ହାଇଦ୍ରାବାଦ: ଆଜି(ନଭେମ୍ବର 16) ବିଶ୍ୱ COPD ଦିବସ । COPDକୁ କ୍ରୋନିକ୍ ଅବଷ୍ଟ୍ରକ୍ଟିଭ୍ ପୁଲମୋନାରୀ ଡିଜିଜ୍ ବୋଲି କୁହାଯାଏ । ଏହା ଏକ ଶ୍ବାସକ୍ରିୟା ସମ୍ବନ୍ଧୀୟ ରୋଗ ବା ଏହାକୁ ଆସ୍ଥମା କୁହାଯାଏ । ଏହି ରୋଗ ବାବଦରେ ଲୋକଙ୍କୁ ସଚେତନତା କରିବା ଉଦ୍ଦେଶ୍ୟରେ ପ୍ରତିବର୍ଷ COPD ଦିବସ ପାଳନ କରାଯାଏ ।
ବିଶ୍ବର ସ୍ବାସ୍ଥ୍ୟ ବୃତ୍ତିଗତ ତଥା COPD ରୋଗୀ ଗୋଷ୍ଠୀ ସହଯୋଗରେ ଗ୍ଲୋବାଲ୍ ଇନିସିଏଟିଭ୍ ଫର୍ କ୍ରୋନିକ୍ ଅବଷ୍ଟ୍ରକ୍ଟିଭ୍ ପୁଲମୋନାରୀ ଡିଜିଜ୍(Global Initiative for Chronic Obstructive Lung Disease, GOLD) ଦ୍ୱାରା ପରିଚାଳିତ ଏକ ବାର୍ଷିକ ବିଶ୍ୱସ୍ତରୀୟ ପଦକ୍ଷେପ ।
ଫୁସଫୁସକୁ ସୁସ୍ଥ ରଖିବା ହେଉଛି ଭବିଷ୍ୟତର ସ୍ୱାସ୍ଥ୍ୟ ଏବଂ ସୁସ୍ଥତାର ଏକ ଅବିଚ୍ଛେଦ୍ୟ ଅଙ୍ଗ । COPD ହେଉଛି ଏକ ଦୁର୍ବଳ ଅବସ୍ଥା, ଯାହା ଫୁସଫୁସରୁ ବାୟୁ ପ୍ରବାହରେ ବାଧା ସୃଷ୍ଟି କରିଥାଏ, ଫଳରେ ଜଣେ ବ୍ୟକ୍ତି ଦୈନନ୍ଦିନ କାର୍ଯ୍ୟକଳାପ କ୍ଷମତା ବାଧାପ୍ରାପ୍ତ ହୁଏ । ଏମ୍ଫିସେମା, ଏକ ପ୍ରକାର COPD ଯାହା ଫୁସଫୁସରେ ବାୟୁ ଥଳି(alveoli)କୁ କ୍ଷତି ପହଞ୍ଚାଇଥାଏ ଏବଂ କ୍ରନିକ୍ ବ୍ରୋଙ୍କାଇଟିସ୍ ଯାହା ଫୁସଫୁସର ବାୟୁ ଥଳିକୁ ବାୟୁରୁ ପରିବହନ କରୁଥିବା ବ୍ରୋଙ୍କିଆଲ୍ ଟ୍ୟୁବ୍ ଲାଇନ୍ରେ ପ୍ରଦାହ ସୃଷ୍ଟି କରିପାରେ ।
ପ୍ରତିବର୍ଷ, GOLD ଏକ ବିଷୟବସ୍ତୁ ଅନୁସାରେ ବିଶ୍ୱ COPD ଦିବସ ପାଳନ କରିଥାଏ । ବିଶ୍ୱ COPD ଦିବସ ପାଇଁ 2022 ର ଥିମ୍ ବା ବିଷୟବସ୍ତୁ ରହିଛି, "ଜୀବନ ପାଇଁ ଫୁସଫୁସ"(Your Lungs for Life) । ଚଳିତ ବର୍ଷର ଏହି ଥିମ୍ ଆଜୀବନ ଫୁସଫୁସ ସ୍ୱାସ୍ଥ୍ୟର ମହତ୍ତ୍ୱ ବାବଦରେ ଆଲୋକପାତ କରିଥାଏ । ବିଶ୍ୱ COPD ଦିବସ କାର୍ଯ୍ୟକଳାପ ପ୍ରତ୍ୟେକ ଦେଶରେ ସ୍ୱାସ୍ଥ୍ୟସେବା ବିଶେଷଜ୍ଞ, ଶିକ୍ଷାବିତ୍, ସ୍ୱେଚ୍ଛାସେବୀ ଏବଂ ଜନସାଧାରଣଙ୍କ ଦ୍ୱାରା ଆୟୋଜିତ ହୋଇଥାଏ ।
