ସୁବର୍ଣ୍ଣପୁର: ସହରର ମଝିପଡାର ଶ୍ରୀବାଲାଜି ମନ୍ଦିରରେ ଦୀପ ଦାନ କରୁଛନ୍ତି ଶ୍ରଦ୍ଧାଳୁ । ଆଜି ଅଯୋଧ୍ୟାରେ ଭବ୍ୟ ଶ୍ରୀରାମ ମନ୍ଦିର ଶିଳାନ୍ୟାସ ଉପଲକ୍ଷେ ଏହି ଦୀପ ଦାନ କାର୍ଯ୍ୟକ୍ରମର ଆୟୋଜନ ହୋଇଛି ।
ସୁବର୍ଣ୍ଣପୁର ଶ୍ରୀରାମ ମନ୍ଦିର ଶିଳାନ୍ୟାସ ଉତ୍ସାହ, ହୋଇଛି ଦୀପ ଦାନ
ଶତାଧିକ ଶ୍ରୀରାମ ଭକ୍ତ ଓ ଶ୍ରଦ୍ଧାଳୁ ଶ୍ରୀବାଲାଜିଙ୍କୁ ସ୍ମରଣ କରି ଦୀପ ପ୍ରଦାନ କରିଛନ୍ତି। ଏହି କାର୍ଯ୍ୟକ୍ରମରେ ରାଷ୍ଟ୍ରୀୟ ସ୍ୱୟଂ ସେବକ ସଙ୍ଘ ସୁବର୍ଣ୍ଣପୁର ଶାଖା, ବିଶ୍ଵ ହିନ୍ଦୁ ପରିଷଦ ଜିଲ୍ଲା ଶାଖା ,ବଜରଙ୍ଗ ଦଳ କାର୍ଯ୍ୟକର୍ତ୍ତାଙ୍କ ସମେତ କିଛି ବିଜେପି କାର୍ଯ୍ୟକର୍ତ୍ତା ସାମିଲ ହୋଇଛନ୍ତି।
ଶ୍ରୀରାମ ମନ୍ଦିର ଶିଳାନ୍ୟାସ ପର୍ବର ଏହି ପବିତ୍ର ଲଗ୍ନରେ ଶ୍ରୀବାଲାଜି ଓ ଶ୍ରୀରାମଙ୍କ ଜୟ ଜୟକାରରେ ସହରର ଗଗନ ପବନ ମୁଖରିତ ହୋଇ ଉଠିଛି। ଆଜି ସହରରେ ଶ୍ରୀରାମ ଭକ୍ତମାନେ ବେଶ ଉଲ୍ଲସିତ ଓ ଆନନ୍ଦିତ ହୋଇଛନ୍ତି।
ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା, ଇଟିଭି ଭାରତ
