ਹੈਦਰਾਬਾਦ: ਸ਼ਾਹਰੁਖ ਖਾਨ ਹਾਲ ਹੀ 'ਚ ਹੁਰੂਨ ਇੰਡੀਆ ਰਿਚ ਲਿਸਟ 'ਚ ਟੌਪ 'ਤੇ ਹਨ। ਹੁਣ ਸ਼ਾਹਰੁਖ ਦੀ ਇਹ ਅਦਾਕਾਰਾ ਅਤੇ ਬਿਜ਼ਨੈੱਸ ਪਾਰਟਨਰ ਭਾਰਤ ਦੀ ਸਭ ਤੋਂ ਅਮੀਰ ਅਦਾਕਾਰਾ ਬਣ ਕੇ ਉਭਰੀ ਹੈ। 90 ਦੇ ਦਹਾਕੇ ਦੀ ਇਸ ਅਦਾਕਾਰਾ ਨੇ ਐਸ਼ਵਰਿਆ ਰਾਏ, ਦੀਪਿਕਾ ਪਾਦੂਕੋਣ, ਆਲੀਆ ਭੱਟ ਅਤੇ ਪ੍ਰਿਅੰਕਾ ਚੋਪੜਾ ਨੂੰ ਹੁਰੂਨ ਇੰਡੀਆ ਦੀ ਸਭ ਤੋਂ ਅਮੀਰ ਅਦਾਕਾਰਾਂ ਦੀ ਸੂਚੀ ਵਿੱਚ ਪਿੱਛੇ ਛੱਡ ਦਿੱਤਾ ਹੈ।
ਤੁਹਾਨੂੰ ਦੱਸ ਦੇਈਏ ਕਿ 90 ਦੇ ਦਹਾਕੇ 'ਚ ਬਾਲੀਵੁੱਡ ਦੀ ਇਹ ਹਸੀਨਾ ਕਾਫੀ ਮਸ਼ਹੂਰ ਸੀ ਅਤੇ ਬਾਲੀਵੁੱਡ ਸੁਪਰਸਟਾਰ ਸਲਮਾਨ ਖਾਨ ਵੀ ਇਸ ਅਦਾਕਾਰਾ ਨਾਲ ਵਿਆਹ ਕਰਨਾ ਚਾਹੁੰਦੇ ਸਨ। ਆਓ ਜਾਣਦੇ ਹਾਂ ਇਹ ਅਦਾਕਾਰਾ ਕੌਣ ਹੈ।
ਇਹ ਹੈ ਭਾਰਤ ਦੀ ਸਭ ਤੋਂ ਅਮੀਰ ਅਦਾਕਾਰਾ?
ਤੁਹਾਨੂੰ ਦੱਸ ਦੇਈਏ ਕਿ ਇਸ ਅਦਾਕਾਰਾ ਨੇ ਬਾਲੀਵੁੱਡ ਦੇ ਤਿੰਨੋਂ ਖਾਨ ਜਿਵੇਂ ਆਮਿਰ ਖਾਨ, ਸਲਮਾਨ ਖਾਨ ਅਤੇ ਸ਼ਾਹਰੁਖ ਖਾਨ ਨਾਲ ਹਿੱਟ ਫਿਲਮਾਂ ਦਿੱਤੀਆਂ ਹਨ। ਵਰਤਮਾਨ ਵਿੱਚ ਇਹ ਪਿਛਲੇ 10 ਸਾਲਾਂ ਤੋਂ ਇੱਕ ਹਿੱਟ ਲਈ ਤਰਸ ਰਹੀ ਹੈ। ਇਹ ਅਦਾਕਾਰਾ ਕੋਈ ਹੋਰ ਨਹੀਂ ਸਗੋਂ ਸ਼ਾਹਰੁਖ ਖਾਨ ਦੀ 'ਕਿਰਨ' ਜੂਹੀ ਚਾਵਲਾ ਹੈ।
