹਾਂ ਕਰੋ ਪਹਿਚਾਣ - Deficiency Of Vitamins
ਅਨੀਮੀਆ ਹੋਣ 'ਤੇ ਕੀ ਖਾਣਾ?: ਜਾਣਕਾਰੀ ਅਨੁਸਾਰ, ਅਨੀਮੀਆ ਦੀ ਸਥਿਤੀ 'ਚ ਆਇਰਨ ਦੀ ਮਾਤਰਾ ਵਧਾਉਣ 'ਤੇ ਕੰਮ ਕਰਨਾ ਚਾਹੀਦਾ ਹੈ। ਇਸ ਤੋਂ ਇਲਾਵਾ, ਅਨੀਮੀਆ ਹੋਣ 'ਤੇ ਹਰੀਆਂ ਸਬਜ਼ੀਆਂ, ਤਿਲ ਅਤੇ ਕਾਲੀ ਸੌਗੀ ਦਾ ਸੇਵਨ ਕਰਨਾ ਫਾਇਦੇਮੰਦ ਹੋ ਸਕਦਾ ਹੈ।
