ଚଣ୍ଡିଗଡ଼: ଆଲୋକର ପର୍ବ ଦୀପାବଳି । ଅନ୍ଧକାର ଦୂର କରିବା ପାଇଁ ଦୀପଟିଏ ଜାଳିଦେବା ଏହି ପର୍ବର ମୁଖ୍ୟ ଉଦ୍ଦେଶ୍ୟ । କେଉଁ ଆବାହମାନ କାଳରୁ ଏହି ଆଲୋକର ପର୍ବରେ ଦୀପ ଜାଳିବାର ପରମ୍ପରା ରହିଛି, ବର୍ତ୍ତମାନ ସମୟରେ କିନ୍ତୁ ଦୀପ ସହ ବିଭିନ୍ନ ପ୍ରକାରର ଫୁଲଝରି, ବାଣ ସହ ପର୍ବ ପାଳନ କରାଯାଉଛି । ଏସବୁ କୃତ୍ରିମ ବାଣରେ କିନ୍ତୁ, ବିଭିନ୍ନ ପ୍ରକାରର ଶାରୀରିକ ଆଘାତ ଲାଗିବାର ସମ୍ଭାବନା ରହିଛି । ଆପଣଙ୍କ ହାତ ପୋଡି ଯାଇପାରେ, ଅସାବଧାନତା କାରଣରୁ ଆଖିରେ ମଧ୍ୟ ବାଣର ଥିବା ବାରୁଦ ପଡିପାରେ ଇତ୍ୟାଦି ସମସ୍ୟା ସୃଷ୍ଟି ହୋଇପାରେ ।
ତେଣୁ ଏପରି ସମସ୍ୟା ଉପୁଜିଲେ କିପରି ପ୍ରାଥମିକ ଚିକିତ୍ସା କରିବେ ସେନେଇ ନିମ୍ନରେ ବର୍ଣ୍ଣନା କରାଯାଇଛି(Diwali care)...
ପୋଷ୍ଟ ଗ୍ରାଜୁଏଟ୍ ଇନଷ୍ଟିଚ୍ୟୁଟ୍ ଅଫ୍ ମେଡିକାଲ୍ ଏଜୁକେସନ୍ ଆଣ୍ଡ୍ ରିସର୍ଚ୍ଚ(PGIMER) ଦୀପାବଳି ମନାଇବା ସମୟରେ କେତେକ କାର୍ଯ୍ୟ କରିବା ଏବଂ ନ କରିବାକୁ ପରାମର୍ଶ ଦେଇଛି...
କଣ କରିବେ ନାହିଁ:-
- ଦୀପ, ମହମବତୀ କିମ୍ବା ପଟାକା ଜାଳିବା ସମୟରେ ସିନ୍ଥେଟିକ୍ ପୋଷାକ ପିନ୍ଧିବା ଠାରୁ ଦୂରେଇ ରୁହନ୍ତୁ ।
- ପଟାକା ଏବଂ ଦୀପ ଲଗାଇବା ସମୟରେ ଦୂରତା ଉପରେ ଧ୍ୟାନ ଦିଅନ୍ତୁ ।
- ବାଣ ସର୍ବଦା ଉଭୟ ବାୟୁ ଏବଂ ଶବ୍ଦ ପ୍ରଦୂଷଣର କାରଣ ହୋଇଥାଏ । ଯଥା ସମ୍ଭବ ଏହାର ବ୍ୟବହାରକୁ ସୀମିତ କରନ୍ତୁ ।
- ଦୀପାବଳିକୁ ଏପରି ଭାବରେ ପାଳନ କରନ୍ତୁ ଯାହା ଅନ୍ୟମାନଙ୍କ ପାଇଁ ଅସୁବିଧା କିମ୍ବା କ୍ଷତି ଘଟାଇବ ନାହିଁ । ପସନ୍ଦ ଅନୁଯାୟୀ କେବଳ ସବୁଜ ବାଣ(green crackers) ବ୍ୟବହାର କରନ୍ତୁ ଏବଂ ତାହା ମଧ୍ୟ ଜାରି କରାଯାଇଥିବା ସମୟ ସୀମା ମଧ୍ୟରେ ।
କଣ କରିବେ:-
- ପାଦରେ ଆଘାତ ଲାଗିଲେ ବାଲି କିମ୍ବା ପାଣି ଭର୍ତ୍ତି ବାଲ୍ଟିରେ ବୁଡାଇ ରଖନ୍ତୁ ।
- ବାଣ ଲଗାଇବା ସମୟରେ ଜୋତା ପିନ୍ଧନ୍ତୁ ।
- ଫୁଟି ନଥିବା ବାଣକୁ ପାଖକୁ ଯାଆନ୍ତୁ ନାହିଁ କିମ୍ବା ସେଗୁଡିକୁ ଆଣନ୍ତୁ ନାହିଁ । ଏସବୁ ବଡ ବିପଦ ଆଣିପାରେ ।
- ସାମାନ୍ୟ ପୋଡାଜଳା ହେଲେ ଜଳିଯାଇଥିବା ସ୍ଥାନ ଉପରେ ପର୍ଯ୍ୟାପ୍ତ ପରିମାଣର ଜଳ ଢାଳନ୍ତୁ, ଯେପର୍ଯ୍ୟନ୍ତ ଜ୍ବଳନ ବନ୍ଦ ହୋଇନଥିବ । ପୋଡିଯାଇଥିବା ସ୍ଥାନ ଉପରେ ଟୁଥପେଷ୍ଟ କିମ୍ବା ନୀଳ ଇଙ୍କ୍ ପରି ଏଜେଣ୍ଟ କେବେବି ପ୍ରୟୋଗ କରନ୍ତୁ ନାହିଁ ।
- ପୋଷାକ ନିଆଁ ଲାଗୁଥିଲେ ତୁରନ୍ତ ଏହାକୁ ଆୟତ୍ତ କରନ୍ତୁ । ଗାମୁଛା କିମ୍ବା ମୋଟା କପଡାରେ ଢାଙ୍କି ହୁଅନ୍ତୁ । ଏହାପରେ ପୁନର୍ବାର ସେ' ସ୍ଥାନକୁ ଯାଆନ୍ତୁ ନାହିଁ, ଘରେ ବିଶ୍ରାମ ନେବାକୁ ଚେଷ୍ଟା କରନ୍ତୁ ।
- ଦୀପ କିମ୍ବା ବାଣ ଲଗାଉଥିବା ସ୍ଥାନରେ ଯଥା ସମ୍ଭବ ଏକ ବାଲ୍ଟିରେ ପାଣି କିମ୍ବା ବାଲି ରଖିବା ଭଲ । ଏହାସହ ଅଗ୍ନି ନିର୍ବାପକ ଯନ୍ତ୍ର ରଖିବା ମଧ୍ୟ ଅତ୍ୟନ୍ତ ଲାଭଦାୟକ ।
- ଆଖିରେ କୌଣସି ଆଘାତ ହେଲେ ଆଖିକୁ ଘଷନ୍ତୁ ନାହିଁ । ବିଶୁଦ୍ଧ ପାଣିରେ ଆଖିକୁ ଧୋଇବା ସହ ଆଖି ବିଶେଷଜ୍ଞଙ୍କ ସହିତ ପରାମର୍ଶ କରନ୍ତୁ ।