ਜੀ ਹਾਂ, ਜੂਹੀ ਚਾਵਲਾ ਭਾਰਤ ਦੀ ਸਭ ਤੋਂ ਅਮੀਰ ਅਦਾਕਾਰਾ ਬਣ ਗਈ ਹੈ। ਜੂਹੀ ਚਾਵਲਾ ਦੀ ਕੁੱਲ ਜਾਇਦਾਦ 4600 ਕਰੋੜ ਰੁਪਏ ਹੈ। ਐਸ਼ਵਰਿਆ ਰਾਏ (850 ਕਰੋੜ ਰੁਪਏ) ਇਸ ਸੂਚੀ 'ਚ ਦੂਜੇ ਸਥਾਨ 'ਤੇ ਹੈ। ਇਸ ਸੂਚੀ ਵਿੱਚ ਜੂਹੀ ਨੇ ਅੱਜ ਦੀ ਸਭ ਤੋਂ ਵੱਧ ਕਮਾਈ ਕਰਨ ਵਾਲੀਆਂ ਅਦਾਕਾਰਾਂ ਦੀਪਿਕਾ ਪਾਦੂਕੋਣ ਅਤੇ ਆਲੀਆ ਭੱਟ ਨੂੰ ਪਿੱਛੇ ਛੱਡ ਦਿੱਤਾ ਹੈ। ਇਸ ਦੇ ਨਾਲ ਹੀ ਪ੍ਰਿਅੰਕਾ ਚੋਪੜਾ ਦੀ ਕੁੱਲ ਜਾਇਦਾਦ 650 ਕਰੋੜ ਰੁਪਏ ਹੈ, ਜੋ ਸੂਚੀ ਵਿੱਚ ਤੀਜੇ ਸਥਾਨ 'ਤੇ ਹੈ।
ਫਲਾਪ ਫਿਲਮਾਂ ਦੇ ਵਾਬਜੂਦ ਕਿੱਥੋਂ ਪੈਸਾ ਕਮਾ ਰਹੀ ਹੈ ਜੂਹੀ ਚਾਵਲਾ
ਉਲੇਖਯੋਗ ਹੈ ਕਿ ਜੂਹੀ ਚਾਵਲਾ ਪਿਛਲੇ 10 ਸਾਲਾਂ ਤੋਂ ਬਾਲੀਵੁੱਡ ਵਿੱਚ ਘੱਟ ਤੋਂ ਘੱਟ ਕੰਮ ਕਰ ਰਹੀ ਹੈ। ਜੂਹੀ ਚਾਵਲਾ ਨਾ ਸਿਰਫ ਇੱਕ ਅਦਾਕਾਰਾਂ ਹੈ ਸਗੋਂ ਇੱਕ ਬਿਜ਼ਨੈੱਸ ਵੂਮੈਨ ਵੀ ਹੈ। ਜੂਹੀ ਦੀ ਵੱਡੀ ਆਮਦਨ ਦਾ ਸਰੋਤ ਆਈਪੀਐਲ ਟੀਮ ਦੇ ਨਾਲ-ਨਾਲ ਸ਼ਾਹਰੁਖ-ਗੌਰੀ ਖਾਨ ਦੇ ਫਿਲਮ ਪ੍ਰੋਡਕਸ਼ਨ ਹਾਊਸ ਰੈੱਡ ਚਿਲੀਜ਼ ਵਿੱਚ ਨਿਵੇਸ਼ ਹੈ।
ਤੁਹਾਨੂੰ ਦੱਸ ਦੇਈਏ ਕਿ ਜੂਹੀ ਬਿਜ਼ਨੈੱਸਮੈਨ ਜੈ ਮਹਿਤਾ ਦੀ ਪਤਨੀ ਹੈ, ਜਿਸ ਨਾਲ ਉਹ ਰੀਅਲ ਅਸਟੇਟ 'ਚ ਪੈਸਾ ਲਗਾ ਰਹੀ ਹੈ। ਤੁਹਾਡੇ ਵਿੱਚੋਂ ਬਹੁਤ ਘੱਟ ਨੂੰ ਪਤਾ ਹੋਵੇਗਾ ਕਿ ਜੂਹੀ ਚਾਵਲਾ ਦਾ ਜਨਮ ਪੰਜਾਬ ਦੇ ਜ਼ਿਲ੍ਹਾ ਲੁਧਿਆਣਾ ਵਿੱਚ ਹੋਇਆ ਹੈ, ਇਸ ਤੋਂ ਇਲਾਵਾ ਅਦਾਕਾਰਾ ਕਈ ਪੰਜਾਬੀ ਫਿਲਮਾਂ ਵਿੱਚ ਵੀ ਕੰਮ ਕਰ ਚੁੱਕੀ ਹੈ, ਜਿਸ ਵਿੱਚ 'ਦੇਸ਼ ਹੋਇਆ ਪ੍ਰਦੇਸ਼' ਅਤੇ 'ਵਾਰਿਸ਼ ਸ਼ਾਹ' ਸ਼ਾਮਿਲ ਹਨ।
ਇਹ ਵੀ ਪੜ੍ਹੋ:
