ਹੈਦਰਾਬਾਦ: ਕੋਲੇਸਟ੍ਰੋਲ ਇੱਕ ਤਰ੍ਹਾਂ ਦਾ ਫੈਟ ਹੁੰਦਾ ਹੈ, ਜੋ ਸੀਮਿਤ ਮਾਤਰਾ 'ਚ ਸਾਡੇ ਸਰੀਰਕ ਦੇ ਫੰਕਸ਼ਨਾਂ ਲਈ ਜ਼ਰੂਰੀ ਹੁੰਦਾ ਹੈ। ਸਾਡਾ ਜਿਗਰ ਕੋਲੇਸਟ੍ਰੋਲ ਬਣਾਉਦਾ ਹੈ, ਤਾਂਕਿ ਸਾਡੇ ਸਰੀਰ ਦੇ ਜ਼ਰੂਰੀ ਫੰਕਸ਼ਨਾਂ ਲਈ ਫੈਟ ਮਿਲ ਸਕੇ ਅਤੇ ਕਈ ਖਾਣ-ਪੀਣ ਵਾਲੀਆਂ ਚੀਜ਼ਾਂ ਤੋਂ ਵੀ ਕੋਲੇਸਟ੍ਰੋਲ ਮਿਲਦਾ ਹੈ। ਅਜਿਹੇ 'ਚ ਖੁਰਾਕ ਵਿੱਚ ਕੀਤੀ ਲਾਪਰਵਾਹੀ ਕਾਰਨ ਵੀ ਕੋਲੇਸਟ੍ਰੋਲ ਦਾ ਪੱਧਰ ਵੱਧ ਸਕਦਾ ਹੈ। ਕੋਲੇਸਟ੍ਰੋਲ ਵੱਧਣ ਕਾਰਨ ਖੂਨ ਦੀਆਂ ਨਾੜੀਆਂ ਵਿੱਚ ਪਲੇਗ ਇਕੱਠਾ ਹੋਣਾ ਸ਼ੁਰੂ ਹੋ ਜਾਂਦਾ ਹੈ। ਹੌਲੀ-ਹੌਲੀ ਇਹ ਵੱਧਦਾ ਜਾਂਦਾ ਹੈ ਅਤੇ ਧਮਨੀਆਂ ਬੰਦ ਹੋ ਜਾਂਦੀਆਂ ਹਨ। ਇਸ ਕਾਰਨ ਦਿਲ ਦੀਆਂ ਬਿਮਾਰੀਆਂ ਜਾਂ ਦਿਲ ਦੇ ਦੌਰੇ ਦਾ ਖ਼ਤਰਾ ਵੱਧ ਜਾਂਦਾ ਹੈ, ਜੋ ਘਾਤਕ ਵੀ ਹੋ ਸਕਦਾ ਹੈ। ਇਸ ਲਈ ਜੇਕਰ ਸਰੀਰ ਵਿਚ ਕੋਲੈਸਟ੍ਰੋਲ ਦੀ ਮਾਤਰਾ ਵੱਧ ਰਹੀ ਹੈ, ਤਾਂ ਇਸ ਬਾਰੇ ਸਮੇਂ ਸਿਰ ਪਤਾ ਲਗਾਉਣਾ ਬਹੁਤ ਜ਼ਰੂਰੀ ਹੈ। ਕੋਲੈਸਟ੍ਰੋਲ ਵੱਧਣ 'ਤੇ ਸਾਡੇ ਸਰੀਰ 'ਚ ਕੁਝ ਲੱਛਣ ਨਜ਼ਰ ਆਉਦੇ ਹਨ, ਜਿਸਦੀ ਮਦਦ ਨਾਲ ਕੋਲੈਸਟ੍ਰੋਲ ਦੀ ਮਾਤਰਾ ਵੱਧਣ ਦਾ ਪਤਾ ਲਗਾਇਆ ਜਾ ਸਕਦਾ ਹੈ।
ਕੋਲੈਸਟ੍ਰੋਲ ਦੇ ਲੱਛਣ:
ਹਾਈ ਬਲੱਡ ਪ੍ਰੈਸ਼ਰ: ਕੋਲੈਸਟ੍ਰੋਲ ਵੱਧਣ ਨਾਲ ਧਮਨੀਆਂ 'ਚ ਬਲੱਡ ਫਲੋ 'ਚ ਰੁਕਾਵਟ ਹੋਣ ਲੱਗ ਜਾਂਦੀ ਹੈ। ਇਸ ਕਰਕੇ ਬਲੱਡ ਪ੍ਰੈਸ਼ਰ ਵੱਧਣ ਦੀ ਸਮੱਸਿਆ ਹੋ ਸਕਦੀ ਹੈ। ਇਸ ਲਈ ਜੇਕਰ ਤੁਹਾਡਾ ਬੀਪੀ ਵੱਧ ਰਿਹਾ ਹੈ ਅਤੇ ਕੰਟਰੋਲ ਨਹੀਂ ਹੋ ਰਿਹਾ, ਤਾਂ ਡਾਕਟਰ ਨਾਲ ਸੰਪਰਕ ਕਰੋ।
ਚਮੜੀ 'ਤੇ ਪੀਲੇ ਧੱਬੇ: ਕੋਲੈਸਟ੍ਰੋਲ ਵੱਧਣ ਕਾਰਨ ਚਮੜੀ 'ਤੇ ਪੀਲੇ ਧੱਬੇ ਨਜ਼ਰ ਆਉਣੇ ਸ਼ੁਰੂ ਹੋ ਜਾਂਦੇ ਹਨ। ਇਹ ਧੱਬੇ ਜ਼ਿਆਦਾਤਰ ਚਿਹਰੇ ਜਾਂ ਅੱਖਾਂ ਦੇ ਆਲੇ-ਦੁਆਲੇ ਦੇਖਣ ਨੂੰ ਮਿਲਦੇ ਹਨ। ਇਸ ਲਈ ਅਜਿਹੇ ਧੱਬਿਆਂ ਨੂੰ ਨਜ਼ਰਅੰਦਾਜ਼ ਕਰਨ ਦੀ ਗਲਤੀ ਨਾ ਕਰੋ।
