ସୁବର୍ଣ୍ଣପୁର: ସୁବର୍ଣ୍ଣପୁର ଜିଲ୍ଲା ଅଁଏଲାପାଲି ଛକରେ ସଡକ ଦୁର୍ଘଟଣା । ଏହି ସଡକ ଦୁର୍ଘଟଣାରେ ଜଣଙ୍କର ମୃତ୍ୟୁ ହୋଇଥିବା ବେଳେ ଦୁଇ ଜଣ ଗୁରୁତର ଆହତ ହୋଇଛନ୍ତି । ଅର୍ଜୁନପୁର ବୁର୍ଡା ରାଜ୍ୟ ରାଜପଥର ଅଏଁଲାପାଲି ଛକରେ ଏକ ବୋଲୋରୋ ଓ ବାଇକ ମୁହାଁମୁହିଁ ଧକ୍କା ହୋଇଛି ।
ସଡ଼କ ଦୁର୍ଘଟଣାରେ ଜଣେ ମୃତ ଦୁଇ ଜଣ ଆହତ
ଘଟଣାସ୍ଥଳରେ ବାଇକରେ ଆସୁଥିବା ମାଝିମୁଣ୍ଡା ଗାଁର କିଶୋରଙ୍କର ମୃତ୍ୟୁ ହୋଇଥିଲା । ଏହାସହ ଗୁରୁତର ଆହତମାନଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ଆହତ ଦୁଇଜଣ ରାୟପାଲିର କପିକେତନ ବାଗ ଓ ଘଣ୍ଟୋପାଲିର ପ୍ରହଲ୍ଲାଦ ଭେସେରା ବୋଲି ଜଣାପଡିଛି ।
ଦୁର୍ଘଟଣା ସ୍ଥଳକୁ ପୋଲିସ, ଆମ୍ବୁଲାନ୍ସ ଓ ଅଗ୍ନିଶମ କର୍ମଚାରୀମାନେ ପହଞ୍ଚି ଆହତମାନଙ୍କୁ ସଦର ମହକୁମାକୁ ଆଣି ଚିକିତ୍ସାଳୟରେ ଭର୍ତ୍ତି କରିଛନ୍ତି । ଏବେ ଏହି ଦୁର୍ଘଟଣା ପାଇଁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଉତ୍ତେଜନା ରହିଛି । ଦୁର୍ଘଟଣା ଘଟାଇଥିବା ବୋଲେରୋ ଫେରାର ହୋଇ ଯାଇଛି ।
ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା, ଇଟିଭି ଭାରତ
