ନୟାଗଡ଼: ପରୀ ହତ୍ୟା ଘଟଣାକୁ ନେଇ ନୟାଗଡରେ ପହଞ୍ଚିଲେ କ୍ରାଇମବ୍ରାଞ୍ଚ ଟିମ୍ । ଶୁକ୍ରବାର ନୟାଗଡରେ ପହଁଞ୍ଚି ପରୀ ହତ୍ୟାକାଣ୍ଡର ପ୍ରାଥମିକ ତଦନ୍ତ ଆରମ୍ଭ କଲେ କ୍ରାଇମବ୍ରାଞ୍ଚର ଆଉ ଏକ ଟିମ l
ନୟାଗଡ଼ରେ କ୍ରାଇମବ୍ରାଞ୍ଚ
ସୂଚନା ଅନୁଯାୟୀ, ଗୁରୁବାର ଅନ୍ୟ ଏକ ଟିମ ମଧ୍ୟ ତଦନ୍ତ କରି ଫେରିଛନ୍ତି l ଗୁରୁବାର 3 ଜଣିଆ ଟିମ ଆସି ମୃତ ପରୀର ବାପା ଓ ମାଙ୍କୁ ପଚରା ଉଚରା କରିଥିଲେ l କ୍ରାଇମବ୍ରାଞ୍ଚ ଟିମ ନୟାଗଡ ଏସପିଙ୍କ ସହିତ ଘଟଣା ବିଷୟରେ ପଚାରିଥିଲେ । ପରେ ଯୋଗିଆପଲ୍ଲୀରେ ଥିବା ପରୀର ମା ଓ ବାପାଙ୍କୁ ପଚରାଉଚରା କରିଥିଲେ l
ଯଦୁପୁରରୁ ଆସି ଘଟଣାସ୍ଥଳରେ ବୁଲି ଘଟଣାର ଅନୁଧ୍ୟାନ ମଧ୍ୟ କରିଥିଲେ l କ୍ରାଇମବ୍ରାଞ୍ଚ ତଦନ୍ତକୁ ପରୀ ବାପା ମା ସନ୍ତୁଷ୍ଟ ଥିବାବେଳେ ଅଭୁଯୁକ୍ତଙ୍କୁ ଶୀଘ୍ର ଗିରଫ ଦାବି କରିଛନ୍ତି l ଏଡିଜି କହିଛନ୍ତି ଭଲ ତଦନ୍ତକାରୀ ଅଫିସର ମାନେ ନିୟୋଜିତ ହୋଇଛନ୍ତି l ତଦନ୍ତ କରାଯାଉଛି l ଖୁବଶୀଘ୍ର ଘଟଣା ଉପରୁ ପରଦା ହଟିବ ।
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ
