ਫਰੀਦਕੋਟ: ਹਾਲ ਹੀ ਵਿੱਚ ਰਿਲੀਜ਼ ਹੋਏ ਗੀਤ 'ਡਿਊਟੀ' ਨਾਲ ਸੰਗ਼ੀਤਕ ਖੇਤਰ ਵਿੱਚ ਧਮਾਲ ਮਚਾ ਚੁੱਕੇ ਗਾਇਕ ਆਰ ਨੇਤ ਅਤੇ ਲਾਭ ਹੀਰਾ ਹੁਣ ਅਪਣਾ ਇੱਕ ਹੋਰ ਨਵਾਂ ਗਾਣਾ 'ਚੌਧਰ' ਲੈ ਕੇ ਸੰਗੀਤ ਪ੍ਰੇਮੀਆਂ ਸਨਮੁੱਖ ਹੋਣ ਜਾ ਰਹੇ ਹਨ। ਇਹ ਟ੍ਰੈਕ ਜਲਦ ਹੀ ਵੱਖ-ਵੱਖ ਸੰਗ਼ੀਤਕ ਪਲੇਟਫ਼ਾਰਮਾਂ 'ਤੇ ਜਾਰੀ ਹੋਵੇਗਾ। ਆਰ ਨੇਤ ਮਿਊਜ਼ਿਕ ਅਤੇ ਆਰਚੇਤ ਸ਼ਰਮਾਂ ਵੱਲੋ ਪ੍ਰਸਤੁਤ ਕੀਤੇ ਜਾ ਰਹੇ ਇਸ ਗਾਣੇ ਦਾ ਮਿਊਜ਼ਿਕ ਮਿਕਸ ਸਿੰਘ ਵੱਲੋ ਤਿਆਰ ਕੀਤਾ ਗਿਆ ਹੈ, ਜਦਕਿ ਇਸ ਨੂੰ ਆਵਾਜ਼ ਦੇਣ ਦੇ ਨਾਲ-ਨਾਲ ਇਸ ਦੇ ਬੋਲਾਂ ਅਤੇ ਕੰਪੋਜੀਸ਼ਨ ਆਰ ਨੇਤ ਵੱਲੋ ਕੀਤੀ ਗਈ ਹੈ।
ਸੰਗੀਤ ਪੇਸ਼ਕਰਤਾ ਵਿਰਵਿੰਦਰ ਸਿੰਘ ਕਾਕੂ ਵੱਲੋ ਸੰਯੋਜਿਤ ਕੀਤੇ ਗਏ ਅਤੇ ਸਤਕਰਨਵੀਰ ਸਿੰਘ ਖੋਸਾ ਦੀ ਸੁਚੱਜੀ ਰਹਿਨੁਮਾਈ ਹੇਠ ਵਜੂਦ ਵਿੱਚ ਲਿਆਂਦੇ ਗਏ ਇਸ ਸੰਗ਼ੀਤਕ ਪ੍ਰੋਜੋਕਟ ਦਾ ਮਿਊਜ਼ਿਕ ਵੀਡੀਓ ਬੇਹੱਦ ਪ੍ਰਭਾਵੀ ਰੂਪ ਵਿੱਚ ਸਾਹਮਣੇ ਲਿਆਂਦਾ ਜਾ ਰਿਹਾ ਹੈ। ਇਸਦਾ ਨਿਰਦੇਸ਼ਨ ਟ੍ਰਰਿਊ ਮੇਕਰਜ ਵੱਲੋ ਕੀਤਾ ਗਿਆ ਹੈ, ਜੋ ਸੰਗ਼ੀਤ ਦੀ ਦੁਨੀਆ ਵਿੱਚ ਵੱਡੇ ਅਤੇ ਸਫ਼ਲ ਨਾਮ ਵਜੋ ਜਾਣੇ ਜਾਂਦੇ ਹਨ।
ਗੀਤ 'ਚੌਧਰ' ਦੀ ਰਿਲੀਜ਼ ਮਿਤੀ: ਇਸ ਸੰਗ਼ੀਤਕ ਵੀਡੀਓ ਵਿੱਚ ਆਰ ਨੇਤ ਅਤੇ ਲਾਭ ਹੀਰਾ ਦੀ ਸ਼ਾਨਦਾਰ ਕੈਮਿਸਟਰੀ ਦਰਸ਼ਕਾਂ ਨੂੰ ਇੱਕ ਵਾਰ ਮੁੜ ਦੇਖਣ ਨੂੰ ਮਿਲੇਗੀ। ਸੰਗ਼ੀਤਕ ਗਲਿਆਰਿਆ ਵਿੱਚ ਚਰਚਾ ਅਤੇ ਖਿੱਚ ਦਾ ਕੇਂਦਰ ਬਿੰਦੂ ਬਣ ਚੁੱਕਿਆ ਇਹ ਗਾਣਾ 26 ਅਗਸਤ ਨੂੰ ਵੱਡੇ ਪੱਧਰ 'ਤੇ ਜਾਰੀ ਕੀਤਾ ਜਾ ਰਿਹਾ ਹੈ, ਜਿਸ ਨੂੰ ਗਾਇਕ ਆਰ ਨੇਤ ਵੱਲੋ ਅਪਣੇ ਘਰੇਲੂ ਸੰਗ਼ੀਤਕ ਲੇਬਲ ਅਧੀਨ ਸੰਗ਼ੀਤਕ ਮਾਰਕੀਟ ਵਿੱਚ ਜਾਰੀ ਕੀਤਾ ਜਾਵੇਗਾ।
- ਹੁਣ ਪਰਦੇ ਉਤੇ ਦੇਖਣ ਨੂੰ ਮਿਲੇਗਾ ਕ੍ਰਿਕਟਰ ਯੁਵਰਾਜ ਸਿੰਘ ਦਾ ਜੀਵਨ, ਐੱਮਐੱਸ ਧੋਨੀ ਸਮੇਤ ਇੰਨ੍ਹਾਂ ਖਿਡਾਰੀਆਂ ਉਤੇ ਪਹਿਲਾਂ ਹੀ ਬਣ ਚੁੱਕੀਆਂ ਨੇ ਫਿਲਮਾਂ - Sports based Bollywood movies
- ਵਿਵਾਦਾਂ 'ਚ ਘਿਰੀ ਕੰਗਨਾ ਰਣੌਤ ਦੀ 'ਐਮਰਜੈਂਸੀ', ਫਿਲਮ ਉਤੇ ਭੜਕ ਗਏ ਸਿੱਖ - ਕਹਿੰਦੇ ਰੋਕ ਦਿਓ ਫਿਲਮ ਨਹੀਂ ਤਾਂ... - Film Emergency dispute
- ਲੱਖਾਂ ਨਹੀਂ ਸਗੋਂ ਕਰੋੜਾਂ ਪੈਸਿਆਂ ਨਾਲ ਬਣੀਆਂ ਨੇ ਇਹ ਪੰਜ ਵੱਡੀਆਂ ਪੰਜਾਬੀ ਫਿਲਮਾਂ, ਲਾਸਟ ਵਾਲੀ ਨੇ ਤੋੜੇ ਕਈ ਰਿਕਾਰਡ - expensive punjabi films list
ਸਾਲ 2019 ਵਿਚ ਕਲੋਬਰੇਟ ਕੀਤੇ 'ਰੀਲਾ ਵਾਲਾ ਡੈਕ' ਸਮੇਤ '2 ਕੈਪਸੂਲ' ਜਿਹੇ ਕਈ ਸ਼ਾਨਦਾਰ ਗਾਣੇ ਸਾਹਮਣੇ ਲਿਆ ਚੁੱਕੇ ਆਰ ਨੇਤ ਅਤੇ ਲਾਭ ਹੀਰਾ ਅਪਣੇ ਇਸ ਨਵੇਂ ਗਾਣੇ ਨੂੰ ਲੈ ਕੇ ਵੀ ਖਾਸੇ ਉਤਸ਼ਾਹਿਤ ਨਜ਼ਰ ਆ ਰਹੇ ਹਨ। ਉਨ੍ਹਾਂ ਦੇ ਇਸ ਟ੍ਰੈਕ ਦਾ ਸਰੋਤਿਆ ਅਤੇ ਦਰਸ਼ਕਾਂ ਵੱਲੋ ਬੇਸਬਰੀ ਨਾਲ ਇੰਤਜ਼ਾਰ ਕੀਤਾ ਜਾ ਰਿਹਾ ਹੈ।
