ରାୟଗଡା: ଗୁରୁବାର 2019 ନିର୍ବାଚନର ପ୍ରଥମ ପର୍ଯ୍ୟୟ ମତଦାନ ଅନୁଷ୍ଠିତ ହେଉଛି । ସକାଳ 7ଟାରୁ ଆରମ୍ଭ ହୋଇଯାଇଛି ଭୋଟଗ୍ରହଣ । ଏହା ପୂର୍ବରୁ ପ୍ରତିବୁଥରେ କରାଯାଇଥିଲା ମକଡ୍ରିଲ । ଏହା ପରେ ଆରମ୍ଭ ହୋଇଯାଇଥିଲା ଭୋଟଗ୍ରହଣ । ଆଜି ରାଜ୍ୟର 4ଲୋକସଭା ଏବଂ ସଂଲଗ୍ନ 28 ବିଧାନସଭା ପାଇଁ ଚାଲିଛି ମତଦାନ।
ଏହା ମଧ୍ୟରେ ରହିଛି କୋରାପୁଟ ସଂସଦୀୟ କ୍ଷେତ୍ର ଅଧିନସ୍ଥ ରାୟଗଡା ବିଧାନସଭା ଆସନ ପାଇଁ ଆରମ୍ଭ ହୋଇଯାଇଛି ଭୋଟଗ୍ରହଣ । ଏଠାରୁ ବିଜେଡିର ପ୍ରାର୍ଥୀ ହୋଇଥିବା ପୂର୍ବତନ ମନ୍ତ୍ରୀ ଏବଂ ଉପବାଚସ୍ପତି ଲାଲବିହାରୀ ହିମିରିକା ଭୋଟ ଦେବା ପାଇଁ ସକାଳୁ ସକାଳୁ ମତଦାନ କେନ୍ଦ୍ରରେ ପହଞ୍ଚିଥିଲେ।
ଚଳିତ ଥର ନିର୍ବାଚନ ଲଢିବା ସମ୍ପର୍କରେ ମତ ରଖି କହିଛନ୍ତି ଯେ, ଏଥର 2 ହଜାରରୁ ଊର୍ଦ୍ଧ୍ୱ ଭୋଟରେ ମୋର ବିଜୟ ହେବ । ଝୋଡିଆ ସମ୍ପ୍ରଦାୟର ଲୋକେ ମତଦାନ ବର୍ଜନ କରିବା ସମ୍ପର୍କରେ ମତ ରଖି ସେ କହିଛନ୍ତି, ସେମାନେ ଆଦିବାସୀ ମାନ୍ୟତା ପାଇବା ପାଇଁ ଦାବି କରୁଛନ୍ତି। ଏ ସମ୍ପର୍କରେ ଆମେ କେନ୍ଦ୍ରସରକାରଙ୍କୁ ଅବଗତ କରିସାରିଛୁ । ତଥାପି ସେମାନେ ମତଦାନର ବିରତ ରହିବା ଉଚିତ ନୁହେଁ ।
ରାୟଗଡାରୁ ରଞ୍ଜନ ରଥ, ଈଟିଭି ଭାରତ
