ନୂଆପଡ଼ା: ସାଙ୍ଘାତିକ ତାତିରେ ସିଝୁଛି ସାରା ରାଜ୍ୟ । ପ୍ରବଳ ଗ୍ରୀଷ୍ମ ପ୍ରଭାବ ସାଙ୍ଗକୁ ଗୁଳିଗୁଳିରେ ଆଉଟୁପାଉଟୁ ଜନଜୀବନ । ରାଜ୍ୟରେ ବିଭିନ୍ନ ସ୍ଥାନରେ ଅଂଶୁଘାତ ଜନିତ ମୃତ୍ୟୁ ହେଉଥିବାବେଳେ ନୂଆପଡାରୁ ଜଣେ ଶ୍ରମିକଙ୍କ ଅଂଶୁଘାତର ଶିକାର ହୋଇଥିବା ଅଭିଯୋଗ ହୋଇଛି ।
ସୂଚନାନୁଯାୟୀ, କୋମନା ଗାଁର ସୁକାନ୍ତ ବାଗ(34) ନାମକ ଜଣେ ଶ୍ରମିକ ରାସ୍ତାରେ କାମ କରୁଥିଲେ । ଦିନତମାମ କାମ କରିବା ପରେ ସେ ସନ୍ଧ୍ୟାରେ ଘରକୁ ଫେରି ଅସୁସ୍ଥ ହୋଇପଡିଥିଲେ । ଏହା ପରେ ତାଙ୍କୁ ତୁରନ୍ତ କୋମନା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ନିଆଯାଇଥିବାବେଳେ ପରେ ଗୁରୁତର ହେବାରୁ ନୂଆପଡ଼ା ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା ।
ଭିଡିଓ ସୌଜନ୍ୟ: ପ୍ରତିନିଧି, ନୂଆପଡ଼ା
କିନ୍ତୁ ଚିକିତ୍ସାଧୀନ ଭାବେ ତାଙ୍କ ମୃତ୍ୟୁ ଘୋଷଣା କରିଛନ୍ତି ଡାକ୍ତର । ଅନ୍ୟପଟେ, ଶବ ବ୍ୟବଚ୍ଛେଦ ପରେ ଘଟଣା ବିଷୟରେ ଜଣାପଡିବ ବୋଲି ଡାକ୍ତର ସୂଚନା ଦେଇଛନ୍ତି ।
ନୂଆପଡ଼ାରୁ ମୋତିଲାଲ ବାଗ, ଇଟିଭି ଭାରତ
