Fight at toll plaza: ଟୋଲ ପ୍ଲାଜାରେ ମାରପିଟ, ସାଉଥ ଫିଲ୍ମ ଷ୍ଟାଇଲରେ ବୁଲିଲା ଖଣ୍ଡା

ଡେରାଡୁନ: ପବିତ୍ର ଭୂମି ହରିଦ୍ବାରରେ ଭୟଙ୍କର ଦୃଶ୍ୟ । ସାଉଥ ଫିଲ୍ମ ଭଳି ଜଣେ ଲୋକଙ୍କ ଉପରକୁ ମାରଣାସ୍ତ୍ର ଉଠାଇଲେ ଯୁବକ । ହରିଦ୍ବାର ଟୋଲପ୍ଲାଜା ନିକଟରେ ଏଭଳି ଫିଲ୍ମ ଷ୍ଟାଇଲର ମାରପିଟ ଦେଖିବାକୁ ମିଳିଛି । ଯୁବକ ଜଣକ ମାରଣାସ୍ତ୍ର ଦେଖାଇ ଧମକ ଚମକ ଦେଉଥିବା ବେଳେ ଏହି ଦୃଶ୍ୟ ସିସିଟିଭି କ୍ୟାମେରାରେ କଏଦ ହୋଇଛି । ଉତ୍ତରାଖଣ୍ଡ ହରିଦ୍ବାର ବହାଦରବାଦ ଟୋଲପ୍ଲାଜା ନିକଟରେ ଏହି ଘଟମା ଘଟିଛି । ଏଠାରେ ଝିମିଟି ଖେଳରୁ ମହାଭାରତ ଭଳି ସାମାନ୍ୟ ଘଟଣାରୁ ମାରପିଟ ପର୍ଯ୍ୟନ୍ତ କଥା ଯାଇଥିବା ସ୍ଥାନୀୟ ଲୋକେ କହିଛନ୍ତି । ସ୍ଥାନୀୟ ଜଣେ ଯୁବକ ଟୋଲ କର୍ମଚାରୀଙ୍କ ଉପରେ ମାରଣାସ୍ତ୍ର ଉଠାଇଥିବା ସିସିଟିଭିରେ ସ୍ପଷ୍ଟ ଦେଖିବାକୁ ମିଳିଛି । ଅନ୍ୟ କର୍ମଚାରୀମାନେ ହସ୍ତକ୍ଷେପ କରି ମାମଲାକୁ ଶାନ୍ତ କରିଥିଲେ । ସେପଟେ ବହାଦରାବାଦ ଥାନା ଅଧିକାରୀ ରବିନ୍ଦ୍ର ଶାହ କହିଛନ୍ତି ଯେ ବର୍ତ୍ତମାନ ପର୍ଯ୍ୟନ୍ତ ଏ ନେଇ କୌଣସି ଲିଖିତ ଅଭିଯୋଗ ହୋଇନାହିଁ ।  

ବ୍ୟୁରୋ ରିପୋର୍ଟ, ଇଟିଭି ଭାରତ