ଫୁଟବଲ ମ୍ୟାଚ ଦେଖିବା ବେଳେ ଟଳିପଡିଲେ 3 ଛାତ୍ର, ବଜ୍ରାଘାତରେ ଗଲା ଜୀବନ

ଫୁଟବଲ ମ୍ୟାଚ ଦେଖିବା ବେଳେ ଭୟଙ୍କର ବଜ୍ରପାତରେ 3 ଛାତ୍ରଙ୍କ ଜୀବନ ଯାଇଛି। 4 ଜଣ ସାମାନ୍ୟ ଆହତ ହୋଇଛନ୍ତି। ଅଧିକ ପଢନ୍ତୁ

ରାଉରକେଲା: ଫୁଟବଲ ମ୍ୟାଚ ଦେଖିବା ବେଳେ ଅଘଟଣ। ବଜ୍ରପାତ ଯୋଗୁଁ ଚାଲିଗଲା 3ଜଣଙ୍କ ଜୀବନ ଯାଇଛି । ସୁନ୍ଦରଗଡ଼ ଜିଲ୍ଲା ବିରୁଆଳ ଗାଁରେ ଏପରି ଦୁଃଖଦ ଘଟଣା ଘଟିଯାଇଛି। ବଜ୍ରାଘାତରେ 3ଜଣଙ୍କ ମୃତ୍ୟୁ ଘଟିଥିବାବେଳେ 4 ଜଣ ଆହତ ହୋଇଥିବା ଜଣାପଡ଼ିଛି । ସୂଚନା ଅନୁସାରେ, ଏହି 3 ସାଙ୍ଗ ବିଶ୍ବକର୍ମା ପୂଜା ସାରି ନିକଟରେ ଖେଳାଯାଉଥିବା ଫୁଟବଲ ମ୍ୟାଚ୍ ଦେଖିବାକୁ ଯାଇଥିଲେ। ଆଉ ସେହି ସମୟରେ ଭୟଙ୍କର ବଜ୍ରପାତରେ 3 ଜଣ ପ୍ରାଣ ହରାଇଛନ୍ତି। ସମସ୍ତ 3 ମୃତକ ବଣାଇ ଥାନା ଅଞ୍ଚଳର ହୋଇଥିବା ସୂଚନା ଦେଇଛି ପୋଲିସ।

ଏକା ସାଙ୍ଗରେ ମ୍ୟାଚ ଦେଖିବାବେଳେ 3 ଜଣ ସାଙ୍ଗଙ୍କର ଜୀବନ ଚାଲି ଯାଇଛି । ମୃତକମାନେ ହେଲେ ସୁନୀତ ଓରାମ, ବିଶାଳ ବିଲୁଙ୍ଗ ଏବଂ ଶାନ୍ତି ପ୍ରକାଶ ଲାକ୍ରା । ସୂଚନା ଅନୁସାରେ, ସୁନିତ ଓରାମ ରାଉରକେଲା ଠାରେ ITI କରୁଥିବାବେଳେ ବିକାଶ ବିଲୁଙ୍ଗ ଗାନ୍ଧୀ କଲେଜର ଛାତ୍ର ଥିଲେ। ଏହି ଅଘଟଣରେ 3 ନିରୀହ ଜୀବନ ଚାଲିଯାଇଥିବାବେଳେ ବାହୁନି ବାହୁନି କାନ୍ଧୁଛନ୍ତି ପିଲାମାନଙ୍କ ମା' । ତେବେ ମ୍ୟାଚ୍ ଆରମ୍ଭ ହେବା ମାତ୍ରେ ଖେଳାଳି ଓ ଦର୍ଶକଙ୍କ ମଧ୍ୟରେ ଉତ୍ସାହ ଦେଖିବାକୁ ମିଳିଥିଲା । ଉତ୍ସାହର ଚିତ୍କାର ଓ ପ୍ରତିଯୋଗିତାର ରୋମାଞ୍ଚରେ ଭରି ଯାଇଥିଲା । ଠିକ ସନ୍ଧ୍ୟା 5 ଟା ସମୟରେ ଏହି ଅଘଟଣ ଘଟିଥିବା ଜଣାପଡିଛି । ଗୋଟିଏ ମୁହୂର୍ତ୍ତରେ 3ଟି ଜୀବନ ଚାଲିଯାଇଥିବାବେଳେ ନିମିଷକରେ ଉତ୍ସାହର ମାହୋଲ ଶୋକାକୂଳ ପରିବେଶରେ ପରିଣତ ହୋଇଛି।

ଏକା ସାଙ୍ଗରେ ମ୍ୟାଚ ଦେଖିବାବେଳେ 3 ଜଣ ସାଙ୍ଗଙ୍କର ଏକା ସହ ଜୀବନ ଯାଇଛି । ସୁନୀତ ଓ ବିଶାଳଙ୍କ ପରିବାର ଖବର ପାଇ ମେଡିକାଲରେ ପହଞ୍ଚିଥିବାବେଳେ ଶାନ୍ତି ପ୍ରକାଶ ଲାକ୍ରାଙ୍କ ସମ୍ପର୍କରେ ଅନ୍ୟ କୌଣସି ସୂଚନା ମିଳିପାରିନାହିଁ। ତେବେ ଏହି 3ଜଣଙ୍କ ମୃତଦେହ ରାଉରକେଲା ସରକାରୀ ଡାକ୍ତରଖାନାର ମର୍ଗ ହାଉସରେ ରଖାଯାଇଛି । ଘଟଣା ସମ୍ପର୍କରେ ଅଧିକ ତଥ୍ୟ ପାଇଁ କର୍ତ୍ତୃପକ୍ଷ ଏହି ଘଟଣାର ତଦନ୍ତ କରୁଛନ୍ତି । ସେପଟେ ପରିବାର ଓ ସମ୍ପର୍କୀୟଙ୍କ କାନ୍ଦ ବୋବାଳିରେ ପାଟି ପଡିଛି ହସ୍ପିଟାଲର ପରିସର। ଏଭଳି ଦୁଃଖଦ ଘଟଣାକୁ ନେଇ ସମଗ୍ର ଅଞ୍ଚଳରେ ଶୋକାକୁଳ ପରିବେଶ ସୃଷ୍ଟି ହୋଇଛି।

ଇଟିଭି ଭାରତ, ରାଉରକେଲା