ସୁବର୍ଣ୍ଣପୁର: ରାଜ୍ୟରେ ଦିନକୁ ଦିନ ବଢିବାରେ ଲାଗିଛି କୋରୋନା ସଂକ୍ରମଣ ସଂଖ୍ୟା । ସୁବର୍ଣ୍ଣପୁର ଜିଲ୍ଲାରେ ବୁଧବାର ଦୁଇ ଜଣ ସ୍ବାସ୍ଥ୍ୟ ବିଭାଗର କର୍ମଚାରୀ କୋରୋନାରେ ଆକ୍ରାନ୍ତ ହୋଇଛନ୍ତି ।
ସୁବର୍ଣ୍ଣପୁରରେ 2 ସ୍ୱାସ୍ଥ୍ୟ କର୍ମଚାରୀଙ୍କୁ କୋରୋନା
ନାଇକେନପାଲି ସ୍ବାସ୍ଥ୍ୟ କେନ୍ଦ୍ରର ଜଣେ ଆୟୁଷ ଡାକ୍ତର ଓ ଜଣେ କମ୍ପ୍ୟୁଟର ଅପରେଟର କୋଭିଡ ପଜିଟିଭ ଚିହ୍ନଟ ହୋଇଥିବା ଜିଲ୍ଲା ପ୍ରଶାସନ ପକ୍ଷରୁ ସୂଚନା ମିଳିଛି । ଆୟୁଷ ଡାକ୍ତର ଜଣକ ସ୍ବାସ୍ଥ୍ୟ କେନ୍ଦ୍ରକୁ ଯିବା ଆସିବା କରୁଥିବା ବେଳେ କମ୍ପ୍ୟୁଟର ଅପରେଟର ଡାକ୍ତରଖାନା ପରିସରରେ ରହୁଥିଲେ । ତେବେ ନାଇକେନପାଲି ସ୍ବାସ୍ଥ୍ୟ କେନ୍ଦ୍ରକୁ ପ୍ରଶାସନ ପକ୍ଷରୁ ସିଲ କରି ଦିଆଯାଇଛି।
ଏବେ ପୋଲିସ କର୍ମଚାରୀମାନେ ନାଇକେନପାଲି ଗାଁରେ ଜଗି ରହିଥିବା ବେଳେ ଯିବା ଆସିବା କରୁଥିବା ଲୋକଙ୍କ ଉପରେ ନଜର ରଖିଛି । ଦୁଇ ସ୍ବାସ୍ଥ୍ୟ କର୍ମଚାରୀଙ୍କୁ କୋରୋନା ସଂକ୍ରମଣ ହୋଇଥିବାରୁ ନାଇକେନପାଲି ଗାଁରେ ଭୟର ବାତାବରଣ ଦେଖାଦେଇଛି ।
ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା , ଇଟିଭି ଭାରତ
