ରାୟଗଡ଼ା: ଜିଲ୍ଲାର ଝଞ୍ଜାବତୀ ପୋଲ ନିକଟରେ ତେଲ ବୋଝେଇ ଟ୍ୟାଙ୍କର ଦୁର୍ଘଟଣା ଘଟିଛି । ଏହି ଦୁର୍ଘଟଣାରେ ଡ୍ରାଇଭର ଗୁରୁତର ଆହତ ହୋଇଥିବା ବେଳେ ତାଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି ।
ତେଲ ବୋଝେଇ ଟାଙ୍କର ଦୁର୍ଘଟଣା, ଡ୍ରାଇଭର ଗୁରୁତର
ଗୁରୁବାର ସନ୍ଧ୍ୟା ସମୟରେ ଆନ୍ଧ୍ରପ୍ରଦେଶ ଆଡୁ ଏକ ତେଲ ବୋଝେଇ ଟ୍ୟାଙ୍କର ରାୟଗଡା ଅଭିମୁଖେ ଆସୁଥିଲା । ତେବେ ଝଞ୍ଜାବତୀ ପୋଲ ନିକଟରେ ଥିବା ବୁଲାଣି ରାସ୍ତାରେ ଡ୍ରାଇଭର ଜଣକ ଅସାବଧାନତା ଯୋଗୁଁ ରେଳବାଇ ପୋଲ ତଳେ ଥିବା କାନ୍ଥରେ ବାଡେଇ ହୋଇଥିଲା । ତେବେ ଉକ୍ତ ସ୍ଥାନରୁ ଡ୍ରାଇଭର ଫେରାର ଥିବା ବେଳେ ଟାଙ୍କର ସହାୟକଙ୍କ ଶରୀରର ବିଭିନ୍ନ ସ୍ଥାନରେ ଆଘାତ ଲାଗିଛି ।
ତେବେ ମୁଖ୍ୟରାସ୍ତାରେ ଦୁର୍ଘଟଣା ଘଟିଥିବାରୁ ଉଭୟ ପଟୁ ଏକାଧିକ ଭାରୀଯାନ ରାସ୍ତା ଉପରେ ଠିଆ ହୋଇଛି । ଘଟଣାସ୍ଥଳରେ ରାୟଗଡା ଟାଉନ୍ ଥାନା ପୁଲିସ ପହଞ୍ଚି ଟ୍ରାଫିକ ନିୟନ୍ତ୍ରଣ କରିଥିବା ଦେଖିବାକୁ ମିଳିଛି ।
ରାୟଗଡ଼ାରୁ ରଞ୍ଜନ କୁମାର ନାଥ, ଇଟିଭି ଭାରତ
