ସୁବର୍ଣ୍ଣପୁର: ଜିଲ୍ଲା ଲଛିପୁର ଫାଣ୍ଡି ଅନ୍ତର୍ଗତ ରାଏପାଲି ଗାଁରେ ଆଜି ଭୋର ସମୟରେ ଏକ ରହସ୍ୟମୟ ହତ୍ୟାକାଣ୍ଡ ଘଟିଛି । ଗାଁର 50 ବର୍ଷୀୟ ଜଣେ ମହିଳା ନିଜ ଘର ପଛପଟ ବାଡିରେ ବାସନ ଧୋଉଥିବା ସମୟରେ କେହି ଜଣେ ଦୁର୍ବୃତ୍ତ ପଛପଟୁ ତାଙ୍କ ଗଳାକାଟି ହତ୍ୟା କରିଛି ।
ଅଜଣା ଦୁର୍ବୃତ୍ତ ପଛପଟୁ ଆସି ଧାରୁଆ ଅସ୍ତ୍ର ସାହାଯ୍ୟରେ ବେକକୁ କାଟି ଦେଇଥିବା ଜଣାପଡୁଛି । ଫଳରେ ନିଜ ପରିବାର ଲୋକଙ୍କୁ ଲକ୍ଷ୍ମୀ ଡାକିବାର ବି ସୁଯୋଗ ପାଇ ନଥିଲେ । କିଛି ସମୟ ପରେ ପରିବାର ଲୋକେ ବାଡିପଟକୁ ଯିବା ପରେ ଲକ୍ଷ୍ମୀ ରକ୍ତ ଜୁଡୁବୁଡୁ ଅବସ୍ଥାରେ ପଡିଥିବା ଦେଖିବାକୁ ପାଇଥିଲେ । ହତ୍ୟାର କାରଣ ଅସ୍ପଷ୍ଟ ରହିଛି ।
ଭିଡିଓ ସୌଜନ୍ୟ- ପ୍ରତିନିଧି, ସୁବର୍ଣ୍ଣପୁର
ତେବେ ମହିଳାଙ୍କ ସ୍ବାମୀ ବଳଭଦ୍ର ବାରିକ ନିଜ ପତ୍ନୀଙ୍କୁ କେହି ହତ୍ୟା କରିଥିବା ପୋଲିସ ପାଖରେ ଅଭିଯୋଗ କରିଛନ୍ତି । ଲଛିପୁର ଫାଣ୍ଡି ଓ ଡୁଂଗୁରିପାଲି ପୋଲିସ ଘଟଣାସ୍ଥଳରେ ପହଞ୍ଚି ଶବ ବ୍ୟବଚ୍ଛେଦ ପାଇଁ ମୃତଦେହ ପଠାଇଥିବାବେଳେ ଏହି ହତ୍ୟାକାଣ୍ଡର ତଦନ୍ତ କରୁଛି ।
ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା , ଇଟିଭି ଭାରତ
