ପୁରୀ: ଦୁଇ ଜଣ ଲୁଟେରାଙ୍କୁ ଗିରଫ କଲା ପୁରୀ ଟାଉନ ଥାନା ପୋଲିସ । ଅଧିକାଂଶ ସମୟରେ ଏମାନେ ବିଭିନ୍ନ ବ୍ୟକ୍ତିଙ୍କ ଠାରୁ ଟଙ୍କା ଓ ମୋବାଇଲ ଲୁଟ କରିଥାନ୍ତି । ଶେଷରେ ପୋଲିସ ଏହି 2 ଲୁଟେରାଙ୍କୁ ଗିରଫ କରିବାରେ ସଫଳ ହୋଇଛି । ଗିରଫ 2 ଲୁଟେରା ହେଉଛନ୍ତି ପୁରୀର କୃଷ୍ଣ ଚନ୍ଦ୍ର କହଁର ଓ ଚନ୍ଦନ ସିଂ ।
ପୋଲିସର ସୂଚନା ଅନୁଯାୟୀ, ଗତ ଡିସେମ୍ବର 16 ତାରିଖରେ ପୁରୀ ଗୌଡ଼ବାଡ଼ ସାହିର ରାଜେଶ୍ୱରୀ ବେହେରା ପାଠପଢ଼ା ସାରି ରାତିରେ ଘରକୁ ଫେରୁଥିଲେ । ସେହି ସମୟରେ ବିଶ୍ବମ୍ବର ବିଦ୍ୟାପୀଠ ନିକଟରେ ଏହି ଲୁଟେରାମାନେ ତାଙ୍କ ଠାରୁ କଲେଜ ବ୍ୟାଗ ଛଡେଇ ନେଇ ପଳାଇଥିଲେ। ସେହି ବ୍ୟାଗରେ 2ହଜାର ଟଙ୍କା ସମେତ ଏଟିଏମ ଥିଲା।
ଉକ୍ତ ଏଟିଏମର ପାସୱାର୍ଡ ଏଟିଏମ କାର୍ଡରେ ଲେଖା ଥିବାରୁ ଲୁଟେରାମାନେ 46 ହଜାର 660 ଟଙ୍କା ଉଠାଇଥିଲେ। ତେବେ ଲୁଟେରାଙ୍କୁ ଗିରଫ କରାଯିବା ପରେ ଟଙ୍କା ଜବତ ସହ ସେମାନଙ୍କୁ କୋର୍ଟ ଚାଲାଣ କରାଯାଇଛି।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
