ସୁନ୍ଦରଗଡ: ହେମଗିରି ଥାନା ଗାଡି ଦୁର୍ଘଟଣା ଗ୍ରସ୍ତ ଘଟଣା । ଆଉ ଜଣେ ଯବାନଙ୍କ ମୃତ୍ୟୁ । ଗତ 16 ତାରିଖରେ ସୁନ୍ଦରଗଡ ଜିଲ୍ଲା ହେମଗିର ଥାନା ଅନ୍ତର୍ଗତ କାଲୋ ବାହାଲ ନିକଟରେ ଯାନ୍ତ୍ରିକ ତୃଟି ଯୋଗୁଁ ପୋଲିସ ଭ୍ୟାନ ଦୁର୍ଘଟଣା ଘଟିଥିଲା । ଯେଉଁଥିରେ ଘଟଣାସ୍ଥଳରେ ଜଣେ ଯବାନଙ୍କ ମୃତ୍ୟୁ ଘଟିଥିବା ବେଳେ ଶନିବାର ବୁର୍ଲାରେ ଚିକିତ୍ସାଧୀନ ଅବସ୍ଥାରେ ଜଣେ ହାବିଲଦାରଙ୍କ ମୃତ୍ୟୁ ଘଟିଛି । ମୃତ ହାବିଲଦାର ଜଣଙ୍କ ହେଲେ ସୁନୀଲ କୁମାର ନାୟକ ।
ଗତ 16 ତାରିଖ ଦିନ ସୁନ୍ଦରଗଡ ଜିଲ୍ଲା ହେମଗିର ଥାନା ଅନ୍ତର୍ଗତ କାଲୋ ବାହାଲ ନିକଟରେ ଯାନ୍ତ୍ରିକ ତୃଟି ଯୋଗୁଁ ଗଛରେ ପିଟିହେଲା ପୋଲିସ ଭ୍ୟାନ । ଦୁର୍ଘଟଣାରେ OAPF ଅନିଲ ଏକ୍କା ନାମକ ଜଣେ ଯବାନଙ୍କର ଘଟଣାସ୍ଥଳରେ ମୃତ୍ୟୁ ହୋଇଥିବା ବେଳେ ଦୁଇ ଜଣ ଆହତ ହୋଇଥିଲେ ।
ଆହତଙ୍କ ମଧ୍ୟରୁ ସୁନୀଲ କୁମାର ନାୟକ(ହାବିଲଦାର)ଙ୍କ ଅବସ୍ଥା ଗୁରୁତର ଥିବାରୁ ତାଙ୍କୁ ବୁର୍ଲା ଡାକ୍ତରଖାନାକୁ ସ୍ଥାନାନ୍ତରିତ କରାଯାଇଥିଲା । ମାତ୍ର ଶନିବାର ତାଙ୍କର ମୃତ୍ୟୁ ଘଟିଛି । ଜଣେ ଅଭିଯୁକ୍ତକୁ କୋର୍ଟ ଚାଲାଣ କରି ସୁନ୍ଦରଗଡରୁ ହେମଗିର ଥାନା ଫେରୁଥିବା ବେଳେ କାଲୋ ବାହାଲ ନିକଟରେ ଗାଡିର ଯାନ୍ତ୍ରିକ ତୃଟି ଯୋଗୁ ଷ୍ଟିୟରିଂ ଜାମ ହୋଇ ଏହି ଅଘଟଣ ଘଟିଥିଲା ।
ସୁନ୍ଦରଗଡରୁ ହରିହର ଦାସ ମହାପାତ୍ର, ଇଟିଭି ଭାରତ
