ନୂଆପଡା: କଂଗ୍ରେସ ଭବନ ଠାରେ ସଦଭାବନା ଦିବସ ପାଳିତ ହୋଇଯାଇଛି । ପୂର୍ବତନ ପ୍ରଧାନମନ୍ତ୍ରୀ ସ୍ବର୍ଗୀୟ ରାଜୀବ ଗାନ୍ଧୀଙ୍କ 76ତମ ଜନ୍ମବାର୍ଷିକୀ ଅବସରରେ ନୂଆପଡା ଯୁବ କଂଗ୍ରେସ ଅଧ୍ୟକ୍ଷ କପିଳେନ୍ଦ୍ର ଭୋଇ ଯାଦବଙ୍କ ଅଧ୍ୟକ୍ଷତାରେ ଖଡ଼ିଆଳ କଂଗ୍ରେସ ଭବନ ଠାରେ ସଦଭାବନା ଦିବସ ପାଳିତ ହୋଇଯାଇଛି ।
ଅପରପକ୍ଷେ ମୋଦି ସରକାରଙ୍କ ଆଇଆଇଏ 2020 ଡ୍ରାଫ୍ଟକୁ ବିରୋଧ କରି ପ୍ରତିବାଦ କରିଛି ଜିଲ୍ଲା ଯୁବ କଂଗ୍ରେସ । 2020 ଡ୍ରାଫ୍ଟକୁ ଦେଶବ୍ୟାପୀ ବିରୋଧ କରିବା ପାଇଁ ଜନସାଧାରଣଙ୍କୁ ଆହ୍ବାନ କରିଛି ନୂଆପଡା ଜିଲ୍ଲା ଯୁବ କଂଗ୍ରେସ । ଏହି ଅବସରରେ ଖଡ଼ିଆଳ କଂଗ୍ରେସ ଭବନ ଠାରେ ଆୟୋଜିତ ସାଧାରଣ ସଭାରେ ମୁଖ୍ୟ ଅତିଥି ଭାବରେ ଓଡ଼ିଶା ପ୍ରଦେଶ ଯୁବ କଂଗ୍ରେସ ସଭାପତି ଡକ୍ଟର ସୃତିରଞ୍ଜନ ଲେଙ୍କା ଯୋଗ ଦେଇଥିବାବେଳେ ବିଶିଷ୍ଟ ଅତିଥି ଭାବରେ ଖଡ଼ିଆଳ ବିଧାୟକ ଅଧିରାଜ ମୋହନ ପାଣିଗ୍ରାହୀ ଯୋଗଦେଇ ଜନସାଧାରଣଙ୍କୁ ସମ୍ବୋଧନ କରିଛନ୍ତି ।
ଶେଷରେ ଖଡ଼ିଆଳ ମଡେଲ ଡିଗ୍ରୀ କଲେଜ ପରିଷରରେ ସୁସ୍ଥ ପରିବେଶ ସୃଷ୍ଟି କରିବା ପାଇଁ ଅତିଥି ଡକ୍ଟର ସୃତିରଞ୍ଜନ ଲେଙ୍କା,ବିଧାୟକ ଅଧିରାଜ ମୋହନ ପାଣିଗ୍ରାହୀ ସମେତ ଯୁବ କଂଗ୍ରେସର ବହୁ ନେତା ଓ କର୍ମୀଗଣ ବୃକ୍ଷରୋପଣ କରିଥିଲେ ।
ନୂଆପଡାରୁ ମୋତିଲାଲ ବାଗ, ଇଟିଭି ଭାରତ
