'ਬਿੱਗ ਬੌਸ ਓਟੀਟੀ 3' ਨੂੰ ਬੈਨ ਕਰਵਾਉਣ ਦੀ ਉੱਠੀ ਮੰਗ, ਅਰਮਾਨ-ਕ੍ਰਿਤਿਕਾ ਦੀ ਇਸ ਹਰਕਤ 'ਤੇ ਸ਼ਿਵ ਸੈਨਾ ਆਗੂ ਨੇ ਉਠਾਈ ਆਵਾਜ਼ - Bigg Boss OTT 3

Bigg Boss OTT 3: ਸ਼ਿਵ ਸੈਨਾ ਸਕੱਤਰ ਨੇ ਮੁੰਬਈ ਪੁਲਿਸ ਨੂੰ ਡਿਜੀਟਲ ਪਲੇਟਫਾਰਮ ਦੇ ਹਿੱਟ ਰਿਐਲਿਟੀ ਸ਼ੋਅ ਬਿੱਗ ਬੌਸ ਓਟੀਟੀ 3 ਦੇ ਖਿਲਾਫ ਕਾਰਵਾਈ ਕਰਨ ਦੀ ਬੇਨਤੀ ਕੀਤੀ ਹੈ।

ਮੁੰਬਈ: ਸ਼ਿਵ ਸੈਨਾ ਦੀ ਸਕੱਤਰ ਅਤੇ ਬੁਲਾਰਾ, ਵਿਧਾਇਕਾ ਮਨੀਸ਼ਾ ਕਯਾਂਡੇ ਨੇ ਮੁੰਬਈ ਪੁਲਿਸ ਕਮਿਸ਼ਨਰ ਵਿਵੇਕ ਫਾਂਸਾਲਕਰ ਨੂੰ 'ਬਿੱਗ ਬੌਸ ਓਟੀਟੀ 3' ਖਿਲਾਫ਼ ਤੁਰੰਤ ਕਾਰਵਾਈ ਕਰਨ ਦੀ ਬੇਨਤੀ ਕੀਤੀ ਹੈ। ਉਨ੍ਹਾਂ ਨੇ ਸ਼ਿਕਾਇਤ ਦਰਜ ਕਰ ਕੇ ਓਟੀਟੀ ਸ਼ੋਅ ਦੇ ਟੈਲੀਕਾਸਟ ਨੂੰ ਰੋਕਣ ਦੀ ਮੰਗ ਕੀਤੀ ਹੈ। ਇਹ YouTuber ਅਤੇ 'BB OTT 3' ਦੇ ਪ੍ਰਤੀਯੋਗੀ ਅਰਮਾਨ ਮਲਿਕ ਅਤੇ ਉਸਦੀ ਦੂਜੀ ਪਤਨੀ ਕ੍ਰਿਤਿਕਾ ਦੇ ਇੰਟੀਮੇਟ ਵੀਡੀਓ ਦੇ ਆਨਲਾਈਨ ਲੀਕ ਹੋਣ ਤੋਂ ਬਾਅਦ ਆਇਆ ਹੈ।

ਮਨੀਸ਼ਾ ਕਯਾਂਡੇ ਨੇ ਸ਼ੋਅ ਦੀ ਸਮੱਗਰੀ 'ਤੇ ਆਪਣੀ ਨਾਰਾਜ਼ਗੀ ਜ਼ਾਹਰ ਕੀਤੀ। ਨਿਊਜ਼ ਏਜੰਸੀ ਨਾਲ ਗੱਲਬਾਤ ਕਰਦਿਆਂ ਉਨ੍ਹਾਂ ਕਿਹਾ, 'ਬਿੱਗ ਬੌਸ ਓਟੀਟੀ 3' ਇੱਕ ਰਿਐਲਿਟੀ ਸ਼ੋਅ ਹੈ। ਇਹ ਪੂਰੀ ਤਰ੍ਹਾਂ ਨਾਲ ਅਸ਼ਲੀਲਤਾ ਹੈ ਅਤੇ ਇਸਨੂੰ ਇੱਥੇ ਦਿਖਾਇਆ ਗਿਆ ਹੈ। YouTube ਪ੍ਰਭਾਵਕ ਵੀ ਇਸਦਾ ਇੱਕ ਹਿੱਸਾ ਹਨ। ਹੁਣ ਉਸ ਨੇ ਅਸ਼ਲੀਲਤਾ ਦੀਆਂ ਸਾਰੀਆਂ ਹੱਦਾਂ ਪਾਰ ਕਰ ਦਿੱਤੀਆਂ ਹਨ। ਹੁਣ ਅਸੀਂ ਮੁੰਬਈ ਪੁਲਿਸ ਨੂੰ ਬੇਨਤੀ ਕੀਤੀ ਹੈ ਕਿ ਸ਼ੋਅ 'ਚ ਦਿਖਾਏ ਜਾ ਰਹੇ ਦ੍ਰਿਸ਼ਾਂ 'ਤੇ ਕਾਰਵਾਈ ਕੀਤੀ ਜਾਵੇ। ਅਸੀਂ ਉਸ ਨੂੰ ਪੱਤਰ ਵੀ ਦਿੱਤਾ ਹੈ।'

