ନୟାଗଡ଼: ଦୀର୍ଘଦିନ ଧରି ବନ୍ଦ ରହିଥିବା ଚିନି କଳ ଖୋଲିବାକୁ ନେଇ ଜିଲ୍ଲାପାଳଙ୍କ କାର୍ଯ୍ୟାଳୟରେ ବୈଠକ । ନୟାଗଡର ଏକମାତ୍ର ଚିନି କଳକୁ ଖୋଲିବାକୁ କ୍ରିୟାନୁଷ୍ଠାନ କମିଟି ପକ୍ଷରୁ ଦୀର୍ଘଦିନ ଧରି ଆନ୍ଦୋଳନ କରିବା ପରେ ଆଜି ଜିଲ୍ଲାପାଳଙ୍କ କାର୍ଯ୍ୟାଳୟରେ କୃଷିମନ୍ତ୍ରୀ ଅରୁଣ ସାହୁଙ୍କ ସହ ସଦସ୍ୟଙ୍କ ବୈଠକ ହୋଇଛି ।
ଏହି ବୈଠକରେ ନୟାଗଡ ଜିଲ୍ଲାପାଳ ଥିରୁମଲା ନାୟକ, କୃଷିମନ୍ତ୍ରୀ, ୟୁକୋ ବ୍ୟାଙ୍କର ବିଭାଗୀୟ ଅଧିକାରୀ, ଚିନି କଳର କ୍ରିୟାନୁଷ୍ଠାନ କମିଟିଙ୍କ ସହ ଆଲୋଚନା କରିଛନ୍ତି । ଏହି ବନ୍ଦ ଚିନିଶିଳ୍ପର ମାଲିକ ତ୍ରିଲୋକ୍ୟ ମିଶ୍ର ହୋଇଥିବାବେଳେ ସେ ଚିନିକଳକୁ ବ୍ୟାଙ୍କରେ ବନ୍ଧକ ରଖିଥିଲେ ।
କିଛିଦିନ ପରେ ଚିନି ବ୍ୟବସାୟରେ କ୍ଷତି ସହିବାରୁ ଚିନିକଳ ବନ୍ଦ ହୋଇଥିଲା । କିନ୍ତୁ ଚିନି କଳ ବନ୍ଦ ହେବା ପରେ ଅନେକ ଶ୍ରମିକ ଓ କର୍ମଚାରୀ ନିଯୁକ୍ତି ହରାଇବା ସହ ବକେୟା ପାଉଣା ମଧ୍ୟ ଦେଇନଥିଲେ ତ୍ରିଲୋଚନ । ଯାହାକୁ ନେଇ କ୍ରିୟାନୁଷ୍ଠାନ କମିଟି ପକ୍ଷରୁ ଆନ୍ଦୋଳନ ଚାଲିଆସିଥିଲା । ପୁଣି ଆସନ୍ତା ସାତ ଦିନ ପରେ ପୁଣି ଆଉଥରେ, ଏହାର ବୈଠକ ବସିବ ବୋଲି ସ୍ଥିର ହୋଇଛି ।
ନୟାଗଡରୁ ଉତ୍ପଳ ସାହୁ, ଇଟିଭି ଭାରତ
