ਮਹਾਰਾਸ਼ਟਰ/ਪੁਣੇ: ਮਹਾਰਾਸ਼ਟਰ ਦੇ ਪਿੰਪਰੀ ਚਿੰਚਵਾੜ ਕਮਿਸ਼ਨਰੇਟ ਦੀ ਹੱਦ ਵਿੱਚ ਇੱਕ ਨਾਬਾਲਿਗ ਨੇ ਆਪਣੇ ਹੀ ਦੋਸਤ ਦਾ ਕਤਲ ਕਰ ਦਿੱਤਾ। ਇਸ ਮਾਮਲੇ 'ਚ ਪਿੰਪਰੀ-ਚਿੰਚਵਾੜ ਪੁਲਿਸ ਕਮਿਸ਼ਨਰੇਟ ਅਧੀਨ ਪੈਂਦੇ ਚੱਕਨ 'ਚ 17 ਸਾਲਾ ਨਾਬਾਲਿਗ ਲੜਕੇ ਦਾ ਉਸ ਦੇ ਸਾਥੀ ਨੇ ਕਤਲ ਕਰ ਦਿੱਤਾ ਸੀ। ਜਾਣਕਾਰੀ ਮੁਤਾਬਿਕ ਇਕ ਨਾਬਾਲਗ ਅਪਰਾਧੀ ਨੇ ਦੂਜੇ ਨਾਬਾਲਿਗ ਅਪਰਾਧੀ, ਜੋ ਕਿ ਉਸ ਦਾ ਦੋਸਤ ਸੀ, ਦਾ ਕਤਲ ਕਰ ਦਿੱਤਾ।
ਕਤਲ ਤੋਂ ਬਾਅਦ ਮੁਲਜ਼ਮ ਨੇ ਇਸ ਘਟਨਾ ਦੀ ਵੀਡੀਓ ਆਪਣੇ ਇੰਸਟਾਗ੍ਰਾਮ ਸਟੋਰੀ 'ਤੇ ਪੋਸਟ ਕੀਤੀ ਅਤੇ ਇਹ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀ ਹੈ। ਚੱਕਣ ਪੁਲਿਸ ਨੇ ਇਸ ਮਾਮਲੇ ਵਿੱਚ ਇੱਕ 17 ਸਾਲਾ ਨਾਬਾਲਿਗ ਨੂੰ ਉਸ ਦੇ ਸਾਥੀ ਸਮੇਤ ਹਿਰਾਸਤ ਵਿੱਚ ਲਿਆ ਹੈ। ਪੁਲਿਸ ਨੇ ਦੱਸਿਆ ਕਿ ਇਹ ਘਟਨਾ ਸੋਮਵਾਰ ਰਾਤ ਕਰੀਬ 11:30 ਵਜੇ ਵਾਪਰੀ। ਪੁਲਿਸ ਨੇ ਦੱਸਿਆ ਕਿ ਰਾਤ ਨੂੰ ਚੱਕਣ ਇਲਾਕੇ 'ਚ ਤਿੰਨ ਨਾਬਾਲਿਗ ਲੜਕੇ ਸ਼ਰਾਬ ਪੀ ਰਹੇ ਸਨ।
ਸ਼ਰਾਬ ਪੀਂਦੇ ਹੋਏ ਕਿਸੇ ਮਾਮੂਲੀ ਗੱਲ ਨੂੰ ਲੈ ਕੇ ਉਨ੍ਹਾਂ ਦਾ ਆਪਸ ਵਿੱਚ ਝਗੜਾ ਹੋ ਗਿਆ। ਝਗੜਾ ਇੰਨਾ ਵੱਧ ਗਿਆ ਕਿ ਦੋਵਾਂ ਵਿਚਾਲੇ ਹੱਥੋਪਾਈ ਹੋ ਗਈ। ਇਸ ਦੌਰਾਨ ਝਗੜਾ ਵਧਣ 'ਤੇ 17 ਸਾਲਾ ਮੁਲਜ਼ਮ ਨਾਬਾਲਿਗ ਨੇ ਆਪਣੇ ਦੋਸਤ ਦਾ ਸਿਰ 'ਤੇ ਪੱਥਰ ਮਾਰ ਕੇ ਕਤਲ ਕਰ ਦਿੱਤਾ। ਉਥੇ ਮੌਜੂਦ ਉਸ ਦੇ ਤੀਜੇ ਦੋਸਤ ਨੇ ਇਸ ਕਤਲ ਨੂੰ ਆਪਣੇ ਮੋਬਾਈਲ ਫੋਨ 'ਤੇ ਕੈਦ ਕਰ ਲਿਆ।
