ନୟାଗଡ଼: ଜିଲ୍ଲା ରଣପୁର ବ୍ଲକ ରାଜସୁନାଖଳା ନିକଟସ୍ତ ପ୍ରସିଦ୍ଧ ପର୍ଯ୍ୟଟନସ୍ଥଳୀ କୋଟଗଡ଼ ଅନନ୍ତ ଗୁମ୍ଫା ନିକଟରେ ଚିନ୍ତାର କାରଣ ସାଜିଛି ମୁକୁଳା ବିଦ୍ୟୁତ୍ ଟ୍ରାନ୍ପଫର୍ମର । ପ୍ରତ୍ୟେହ ଏଠାକୁ ଶହ ଶହ ପର୍ଯ୍ୟଟକ ବୁଲିବାକୁ ଆସୁ ଥିବାବେଳେ ଟ୍ରାନ୍ସଫର୍ମର ପର୍ଯ୍ୟଟକଙ୍କ ସମେତ ସ୍ଥାନୀୟ ବାସିନ୍ଦାଙ୍କ ଚିନ୍ତା ବଢାଇଛି l
ନୟାଗଡ ଜିଲ୍ଲା ରଣପୁର ରାଜସୁନାଖଳା ନିକଟସ୍ଥ କୋଟଗଡ ଗୁମ୍ଫା ଜିଲ୍ଲାର ଅନ୍ୟତମ ପର୍ଯ୍ୟଟନ କ୍ଷେତ୍ର । ଏଠାକୁ ପ୍ରତ୍ୟହ ଶହ ଶହ ଲୋକଙ୍କ ସମାଗମ ଦେଖିବାକୁ ମିଳେ । ଅଥଚ ଏହି ପୀଠରେ ଥିବା ଏକ ମୁକୁଳା ବିଦ୍ୟୁତ ଟ୍ରାନ୍ସଫର୍ମକୁ ନେଇ ପର୍ଯ୍ୟଟକଙ୍କ ଚିନ୍ତା ବଢୁଛି l ଲୋକଙ୍କୁ ବିଦ୍ୟୁତ ସେବା ଯୋଗାଇ ଦେବାକୁ ଲାଇନ ସଂଯୋଗ କରାଯାଇଛି l ହେଲେ ଟ୍ରାନ୍ସଫର୍ମରଟି ମୁକୁଳା ପଡ଼ିଥିବାରୁ ଦୁର୍ଘଟଣାର ଆଶଙ୍କା ସୃଷ୍ଟିକରିଛି l
ଟ୍ରାନ୍ସଫର୍ମର ତଳେ ଅନେକ ପର୍ଯ୍ୟଟକ ବସୁଥିବା ଦେଖିବାକୁ ମିଳୁଛି l ତେଣୁ ଦୁର୍ଘଟଣାର ଆଶଙ୍କା କରାଯାଉଛି l କେବଳ ଟ୍ରାନ୍ସଫର୍ମ ମୁକୁଳା ପଡ଼ିନାହିଁ, ଏଥିରେ ସଂଯୋଗ କରାଯାଇଥିବା ଅନେକ ତାର ମଧ୍ୟ ଖୋଲା ରହିଛି l ବୋର୍ଡର ବ୍ୟବସ୍ଥା ନଥିବାରୁ ପର୍ଯ୍ୟଟକମାନେ ହୁକ ପକାଇ ଲାଇନ ନେଉଛନ୍ତି l ଟ୍ରାନ୍ସଫର୍ମର ତଳେ ଲୋକେ ଯିବା ଆସିବା କରୁ ଥିବାବେଳେ ଅତି ନିକଟରେ ମଧ୍ୟ ଭୋଜି କରୁଛନ୍ତି ପର୍ଯ୍ୟଟକ l ସାମାନ୍ୟ ଅସାବଧାନତା ଯୋଗୁଁ ଦୁର୍ଘଟଣା ଘଟିବାର ଆଶଙ୍କା ଚିନ୍ତା ବଢାଇଛି l ତେବେ ଏହି ଟ୍ରାନ୍ସଫର୍ମର ଚାରିପଟେ ତାର ବାଡ଼ କରିବାକୁ ଦାବି କରିଛନ୍ତି ସ୍ଥାନୀୟ ଲୋକେ l
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ
