ਫਰੀਦਕੋਟ: ਪੰਜਾਬੀ ਸੰਗੀਤ ਜਗਤ ਦੇ ਚਰਚਿਤ ਨਾਮਾਂ 'ਚ ਆਪਣਾ ਸ਼ੁਮਾਰ ਕਰਵਾਉਣ ਵਿੱਚ ਸਫ਼ਲ ਰਹੇ ਗਾਇਕ ਆਰਨੇਤ ਹੁਣ ਆਪਣਾ ਨਵਾਂ ਟਰੈਕ 'ਤੇਰੇ ਬਿਨ' ਨੂੰ ਲੈ ਕੇ ਮੁੜ ਚਰਚਾ ਦਾ ਵਿਸ਼ਾ ਬਣੇ ਹੋਏ ਹਨ। ਇਹ ਸ਼ਾਨਦਾਰ ਗੀਤ 29 ਮਾਰਚ ਨੂੰ ਵੱਖ-ਵੱਖ ਸੰਗੀਤਕ ਪਲੇਟਫਾਰਮਾਂ 'ਤੇ ਜਾਰੀ ਹੋਣ ਜਾ ਰਿਹਾ ਹੈ। 'ਆਰਨੇਤ ਮਿਊਜ਼ਿਕ' ਅਤੇ ਰਾਜਚੇਤ ਸ਼ਰਮਾ ਵੱਲੋਂ ਪ੍ਰਸਤੁਤ ਕੀਤੇ ਜਾ ਰਹੇ ਇਸ ਟਰੈਕ ਵਿਚਲੀ ਆਵਾਜ਼ ਅਤੇ ਕੰਪੋਜੀਸ਼ਨ ਆਰਨੇਤ ਦੇ ਹਨ, ਜਦਕਿ ਇਸ ਦਾ ਮਿਊਜ਼ਿਕ ਲਾਡੀ ਗਿੱਲ ਵੱਲੋਂ ਤਿਆਰ ਕੀਤਾ ਗਿਆ ਹੈ, ਜੋ ਇਸ ਤੋਂ ਪਹਿਲਾਂ ਕਈ ਗਾਣਿਆਂ ਦੀ ਸੰਗੀਤਕ ਸਿਰਜਨਾ ਕਰ ਚੁੱਕੇ ਹਨ।
ਇਸ ਟਰੈਕ ਨੂੰ ਗਾਇਕ ਆਰਨੇਤ ਵੱਲੋ ਕਈ ਵਿਲੱਖਣ ਰੰਗ ਦੇਣ ਦੀ ਕੋਸ਼ਿਸ਼ ਕੀਤੀ ਗਈ ਹੈ। ਸੰਗੀਤਕ ਟੀਮ ਅਨੁਸਾਰ, ਆਰਨੇਤ ਅਪਣੇ ਚਾਹੁਣ ਵਾਲਿਆ ਦੀਆਂ ਫਰਮਾਇਸ਼ਾ ਨੂੰ ਮੱਦੇਨਜ਼ਰ ਰੱਖਦੇ ਹੋਏ ਜਿਆਦਾਤਰ ਖੜਕੇ-ਦੜਕੇ ਵਾਲੇ ਗੀਤ ਹੀ ਗਾਉਣਾ ਪਸੰਦ ਕਰਦੇ ਰਹੇ ਹਨ। ਇਨ੍ਹਾਂ ਵੱਲੋ ਹੁਣ ਪਿਆਰ ਅਤੇ ਸਨੇਹ ਦਾ ਪ੍ਰਗਟਾਵਾ ਕਰਦਾ ਹੋਇਆ ਨਵਾਂ ਟਰੈਕ ਅਪਣੇ ਚਾਹੁਣ ਵਾਲਿਆ ਸਾਹਮਣੇ ਪੇਸ਼ ਕੀਤਾ ਜਾ ਰਿਹਾ ਹੈ। ਇਸ ਟਰੈਕ ਦਾ ਮਿਊਜ਼ਿਕ ਵੀਡੀਓ ਵੀ ਬੇਹੱਦ ਖੂਬਸੂਰਤ ਬਣਾਇਆ ਗਿਆ ਹੈ। ਇਸ ਗੀਤ ਨੂੰ ਸੁਧ ਸਿੰਘ ਦੁਆਰਾ ਨਿਰਦੇਸ਼ਿਤ ਕੀਤਾ ਗਿਆ ਹੈ।