ਕਾਤਲ ਨੇ ਇਹ ਵੀਡੀਓ ਆਪਣੀ ਇੰਸਟਾਗ੍ਰਾਮ ਸਟੋਰੀ 'ਤੇ ਪੋਸਟ ਕੀਤੀ ਹੈ। ਜਿਸ ਤੋਂ ਬਾਅਦ ਇਹ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਗਿਆ। ਪੁਲਿਸ ਨੇ ਇਸ ਮਾਮਲੇ ਦਾ ਤੁਰੰਤ ਨੋਟਿਸ ਲਿਆ ਅਤੇ ਮਾਮਲੇ ਦੀ ਜਾਂਚ ਕਰਨ ਤੋਂ ਬਾਅਦ ਦੋ ਨਾਬਾਲਗ ਮੁਲਜ਼ਮ ਨੂੰ ਹਿਰਾਸਤ 'ਚ ਲੈ ਲਿਆ। ਪੁਲਿਸ ਨੇ ਦੱਸਿਆ ਕਿ ਕਤਲ ਕੀਤੇ ਗਏ ਨਾਬਾਲਿਗ ਖ਼ਿਲਾਫ਼ ਕਤਲ ਦੇ ਪੰਜ ਤੋਂ ਛੇ ਕੇਸ ਦਰਜ ਹਨ।
- ਬੀਜਾਪੁਰ ਨਕਸਲੀ ਐਨਕਾਉਂਟਰ 'ਚ ਅਪਡੇਟ, ਮਾਰੇ ਗਏ ਚਾਰ ਨਕਸਲੀਆਂ ਦੀ ਨਹੀਂ ਹੋਈ ਪਛਾਣ, ਭਾਰੀ ਮਾਤਰਾ 'ਚ ਹਥਿਆਰ ਬਰਾਮਦ
- ਬੀਜਾਪੁਰ ਦੇ ਆਵਾਪੱਲੀ ਹੋਸਟਲ 'ਚ 7ਵੀਂ ਜਮਾਤ ਦੇ ਵਿਦਿਆਰਥੀ ਨੇ ਕੀਤੀ ਖੁਦਕੁਸ਼ੀ, ਹੋਸਟਲ ਵਾਰਡਨ ਖਿਲਾਫ ਹੋਇਆ ਸਖ਼ਤ ਐਕਸ਼ਨ
- ਦਾਂਤੇਵਾੜਾ NMDC ਪਲਾਂਟ ਦੇ ਸਕ੍ਰੀਨਿੰਗ ਪਲਾਂਟ 'ਚ ਹਾਦਸਾ, ਚੱਟਾਨ ਖਿਸਕਣ ਕਾਰਨ ਦੱਬੇ 4 ਮਜ਼ਦੂਰ, 2 ਦੀ ਮੌਤ
- ਬਿਹਾਰ 'ਚ BJP ਨੇ ਕਰ ਦਿੱਤਾ 'ਖੇਲਾ', 2 ਕਾਂਗਰਸੀ ਵਿਧਾਇਕ ਅਤੇ 1 ਆਰਜੇਡੀ ਵਿਧਾਇਕ ਸੱਤਾਧਾਰੀ ਪਾਰਟੀ 'ਚ ਬੈਠੇ
ਦੂਜੇ ਪਾਸੇ ਕਤਲ ਨੂੰ ਅੰਜਾਮ ਦੇਣ ਵਾਲੇ ਨਾਬਾਲਿਗ ਖ਼ਿਲਾਫ਼ ਵੀ ਪੰਜ ਤੋਂ ਛੇ ਕੇਸ ਦਰਜ ਹਨ। ਇਸ ਮਾਮਲੇ ਵਿੱਚ ਪੁਲਿਸ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਜੇਕਰ ਇਸ ’ਤੇ ਰੋਕ ਲਗਾਉਣੀ ਹੈ ਤਾਂ ਮਾਪਿਆਂ ਨੂੰ ਆਪਣੇ ਬੱਚਿਆਂ ਦੀਆਂ ਗਤੀਵਿਧੀਆਂ ’ਤੇ ਪੂਰਾ ਧਿਆਨ ਦੇਣ ਦੀ ਲੋੜ ਹੈ।
