ବଜ୍ରାଘାତରେ ଜଣ ମୃତ, 4 ଆହତ

ରାୟଗଡାରେ ବଜ୍ରାଘାତରେ ଜଣେ ମୃତ, 4 ଆହତ । ଚିକିତ୍ସା ପାଇଁ ମେଡିକାଲରେ ଭର୍ତ୍ତି । ପୋଲିସର ତଦନ୍ତ ଜାରି । ଅଧିକ ପଢନ୍ତୁ.....

ରାୟଗଡା: ଜିଲ୍ଲାରେ ବଜ୍ରାଘାତରେ ଜଣେ ମହିଳାଙ୍କ ମୃତ୍ୟୁ ହୋଇଥିବା ବେଳେ 4 ଆହତ ହୋଇଛନ୍ତି । ସେମାନଙ୍କୁ ଗୁଣୁପୁର ମେଡିକାଲରେ ଭର୍ତ୍ତି କରାଯାଇଛି । ଘଟଣାସ୍ଥଳରେ ପୋଲିସ ପହଞ୍ଚିଛି । ସୂଚନା ଅନୁସାରେ, ପାତ୍ରଗୁଡା ଗାଁର ଜମିରେ କାମ କରୁଥିବା ବେଳେ ବଜ୍ରାଘାତ ହୋଇଥିଲା ।

ଯେଉଁଥିରେ 4 ଜଣ ମହିଳା ଆହତ ହୋଇଥିବା ବେଳେ ଜଣେ ମହିଳାଙ୍କର ମୃତ୍ୟୁ ଘଟିଛି । ମୃତ ମହିଳା ଜଣକ ଚାଷ ଜମି ଧାନ ରୁଆ ପାଇଁ ପାତ୍ରଗୁଡାକୁ ଯାଇଥିଲେ। ତେବେ ମହିଳାଙ୍କ ମୃତ୍ୟୁକୁ ନେଇ ଗାଁରେ ଶୋକାକୂଳ ପରିବେଶ ସୃଷ୍ଟି ହୋଇଛି ।

ରାୟଗଡାରୁ ରଞ୍ଜନ ରଥ, ଇଟିଭି ଭାରତ