#WATCH | Mumbai: Shiv Sena Secretary and Spokesperson MLA Dr Manisha Kayande has approached Mumbai Police Commissioner Vivek Phansalkar, demanding immediate action against the OTT show Bigg Boss 3.

She says, " bigg boss 3 is a reality show. the shooting is going on. it's an… pic.twitter.com/swJcUOyORe

— ANI (@ANI) July 22, 2024

OTT ਪਲੇਟਫਾਰਮ 'ਤੇ ਕਾਨੂੰਨ ਬਣਾਉਣ ਬਾਰੇ ਗੱਲ ਕਰਦੇ ਹੋਏ ਮਨੀਸ਼ਾ ਨੇ ਕਿਹਾ, 'ਰਿਐਲਿਟੀ ਸ਼ੋਅ ਦੇ ਨਾਂਅ 'ਤੇ ਜਨਤਕ ਤੌਰ 'ਤੇ ਅਸ਼ਲੀਲਤਾ ਦਿਖਾਉਣਾ ਕਿਸ ਹੱਦ ਤੱਕ ਸਹੀ ਹੈ? ਇਹ ਨੌਜਵਾਨ ਦਿਮਾਗਾਂ ਨੂੰ ਕਿਵੇਂ ਪ੍ਰਭਾਵਿਤ ਕਰਦਾ ਹੈ? ਅਸੀਂ ਕੇਂਦਰ ਦੇ ਸੂਚਨਾ ਅਤੇ ਪ੍ਰਸਾਰਣ ਮੰਤਰੀ ਕੋਲ ਵੀ ਜਾਵਾਂਗੇ ਅਤੇ ਅਸੀਂ ਉਨ੍ਹਾਂ ਨੂੰ ਸੰਸਦ ਦੇ ਇਸ ਸੈਸ਼ਨ ਵਿੱਚ ਓਟੀਟੀ ਪਲੇਟਫਾਰਮਾਂ 'ਤੇ ਕਾਨੂੰਨ ਲਿਆਉਣ ਦੀ ਬੇਨਤੀ ਕਰਾਂਗੇ। ਅਸੀਂ ਉਨ੍ਹਾਂ ਨੂੰ ਅਦਾਕਾਰਾਂ ਅਤੇ ਸ਼ੋਅ ਦੇ ਸੀਈਓ ਨੂੰ ਵੀ ਗ੍ਰਿਫਤਾਰ ਕਰਨ ਲਈ ਕਿਹਾ ਹੈ।'

ਸ਼ਿਵ ਸੈਨਾ ਦੀ ਸਕੱਤਰ ਅਤੇ ਬੁਲਾਰੇ ਡਾ. ਮਨੀਸ਼ਾ ਕਯਾਂਡੇ ਨੇ ਹੋਰ ਮੈਂਬਰਾਂ ਦੇ ਨਾਲ ਸੋਮਵਾਰ ਨੂੰ ਮੁੰਬਈ ਦੇ ਪੁਲਿਸ ਕਮਿਸ਼ਨਰ ਵਿਵੇਕ ਫਾਂਸਾਲਕਰ ਨਾਲ ਮੁਲਾਕਾਤ ਕੀਤੀ। ਉਸਨੇ 18 ਜੁਲਾਈ 2024 ਨੂੰ 'ਬਿੱਗ ਬੌਸ' ਓਟੀਟੀ ਸੀਜ਼ਨ 3 ਦੇ ਐਪੀਸੋਡ ਵਿੱਚ ਪ੍ਰਸਾਰਿਤ ਸਮੱਗਰੀ 'ਤੇ ਚਿੰਤਾ ਪ੍ਰਗਟ ਕਰਦੇ ਹੋਏ ਇੱਕ ਲਿਖਤੀ ਸ਼ਿਕਾਇਤ ਪੱਤਰ ਵੀ ਸੌਂਪਿਆ ਹੈ।