ਮੁੰਬਈ— ਮਹਾਰਾਸ਼ਟਰ ਦੇ ਮੁੰਬਈ ਦੇ ਘਾਟਕੋਪਰ 'ਚ ਤੇਜ਼ ਧੂੜ ਦੇ ਤੂਫਾਨ ਕਾਰਨ ਲੋਹੇ ਦਾ ਹੋਰਡਿੰਗ ਡਿੱਗਣ ਨਾਲ ਵੱਡਾ ਹਾਦਸਾ ਵਾਪਰ ਗਿਆ। ਖਬਰਾਂ ਮੁਤਾਬਿਕ ਇਸ ਘਟਨਾ 'ਚ 35 ਲੋਕਾਂ ਦੇ ਜ਼ਖਮੀ ਹੋਣ ਦੀ ਖਬਰ ਹੈ। ਬੀਐਮਸੀ ਦੇ ਅਨੁਸਾਰ, ਇਹ ਹਾਦਸਾ ਈਸਟਰਨ ਐਕਸਪ੍ਰੈਸ ਹਾਈਵੇਅ, ਪੰਤਨਗਰ, ਘਾਟਕੋਪਰ ਪੂਰਬੀ ਉੱਤੇ ਪੁਲਿਸ ਗਰਾਉਂਡ ਪੈਟਰੋਲ ਪੰਪ ਉੱਤੇ ਵਾਪਰਿਆ। ਇੱਕ ਹੋਰਡਿੰਗ ਡਿੱਗਣ ਨਾਲ 35 ਲੋਕਾਂ ਦੇ ਜ਼ਖਮੀ ਹੋਣ ਦੀ ਖਬਰ ਹੈ। ਇਸ ਦੌਰਾਨ ਹੋਰਡਿੰਗ ਡਿੱਗਣ ਤੋਂ ਬਾਅਦ ਇਲਾਕੇ ਦੇ ਲੋਕਾਂ ਦੀ ਭਾਲ ਅਤੇ ਬਚਾਅ ਕਾਰਜ ਤੇਜ਼ ਕਰ ਦਿੱਤੇ ਗਏ।
ਦੱਸ ਦਈਏ ਕਿ ਸੋਮਵਾਰ ਨੂੰ ਮੁੰਬਈ, ਠਾਣੇ ਅਤੇ ਨਵੀਂ ਮੁੰਬਈ 'ਚ ਧੂੜ ਭਰੀ ਹਨੇਰੀ ਆਈ ਸੀ, ਜਿਸ ਕਾਰਨ ਵਿਜ਼ੀਬਿਲਟੀ ਕਾਫੀ ਘੱਟ ਗਈ ਸੀ, ਜਿਸ ਕਾਰਨ ਮੁੰਬਈ ਏਅਰਪੋਰਟ ਨੂੰ ਵੀ ਬੰਦ ਕਰਨਾ ਪਿਆ ਸੀ। ਦੁਪਹਿਰ 3 ਵਜੇ ਦੇ ਕਰੀਬ ਤੇਜ਼ ਹਵਾਵਾਂ ਨਾਲ ਆਏ ਧੂੜ ਭਰੀ ਹਨੇਰੀ ਨੇ ਕੁਝ ਹੀ ਮਿੰਟਾਂ ਵਿੱਚ ਲਗਭਗ ਪੂਰੇ ਸ਼ਹਿਰ ਨੂੰ ਆਪਣੀ ਲਪੇਟ ਵਿੱਚ ਲੈ ਲਿਆ। ਜਿਸ ਨਾਲ ਕੁਝ ਵੀ ਦਿਖਾਈ ਨਹੀਂ ਦੇ ਰਿਹਾ ਅਤੇ ਹਨੇਰਾ ਛਾ ਗਿਆ, ਜਿਸ ਕਾਰਨ ਆਵਾਜਾਈ ਵਿੱਚ ਵਿਘਨ ਪਿਆ।
ਤੇਜ਼ ਹਵਾ ਅਤੇ ਖਰਾਬ ਦਿੱਖ ਕਾਰਨ ਛਤਰਪਤੀ ਸ਼ਿਵਾਜੀ ਮਹਾਰਾਜ ਅੰਤਰਰਾਸ਼ਟਰੀ ਹਵਾਈ ਅੱਡੇ 'ਤੇ ਉਡਾਣਾਂ ਦਾ ਸੰਚਾਲਨ ਵੀ ਪ੍ਰਭਾਵਿਤ ਹੋਇਆ। ਇਸ ਦੌਰਾਨ ਆਸਮਾਨ 'ਤੇ ਕਾਲੇ ਬੱਦਲ ਛਾ ਗਏ ਅਤੇ ਹਲਕੀ ਬਾਰਿਸ਼ ਹੋਈ। ਇਸ ਕਾਰਨ ਤਾਪਮਾਨ ਵਿੱਚ ਕਾਫੀ ਗਿਰਾਵਟ ਆਈ ਅਤੇ ਵਿਜ਼ੀਬਿਲਟੀ ਵਿੱਚ ਵੀ ਸੁਧਾਰ ਹੋਇਆ। ਕਰੀਬ ਇਕ ਘੰਟੇ ਬਾਅਦ ਸਥਿਤੀ ਆਮ ਵਾਂਗ ਹੋ ਗਈ। ਮੁੰਬਈ 'ਚ ਧੂੜ ਭਰੀ ਤੂਫਾਨ ਦੇ ਕਾਰਨਾਂ ਦਾ ਫੌਰੀ ਤੌਰ 'ਤੇ ਪਤਾ ਨਹੀਂ ਲੱਗ ਸਕਿਆ ਹੈ ਪਰ ਮੌਸਮ ਵਿਭਾਗ ਨੇ ਇਸ ਦੇ ਸ਼ੁਰੂ ਹੋਣ ਤੋਂ ਕੁਝ ਸਮਾਂ ਪਹਿਲਾਂ ਹੀ ਗਰਜ ਅਤੇ ਬਿਜਲੀ ਦੇ ਨਾਲ ਤੂਫਾਨ ਦੀ ਚਿਤਾਵਨੀ ਜਾਰੀ ਕਰ ਦਿੱਤੀ ਸੀ।
- ਅੰਬਾਲਾ 'ਚ ਪੰਜਾਬ ਦੀਆਂ ਕੁੜੀਆਂ 'ਤੇ ਡਿੱਗੀ ਮੰਦਿਰ ਦੀ ਛੱਤ, 2 ਦੀ ਮੌਤ ਇੱਕ ਦੀ ਹਾਲਤ ਗੰਭੀਰ - Ambala Devi Temple Lanter Collapsed
- 'ਸਿਰਫ਼ ਰਾਖਵੇਂਕਰਨ ਨਾਲ ਨਹੀਂ ਚੱਲ ਸਕਦਾ ਕੰਮ, ਕੁਝ ਹੋਰ ਕਰਨ ਦੀ ਜ਼ਰੁਰਤ', ਮੁਸਲਿਮ ਰਾਖਵੇਂਕਰਨ 'ਤੇ ਨਾਇਡੂ ਨੇ ਹੋਰ ਕੀ ਕਿਹਾ? - Chandrababu Naidu On Muslim Quota
- ਨਿੱਝਰ ਕਤਲੇਆਮ ਦਾ ਮਾਮਲਾ, ਜੈਸ਼ੰਕਰ ਨੇ ਭਾਰਤੀ ਸ਼ਮੂਲੀਅਤ ਦੇ ਸਬੂਤ ਮਿਲਣ ਤੋਂ ਇਨਕਾਰ ਕੀਤਾ - Nijhar murder case
ਬ੍ਰਿਹਨਮੁੰਬਈ ਨਗਰ ਨਿਗਮ ਨੇ ਮੁੰਬਈ ਵਿੱਚ ਤੂਫ਼ਾਨ ਦੀ ਤਾਜ਼ਾ ਚੇਤਾਵਨੀ ਜਾਰੀ ਕੀਤੀ ਹੈ ਅਤੇ ਸ਼ਾਮ ਤੋਂ ਬਾਅਦ ਮੁੰਬਈ ਦੇ ਕੁਝ ਹਿੱਸਿਆਂ ਵਿੱਚ 50-60 ਕਿਲੋਮੀਟਰ ਪ੍ਰਤੀ ਘੰਟੇ ਦੀ ਰਫ਼ਤਾਰ ਨਾਲ ਤੇਜ਼ ਹਵਾਵਾਂ ਚੱਲਣ ਦੀ ਸੰਭਾਵਨਾ ਹੈ। ਮੌਸਮ ਵਿਭਾਗ ਪੁਣੇ ਦੇ ਮੁਖੀ ਕੇ.ਐਸ. ਹੋਸਾਲੀਕਰ ਨੇ ਕਿਹਾ ਕਿ ਮੁੰਬਈ ਤੋਂ ਇਲਾਵਾ ਅਗਲੇ ਕੁਝ ਘੰਟਿਆਂ 'ਚ ਠਾਣੇ, ਰਾਏਗੜ੍ਹ, ਪਾਲਘਰ, ਅਹਿਮਦਨਗਰ, ਪੁਣੇ ਅਤੇ ਸਤਾਰਾ 'ਚ ਮੱਧਮ ਤੋਂ ਤੇਜ਼ ਤੂਫਾਨ ਆਵੇਗਾ। ਕਈ ਲੋਕਾਂ ਨੇ ਸ਼ਿਕਾਇਤ ਕੀਤੀ ਕਿ ਤੂਫ਼ਾਨ ਕਾਰਨ ਉਨ੍ਹਾਂ ਦੇ ਘਰਾਂ, ਦੁਕਾਨਾਂ, ਦਫ਼ਤਰਾਂ ਅਤੇ ਹੋਰ ਥਾਵਾਂ 'ਤੇ ਧੂੜ ਦੀਆਂ ਮੋਟੀਆਂ ਪਰਤਾਂ ਆ ਗਈਆਂ। ਦਰਵਾਜ਼ੇ ਅਤੇ ਖਿੜਕੀਆਂ ਉੱਡ ਗਈਆਂ।
