ହାଇଦ୍ରାବାଦ: ରକ୍ତରେ ଶର୍କରା ସ୍ତର ବୃଦ୍ଧି ହେଲେ ତାହାକୁ ମଧୁମେହ କୁହାଯାଏ । ଆଜିର ପରିବର୍ତ୍ତିତ ଜୀବନଶୈଳୀ ଶରୀରରେ ରୋଗ ହେବାର ଆଶଙ୍କାକୁ ବୃଦ୍ଧି କରିଥାଏ । ଆଜିକା ସମୟରେ ଯୁବକମାନଙ୍କ ମଧ୍ୟରେ ମଧୁମେହ, ହୃଦଘାତ ଇତ୍ୟାଦି ରୋଗ ହେବାର ଆଶଙ୍କା ବଢିବାରେ ଲାଗିଛି । ଯଦି କୌଣସି ରୋଗ ଠିକ୍ ସମୟରେ ଚିକିତ୍ସା କରାଯାଏ, ତେବେ ଆରୋଗ୍ୟ ଲାଭ କରିବା ସୁନିଶ୍ଚିତ । ବର୍ତ୍ତମାନ ସମୟରେ କହିବାକୁ ଗଲେ ଘରେ ଘରେ ମଧୁମେହ ରୋଗୀ ରହିଛନ୍ତି । ଯଦି କହିବା ମଧୁମେହ ରାତାରାତି ବିକଶିତ ହୁଏ ନାହିଁ, କିନ୍ତୁ ପରିବେଶ ଏବଂ ଖରାପ ସ୍ୱାସ୍ଥ୍ୟ ଅବସ୍ଥା ଏହାକୁ ପ୍ରୋତ୍ସାହିତ କରେ । ପ୍ରି- ଡାଇବେଟିସ ମଧୁମେହର ପ୍ରାରମ୍ଭିକ ପର୍ଯ୍ୟାୟ ଅଟେ । ଯଦି ଏହାକୁ ଅଣଦେଖା କରାଯାଏ ତେବେ ଡାଇବେଟିସର-2 ହେବାର ସମ୍ଭାବନା ଅଧିକ ରହିଥାଏ । 2021 ମସିହାରେ ବିଶ୍ବର 529 ମିଲିୟନ ଲୋକ ଏହି ରୋଗର ଶିକାର ହୋଇଥିଲେ । ଯଦି ଏହି ରୋଗୀଙ୍କ ସଂଖ୍ୟା ଏଭଳି ମାତ୍ରାରେ ବୃଦ୍ଧି ପାଏ ତାହେଲେ ଭବିଷ୍ୟତରେ ସ୍ଥିତି ଅସମ୍ଭାଳ ହେବ ବୋଲି କୁହାଯାଉଛି ।
ପ୍ରି-ଡାଇବେଟିସ କଣ ?: ପ୍ରି-ଡାଇବେଟିସକୁ ବୋର୍ଡର ଲାଇନ ଡାଇବେଟିସ୍ ମଧ୍ୟ କୁହାଯାଇପାରେ । ପ୍ରି-ଡାଇବେଟିସରେ ରକ୍ତରେ ଶର୍କରା ସ୍ତର ସାଧାରଣ ଠାରୁ କିଛି ମାତ୍ରାରେ ଅଧିକ ରହିଥାଏ । କିନ୍ତୁ ଚିକିତ୍ସାର ଆବଶ୍ୟକତା ରୁହେ ନାହିଁ ବରଂ ସତର୍କତା ବା ସଚେତନ ହେବା ପାଇଁ ପରାମର୍ଶ ଦିଆଯାଇଥାଏ। ଏହି ସ୍ତରରେ ଖାଦ୍ୟପେୟ ଉପରେ ଧ୍ୟାନ ଦେବା ଦ୍ବାରା ଡାଇବେଟିସରୁ ମୁକ୍ତି ପାଇପାରିବେ।
ଏହା ମଧ୍ୟ ପଢନ୍ତୁ: Type 2 Diabetes: କାହିଁକି ଛୁଆଙ୍କ କ୍ଷେତ୍ରରେ ଅଧିକ ଦେଖାଦେଉଛି ଟାଇପ-2 ମଧୁମେହ
ପ୍ରି-ଡାଇବେଟିସର ଲକ୍ଷଣ:
- ପ୍ରତିରକ୍ଷା ପ୍ରଣାଳୀ ଦୁର୍ବଳ ହୋଇଯିବା
- ଚର୍ମରେ ଚମକ କମିଯିବା
- ଦୃଷ୍ଟିଶକ୍ତି କମ ହୋଇଯିବା
- କ୍ଳାନ୍ତ ଅନୁଭବ କରିବା
- ଗୋଡ ଯନ୍ତ୍ରଣା
- ରକ୍ତଚାପରେ ହଠାତ୍ ବୃଦ୍ଧି
ପ୍ରି-ଡାଇବେଟିସର କାରଣ:
- ନିଦ ନହେବା ବା ପର୍ଯ୍ୟାପ୍ତ ଭାବେ ନଶୋଇବା
- ପରିବର୍ତ୍ତିତ ଜୀବନଶୈଳୀ
- ମଦ୍ୟପାନ ଏବଂ ଧୂମପାନ
- ଅସନ୍ତୁଳିତ ଖାଦ୍ୟ
- ଦ୍ରୁତ ଓଜନ ବୃଦ୍ଧି
ଏହା ମଧ୍ୟ ପଢନ୍ତୁ: ଔଷଧଠାରୁ କମ୍ ନୁହେଁ ଏହି 5ଟି ଜିନିଷରୁ ପ୍ରସ୍ତୁତ ମସଲା, ରକ୍ତରେ ଶର୍କରା ସ୍ତରକୁ କରିଥାଏ ନିୟନ୍ତ୍ରଣ
ପ୍ରି-ଡାଇବେଟିସରୁ ଡାଇବେଟିସରେ ପରିଣତ ହେବାରୁ ରୋକିବା ଅତି ସହଜ ହେବ । ପ୍ରଥମତଃ ଖାଦ୍ୟରେ ଫଳ, ପନିପରିବା, ପ୍ରୋଟିନ୍ ଏବଂ ଫାଇବର ଯୁକ୍ତ ଖାଦ୍ୟ ଅନ୍ତର୍ଭୁକ୍ତ କରିବା ଉଚିତ । ଦୈନିକ ଅତି କମରେ 30 ମିନିଟ୍ ବ୍ୟାୟାମ ଜରୁରୀ ଅଟେ । ଅତ୍ୟଧିକ ଓଜନ ବୃଦ୍ଧିରୁ ଦୂରେଇ ରୁହନ୍ତୁ, କାରଣ ଏହା ପ୍ରି-ଡାଇବେଟିସକୁ ରୋକିବା ପାଇଁ ଏକ ଭଲ ଉପାୟ । ନିୟମିତ ଭାବରେ ଶର୍କରା ସ୍ତର ଯାଞ୍ଚ କରିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ଠିକ ସମୟରେ ଡାକ୍ତରଙ୍କ ସହ ପରାମର୍ଶ କରି ଶରୀରର ଯତ୍ନ ନେବା ଉଚିତ ।
ବ୍ୟୁରୋ ରିପୋର୍ଟ, ଇଟିଭି ଭାରତ
