ਚੰਡੀਗੜ੍ਹ: ਬਾਲੀਵੁੱਡ ਦੀਆਂ ਆਉਣ ਵਾਲੀਆਂ ਅਤੇ ਬਹੁ-ਚਰਚਿਤ ਫਿਲਮਾਂ ਵਿੱਚ ਸ਼ੁਮਾਰ ਕਰਵਾਉਂਦੀ ਹਿੰਦੀ ਫਿਲਮ 'ਖੇਲ ਖੇਲ ਮੇਂ' ਦੀ ਸ਼ੂਟਿੰਗ ਸੰਪੂਰਨ ਕਰ ਲਈ ਗਈ ਹੈ, ਜਿਸ ਦਾ ਲੇਖਨ ਅਤੇ ਨਿਰਦੇਸ਼ਨ ਮੁਦੱਸਰ ਅਜ਼ੀਜ਼ ਕਰ ਰਹੇ ਹਨ, ਜੋ ਇਸ ਤੋਂ ਪਹਿਲਾਂ 'ਦੁਲਹਾ ਮਿਲ ਗਿਆ', 'ਹੈਪੀ ਭਾਗ ਜਾਏਗੀ', 'ਡਬਲ ਐਕਸਲ', 'ਪਤੀ ਪਤਨੀ ਔਰ ਵੋਹ' ਆਦਿ ਜਿਹੀਆਂ ਕਈ ਦਿਲਚਸਪ ਅਤੇ ਚਰਚਿਤ ਫਿਲਮਾਂ ਦਾ ਨਿਰਦੇਸ਼ਨ ਕਰ ਚੁੱਕੇ ਹਨ।
ਟੀ-ਸੀਰੀਜ਼ ਵੱਲੋਂ ਸੁਯੰਕਤ ਨਿਰਮਾਣ ਅਧੀਨ ਬਣਾਈ ਜਾ ਰਹੀ ਇਸ ਫਿਲਮ ਦੇ ਨਿਰਮਾਤਾ ਭੂਸ਼ਣ ਕੁਮਾਰ, ਕ੍ਰਿਸ਼ਨ ਕੁਮਾਰ, ਵਿਪੁਲ ਸ਼ਾਹ, ਅਸ਼ਵਿਨ ਵਰਦੇ, ਰਾਜੇਸ਼ ਬਹਿਲ, ਸ਼ਸ਼ੀ ਸਿਨਹਾ, ਅਜੈ ਰਾਏ ਹਨ, ਜਦਕਿ ਸਟਾਰ ਕਾਸਟ ਵਿੱਚ ਅਕਸ਼ੈ ਕੁਮਾਰ, ਵਾਨੀ ਕਪੂਰ, ਫਰਦੀਨ ਖਾਨ, ਅਦਿੱਤਆ ਸੀਲ, ਪ੍ਰਗਿਆ ਜੈਸਵਾਲ, ਤਾਪਸੀ ਪੰਨੂ, ਜੋਨੀ ਲਿਵਰ, ਅਪਾਰਸ਼ਕਤੀ ਖੁਰਾਣਾ ਸ਼ਾਮਿਲ ਹਨ, ਜਿੰਨਾਂ ਤੋਂ ਇਲਾਵਾ ਪੰਜਾਬੀ ਫਿਲਮ ਸਟਾਰ ਐਮੀ ਵਿਰਕ ਵੀ ਇਸ ਕਾਮੇਡੀ-ਡਰਾਮਾ ਫਿਲਮ ਦਾ ਖਾਸ ਆਕਰਸ਼ਨ ਹੋਣਗੇ, ਜੋ ਇਸ ਫਿਲਮ ਵਿੱਚ ਕਾਫ਼ੀ ਮਹੱਤਵਪੂਰਨ ਭੂਮਿਕਾ ਵਿੱਚ ਨਜ਼ਰ ਆਉਣਗੇ।
ਨਿਰਮਾਣ ਹਾਊਸ ਅਨੁਸਾਰ ਫਿਲਮ ਦੀ ਕਹਾਣੀ ਕੁਝ ਜਿਗਰੀ ਦੋਸਤਾਂ ਦੇ ਇੱਕ ਸਮੂਹ ਦੇ ਆਲੇ ਦੁਆਲੇ ਘੁੰਮਦੀ ਹੈ, ਜੋ ਰਾਤ ਦੇ ਖਾਣੇ ਲਈ ਇਕੱਠੇ ਹੁੰਦੇ ਹਨ ਅਤੇ ਇਸੇ ਦੌਰਾਨ ਇੱਕ ਦੂਜੇ ਬਾਰੇ ਅਜਿਹੇ ਰਾਜ ਖੋਲ੍ਹਦੇ ਹਨ, ਜੋ ਬਹੁਤ ਹੀ ਗੁੰਝਲਦਾਰ ਪਰ-ਸਥਿਤੀਆਂ ਪੈਦਾ ਕਰਨ ਦਾ ਸਬੱਬ ਬਣ ਜਾਂਦੇ ਹਨ।
- ਸੰਪੂਰਨ ਹੋਈ 'ਜੱਟ ਐਂਡ ਜੂਲੀਅਟ 3' ਦੀ ਸ਼ੂਟਿੰਗ, ਜਲਦ ਹੋਵੇਗੀ ਰਿਲੀਜ਼ - Jatt And Juliet 3 Shooting
- 16 ਮਹੀਨੇ ਦੀ ਰਾਹਾ ਕਪੂਰ ਦੀ ਨੈੱਟਵਰਥ ਜਾਣ ਕੇ ਉੱਡ ਜਾਣਗੇ ਹੋਸ਼, ਕੀ ਰਣਬੀਰ ਆਪਣੀ ਲਾਡਲੀ ਨੂੰ 250 ਕਰੋੜ ਦਾ ਬੰਗਲਾ ਕਰਨਗੇ ਗਿਫਟ? - Raha Kapoor Net Worth
- IPL 'ਚ ਟ੍ਰੋਲ ਹੋ ਰਹੇ MI ਕੈਪਟਨ ਹਾਰਦਿਕ ਪਾਂਡਿਆ ਲਈ ਪਿਘਲਿਆ ਸੋਨੂੰ ਸੂਦ ਦਾ ਦਿਲ, ਟ੍ਰੋਲਰਜ਼ ਨੂੰ ਦਿੱਤਾ ਮੂੰਹ ਤੋੜ ਜੁਆਬ - Sonu Sood supports Hardik Pandya
ਉਨਾਂ ਦੱਸਿਆ ਕਿ ਨਿਰਮਾਣ ਫੇਜ਼ ਤੋਂ ਹੀ ਦਰਸ਼ਕਾਂ ਦੀ ਖਿੱਚ ਦਾ ਕੇਂਦਰ ਬਿੰਦੂ ਬਣੀ ਇਹ ਫਿਲਮ 2016 ਵਿੱਚ ਸਾਹਮਣੇ ਆਈ ਇਤਾਲਵੀ ਕਾਮੇਡੀ-ਥ੍ਰਿਲਰ ਫਿਲਮ 'ਪਰਫੈਕਟ ਸਟ੍ਰੇਂਜਰਸ' ਦਾ ਅਧਿਕਾਰਤ ਰੀਮੇਕ ਹੈ, ਜਿਸ ਨੂੰ ਸਕਰੀਨ-ਪਲੇ ਅਤੇ ਨਿਰਦੇਸ਼ਨ ਪੱਖੋਂ ਕਈ ਅਲਹਦਾ ਸ਼ੇਡਜ਼ ਦੇਣ ਦੀ ਹਰ ਸੰਭਵ ਕੋਸ਼ਿਸ਼ ਕੀਤੀ ਗਈ ਹੈ।
ਲੰਦਨ ਦੀਆਂ ਵੱਖ-ਵੱਖ ਅਤੇ ਮਨਮੋਹਕ ਲੋਕੇਸ਼ਨਜ ਤੋਂ ਇਲਾਵਾ ਮੁੰਬਈ ਵਿਖੇ ਫਿਲਮਾਈ ਗਈ ਉਕਤ ਫਿਲਮ ਦੇ ਕੁਝ ਖਾਸ ਪਹਿਲੂਆਂ ਵੱਲ ਨਜ਼ਰਸਾਨੀ ਕੀਤੀ ਜਾਵੇ ਤਾਂ ਇਸ ਦੁਆਰਾ ਅਕਸ਼ੈ ਕੁਮਾਰ ਅਤੇ ਫਰਦੀਨ ਖਾਨ ਲੰਮੇਂ ਸਮੇਂ ਬਾਅਦ ਮੁੜ ਇਕੱਠਿਆਂ ਸਕਰੀਨ ਸ਼ੇਅਰ ਕਰਨ ਜਾ ਰਹੇ ਹਨ, ਜੋ ਇਸ ਤੋਂ ਪਹਿਲਾਂ ਸਾਲ 2007 'ਚ ਆਈ ਕਾਮੇਡੀ ਫਿਲਮ 'ਹੇ ਬੇਬੀ' 'ਚ ਨਜ਼ਰ ਆਏ ਸਨ ਅਤੇ ਇਸ ਦੇ ਨਾਲ ਹੀ ਫਰਦੀਨ ਲਈ ਇਹ ਫਿਲਮ ਇਸ ਪੱਖੋਂ ਵੀ ਹੋਰ ਖਾਸੀ ਮਹੱਤਤਾ ਰੱਖਦੀ ਹੈ, ਕਿਉਂਕਿ ਇਸ ਨਾਲ ਉਹ ਇਕ ਵਾਰ ਫਿਰ ਹਿੰਦੀ ਸਿਨੇਮਾ 'ਚ ਸ਼ਾਨਦਾਰ ਕਮਬੈਕ ਕਰਨ ਜਾ ਰਹੇ ਹਨ, ਜੋ ਆਪਣੀ ਨਵੀਂ ਪਾਰੀ ਨੂੰ ਲੈ ਕੇ ਕਾਫ਼ੀ ਉਤਸ਼ਾਹਿਤ ਵੀ ਵਿਖਾਈ ਦੇ ਰਹੇ ਹਨ।
