ମାତଙ୍ଗୀ ବେଶରେ ଦର୍ଶନ ଦେଲେ ମା' କଟକ ଚଣ୍ଡୀ

କଟକ: କଟକର ବିଭିନ୍ନ ଶକ୍ତି ପୀଠରେ ଆରମ୍ଭ ହୋଇଛି ଷୋହଳ ଦିନାତ୍ମକ ପୂଜା | କଟକର ଆରାଧ୍ୟ ଦେବୀ ମା' କଟକ ଚଣ୍ଡୀ ଆଜି ରବିବାର ପବିତ୍ର ଆଶ୍ବିନ ଷୋଡଶ ଦିନାତ୍ମକ ପୂଜାର 8ମ ଦିନରେ ମାତଙ୍ଗୀ ବେଶରେ ଦର୍ଶନ ଦେଉଛନ୍ତି । ଶକ୍ତିପୀଠରେ ରୀତିନୀତି ଅନୁଯାୟୀ ହୋମ ଯଜ୍ଞ, ଚଣ୍ଡୀପାଠରେ ହେଉଥିବାବେଳେ ସମଗ୍ର ଅଞ୍ଚଳରେ ଭକ୍ତିମୟ ପରିବେଶ ସୃଷ୍ଟି ହୋଇଛି । ବର୍ଷକରେ ଥରେ ମା' ଙ୍କର ଏହି ଦୁର୍ଲଭ ବେଶ ଦେଖି ଶ୍ରଦ୍ଧାଳୁମାନେ ଭାବବିହ୍ବଳ ହୋଇଛନ୍ତି । ତେବେ କଟକ ସମେତ ଅନ୍ୟ ଜିଲ୍ଲାରୁ ମଧ୍ୟ ଭକ୍ତ ଆସି ମା' କଟକ ଚଣ୍ଡୀଙ୍କୁ କରୁଛନ୍ତି ଦର୍ଶନ । ଇଟିଭି ଭାରତ,କଟକ