ਆਰਨੇਤ ਨਾਲ ਨਜ਼ਰ ਆਵੇਗੀ ਅਦਾਕਾਰਾ ਇਸ਼ਾ ਸ਼ਰਮਾ: ਸੰਗ਼ੀਤਕ ਗਲਿਆਰਿਆ ਵਿੱਚ ਚਰਚਾ ਦਾ ਕੇਂਦਰ ਬਿੰਦੂ ਬਣੇ ਅਤੇ ਇਸ ਪ੍ਰੋਜੋਕਟ ਦੇ ਪ੍ਰਮੁੱਖ ਸਤਕਰਨਵੀਰ ਸਿੰਘ ਖੋਸਾ ਅਤੇ ਵੀਰਵਿੰਦਰ ਸਿੰਘ ਕਾਕੂ ਵੱਲੋ ਵਜੂਦ ਵਿੱਚ ਲਿਆਂਦੇ ਗਏ ਇਸ ਗਾਣੇ ਨੂੰ ਚਾਰ ਚੰਨ ਲਾਉਣ ਵਿੱਚ ਮਸ਼ਹੂਰ ਗਾਇਕਾ ਸ਼ਿਪਰਾ ਗੋਇਲ ਦੀ ਆਵਾਜ਼ ਅਤੇ ਮਾਡਲ-ਅਦਾਕਾਰਾ ਇਸ਼ਾ ਸ਼ਰਮਾਂ ਵੱਲੋ ਮਿਊਜ਼ਿਕ ਵੀਡੀਓ ਵਿੱਚ ਕੀਤੀ ਪ੍ਰਭਾਵੀ ਫੀਚਰਿੰਗ ਵੀ ਅਹਿਮ ਭੂਮਿਕਾ ਨਿਭਾਵੇਗੀ।
- 'ਦਿ ਗ੍ਰੇਟ ਇੰਡੀਅਨ ਕਪਿਲ ਸ਼ੋਅ' ਦਾ ਟ੍ਰੇਲਰ ਰਿਲੀਜ਼, ਪਹਿਲੀ ਵਾਰ ਆਮਿਰ ਖਾਨ ਦੀ ਐਂਟਰੀ, 'ਗੁੱਥੀ' ਦੀ ਵੀ ਹੋਈ ਵਾਪਸੀ, ਕ੍ਰਿਕਟਰਾਂ ਸਮੇਤ ਨਜ਼ਰ ਆਉਣਗੇ ਇਹ ਸਿਤਾਰੇ - Great Indian Kapil show Trailer out
- 'ਜੰਨਤ 3' 'ਤੇ ਇਮਰਾਨ ਹਾਸ਼ਮੀ ਦਾ ਹੈਰਾਨ ਕਰਨ ਵਾਲਾ ਖੁਲਾਸਾ, 'ਸੀਰੀਅਲ ਕਿਸਰ' ਦੇ ਪ੍ਰਸ਼ੰਸਕ ਜਾਣ ਕੇ ਰਹਿ ਜਾਣਗੇ ਹੈਰਾਨ - Jannat 3
- ਨਵੀਂ ਪ੍ਰਭਾਵੀ ਪਾਰੀ ਵੱਲ ਵਧੀ ਬਾਲੀਵੁੱਡ ਅਦਾਕਾਰਾ ਪੂਨਮ ਢਿੱਲੋਂ, ਇਸ ਪੰਜਾਬੀ ਫਿਲਮਾਂ 'ਚ ਆਵੇਗੀ ਨਜ਼ਰ - Poonam Dhillon upcoming project
ਗਾਈਕ ਆਰਨੇਤ ਦੇ ਗੀਤ: ਹਾਲ ਹੀ ਵਿੱਚ ਸਾਹਮਣੇ ਆਏ ਆਪਣੇ ਕੁਝ ਗੀਤਾਂ ਨੂੰ ਲੈ ਕੇ ਵੀ ਖਾਸੀ ਚਰਚਾ ਹਾਸਿਲ ਕਰ ਚੁੱਕੇ ਗਾਇਕ ਆਰਨੇਤ ਵੱਲੋਂ ਬੀਤੇ ਦਿਨੀ ਪ੍ਰਸਤੁਤ ਕੀਤੇ ਗਾਣੇ 'ਜਿਗਰਾ ਭਾਲਦੀ ਐ' ਨੂੰ ਜਿੱਥੇ ਕਾਫ਼ੀ ਪਸੰਦ ਕੀਤਾ ਗਿਆ ਹੈ, ਉਥੇ ਹੀ ਉਨਾਂ ਵੱਲੋ ਗਾਏ ਬਾਈ ਕੋਲ, ਵਾਕ ਟਾਕ ਅਤੇ ਬੋਲੀਆਂ ਨੂੰ ਵੀ ਦਰਸ਼ਕਾਂ ਵੱਲੋਂ ਕਾਫੀ ਪਸੰਦ ਕੀਤਾ ਗਿਆ ਹੈ।