ପ୍ରଥମ ବିଶ୍ବ COPD ଦିବସ 2002ରେ ଅନୁଷ୍ଠିତ ହୋଇଥିଲା । ପ୍ରତିବର୍ଷ 50ରୁ ଅଧିକ ଦେଶରୁ ଆୟୋଜକମାନେ କାର୍ଯ୍ୟକଳାପ କରିଆସୁଛନ୍ତି, ଯାହାକି ଏହି ଦିନକୁ ବିଶ୍ୱର ସବୁଠାରୁ ଗୁରୁତ୍ୱପୂର୍ଣ୍ଣ COPD ସଚେତନତା ଏବଂ ଶିକ୍ଷା ଇଭେଣ୍ଟରେ ପରିଣତ କରିଛି । ନୂଆଦିଲ୍ଲୀ ଏବଂ ମୁମ୍ବାଇ ପରି ସହରରେ ପରିବେଶର ଗୁଣବତ୍ତା ଖରାପ ଥିବାରୁ COPD ରୋଗୀ ସଂଖ୍ୟା ବଢୁଛି । ଧୂମପାନ ଏବଂ ରାସାୟନିକ ପଦାର୍ଥ କିମ୍ବା ପ୍ରଦୂଷଣର ସଂସ୍ପର୍ଶରେ ଆସିବା ଦ୍ବାରା ଏହି ରୋଗ ହୋଇଥାଏ ।
ସାଧାରଣତଃ ଘରେ ବ୍ୟବହୃତ ମଶା ଘଉଡାଇବା କୋଏଲ୍ ଦ୍ବାରା COPD ହୋଇପାରେ, କାରଣ ରାତିରେ ଏହି କୋଏଲ୍ ସଂସ୍ପର୍ଶରେ ଆସିବା 100 ସିଗାରେଟ୍ ଟାଣିବା ସହିତ ସମାନ । COVID-19 ମହାମାରୀ ସମୟରେ ମଧ୍ୟ COPD ବିଶ୍ବବ୍ୟାପୀ ମୃତ୍ୟୁର ଏକ ପ୍ରମୁଖ କାରଣ ହୋଇଛି । COPDର ରୋଗୀମାନେ ଶ୍ୱାସ, ଛାତି ଯନ୍ତ୍ରଣା, ନିଶ୍ବାସ ନେବାରେ ଅସୁବିଧା, କ୍ରନିକ କାଶ, ଶ୍ୱାସ ସଂକ୍ରମଣ, ଥକାପଣ, ଓଜନ ହ୍ରାସ, ପାଦ ଏବଂ ଗୋଡ଼ରେ ଫୁଲା ଭଳି ଲକ୍ଷଣ ଦେଖାଏ ।
କ୍ରନିକ ଅବଷ୍ଟ୍ରକ୍ଟିଭ ଫୁସଫୁସ ରୋଗର ମୁଖ୍ୟ କାରଣ ହେଉଛି ତମାଖୁ ସେବନ କରିବା, କ୍ରମାଗତ ଭାବରେ ସେକେଣ୍ଡ ହ୍ୟାଣ୍ଡ ସ୍ମୁକ୍ରେ ଆକ୍ରାନ୍ତ ହେବା, ବିଷାକ୍ତ ରାସାୟନିକ ପଦାର୍ଥ ସଂସ୍ପର୍ଶରେ ଆସିବା, ନିଶ୍ୱାସରେ ଧୂଳି-ଧୂଆଁ ପ୍ରବେଶ କରିବା, ପିଲାଟି ବେଳେ ଆଜ୍ମା ରୋଗରେ ଆକ୍ରାନ୍ତ ହେବା ଇତ୍ୟାଦି । ତେଣୁ ଏହିସବୁ କାର୍ଯ୍ୟରୁ ନିବୃତ୍ତ ରହିଲେ ଏବଂ ସଠିକ୍ ଜୀବନଶୈଳୀ ଅନୁସରଣ କରିପାରିଲେ COPD ରୋଗକୁ ରୋକାଯାଇ ପାରିବ ।
