ରୟଗଡା: ନିଜ ଘରୁ ଯୁବତୀଙ୍କ ମୃତଦେହ ଉଦ୍ଧାର । ଏଭଳି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ଚାନ୍ଦିଲି ଥାନା ଅନ୍ତର୍ଗତ ଆମ୍ଲଭଟା ଛକ ନିକଟରେ । ମୃତ୍ୟୁର କାରଣ ସ୍ପଷ୍ଟ ହୋଇନଥିବାବେଳେ ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଜାରି ରଖିଛି । ସୂଚନା ଅନୁସାରେ, ଆମ୍ଲଭଟା ଛକ ନିକଟରେ ଥିବା ଏକ ଘରୁ ଏକ ୨୩ ବର୍ଷୀୟ ଯୁବତୀଙ୍କ ମୃତଦେହ ଉଦ୍ଧାର କରିଛି ପୋଲିସ । ମୃତକଙ୍କ ହେଲେ ଆମ୍ଲଭଟାର ନାଗା ଆଚାରୀଙ୍କ ଝିଅ ନାନ୍ସୀ ଆଚାରୀ ।
ନିଜସ୍ବ ବାସଭବନରୁ ଯୁବତୀଙ୍କ ମୃତଦେହ ଉଦ୍ଧାର
ନାନ୍ସୀ ଏକ ବର୍ଷ ହେଲା ଚାଇଲଡ ଫଣ୍ଡ ଇଣ୍ଡିଆ ନାମକ ଏକ ଘରେଇ ସଂସ୍ଥାରେ ଫିଲ୍ଡ କୋଅଡିନେଟର ଭାବେ କାମ କରୁଥିଲେ । ତେବେ ଆତ୍ମହତ୍ୟାର କାରଣ ସ୍ପଷ୍ଟ ହୋଇନଥିବା ବେଳେ ଖବରପାଇ ଚାନ୍ଦଲି ଥାନା ପୋଲିସ ଅଧିକାରୀ ଘଟଣାସ୍ଥଳରେ ପହଞ୍ଚି ମୃତଦେହ ଉଦ୍ଧାର କରିଛି । ଏଥିସହ ସହ ଏକ ଅପମୃତ୍ୟୁ ମାମଲା ରୁଜୁ କରି ତଦନ୍ତ ଆରମ୍ଭ କରିଛନ୍ତି ।
ଇଟିଭି ଭାରତ, ରାୟଗଡା
