ਚੰਡੀਗੜ੍ਹ: ਪੰਜਾਬੀ ਫਿਲਮ ਇੰਡਸਟਰੀ 'ਚ ਬਤੌਰ ਨਿਰਦੇਸ਼ਕ ਅਲਹਦਾ ਪਹਿਚਾਣ ਸਥਾਪਿਤ ਕਰ ਚੁੱਕੇ ਹਨ ਕੇਨੀ ਛਾਬੜਾ, ਜੋ ਲੰਮੇਂ ਵਕਫ਼ੇ ਬਾਅਦ ਇੱਕ ਵਾਰ ਮੁੜ ਪਾਲੀਵੁੱਡ ਵਿੱਚ ਸਰਗਰਮ ਹੋਣ ਜਾ ਰਹੇ ਹਨ, ਜਿੰਨ੍ਹਾਂ ਦੀ ਨਵੀਂ ਪੰਜਾਬੀ ਫਿਲਮ 'ਰੋਲ ਕੈਮਰਾ ਐਕਸ਼ਨ' ਆਨ ਫਲੌਰ ਪੜਾਅ ਦਾ ਹਿੱਸਾ ਬਣ ਗਈ ਹੈ, ਜਿਸ ਵਿੱਚ ਪੰਜਾਬੀ ਅਤੇ ਹਿੰਦੀ ਸਿਨੇਮਾ ਨਾਲ ਜੁੜੇ ਕਈ ਮੰਨੇ ਪ੍ਰਮੰਨੇ ਚਿਹਰੇ ਵੀ ਮਹੱਤਵਪੂਰਨ ਭੂਮਿਕਾਵਾਂ ਵਿੱਚ ਨਜ਼ਰ ਆਉਣਗੇ।
'ਕੇਬਲ ਵਨ' ਅਤੇ 'ਸਾਗਾ ਸਟੂਡੀਓ' ਵੱਲੋਂ ਪੇਸ਼ ਕੀਤੀ ਜਾ ਰਹੀ ਅਤੇ 'ਪਿੰਸਲ ਪ੍ਰਾਈਡ ਪ੍ਰੋਡੋਕਸ਼ਨ' ਦੀ ਐਸੋਸੀਏਸ਼ਨ ਅਧੀਨ ਬਣਾਈ ਜਾ ਰਹੀ ਇਸ ਫਿਲਮ ਦੇ ਨਿਰਮਾਤਾ ਸੁਮਿਤ ਸਿੰਘ, ਰਾਜ ਸ਼ਰਮਾ ਅਤੇ ਰੋਹਿਤ ਸ਼ਰਮਾ ਹਨ। ਸਾਲ 2019 ਵਿੱਚ ਓਟੀਟੀ ਪਲੇਟਫ਼ਾਰਮ ਜਿਮਪਲੈਕਸ ਉਪਰ ਆਨ ਸਟ੍ਰੀਮ ਹੋਈ ਪੰਜਾਬੀ ਵੈੱਬ ਸੀਰੀਜ਼ 'ਲਵਲੀ ਦਾ ਢਾਬਾ' ਨੂੰ ਨਿਰਦੇਸ਼ਿਤ ਕਰ ਵੀ ਕਾਫ਼ੀ ਸਲਾਹੁਤਾ ਹਾਸਿਲ ਕਰ ਚੁੱਕੇ ਨਿਰਦੇਸ਼ਕ ਕੇਨੀ ਛਾਬੜਾ, ਜਿੰਨ੍ਹਾਂ ਦੀ ਇਸ ਵੈੱਬ ਸੀਰੀਜ਼ ਵਿੱਚ ਬਾਲੀਵੁੱਡ ਅਦਾਕਾਰਾ ਇਸ਼ਾ ਕੋਪੀਕਰ ਵੱਲੋਂ ਟਾਈਟਲ ਕਿਰਦਾਰ ਅਦਾ ਕੀਤਾ ਗਿਆ ਸੀ, ਜਿਸ ਤੋਂ ਇਲਾਵਾ ਬਰਿੰਦਰ ਬੰਨੀ, ਮਹਿਤਾਬ ਵਿਰਕ, ਸੰਨੀ ਗਿੱਲ ਅੰਬਰਸਰੀਆ ਵੀ ਮਹੱਤਵਪੂਰਨ ਰੋਲ ਵਿੱਚ ਨਜ਼ਰ ਆਏ ਸਨ।
ਪਾਲੀਵੁੱਡ ਅਤੇ ਬਾਲੀਵੁੱਡ ਦੇ ਉੱਘੇ ਅਤੇ ਸਫਲ ਫਿਲਮਕਾਰ ਅਮਰਪ੍ਰੀਤ ਜੀਐਸ ਛਾਬੜਾ ਦੇ ਛੋਟੇ ਭਰਾ ਕੇਨੀ ਛਾਬੜਾ ਸ਼ੋਅ ਮੈਨ ਸੁਭਾਸ਼ ਘਈ ਅਤੇ ਹਰਮਨ ਬਾਵੇਜਾ ਫਿਲਮਜ਼ ਨਾਲ ਵੀ ਜੁੜੇ ਰਹੇ ਹਨ, ਜਿੰਨ੍ਹਾਂ ਨਾਲ ਕਈ ਸ਼ਾਨਦਾਰ ਫਿਲਮਾਂ ਕਰਨ ਦਾ ਮਾਣ ਵੀ ਉਹ ਹਾਸਿਲ ਕਰ ਚੁੱਕੇ ਹਨ।
ਇਹ ਵੀ ਪੜ੍ਹੋ:
